헬라어 문장 검색 - Πλυταρ́Αρατυσ́37́

(플루타르코스, Aratus, chapter 37)

οὐ μὴν ἀλλὰ τῶν ψιλῶν ἐκδραμόντων καὶ ὠσαμένων τοὺσ Σπαρτιάτασ ἄχρι τὸν στρατοπέδου καὶ περὶ τὰσ σκηνὰσ διασπαρέντων, ὁ μὲν Ἄρατοσ οὐδ’ ὥσ ἐπήγαγεν, ἀλλ’ ἐν μέσῳ λαβὼν χαράδραν ἐπέστησε καὶ κατεκώλυσε διαβῆναι τοὺσ ὁπλίτασ· ὁ δὲ Λυδιάδησ περιπαθῶν πρὸσ τὰ γιγνόμενα καὶ τὸν Ἄρατον κακίζων ἀνεκαλεῖτο τοὺσ ἱππεῖσ ὡσ αὑτόν, ἀξιῶν ἐπιφανῆναι τοῖσ διώκουσι καὶ μὴ προέσθαι τὸ νίκημα μηδὲ ἐγκαταλιπεῖν αὑτόν ὑπὲρ τῆσ πατρίδοσ ἀγωνιζόμενον. πολλῶν δὲ συστραφέντων καὶ ἀγαθῶν ἐπιρρωσθεὶσ ἐνέβαλε τῷ δεξιῷ τῶν πολεμίων καὶ τρεψάμενοσ ἐδίωκεν, ὑπὸ θυμοῦ καὶ φιλοτιμίασ ἀταμιεύτωσ ἐπισπασθεὶσ εἰσ χωρία σκολιὰ καὶ μεστὰ δένδρων πεφυτευμένων καὶ τάφρων πλατειῶν, ἐν οἷσ ἐπιθεμένου τοῦ Κλεομένουσ ἔπεσε λαμπρῶσ ἀγωνισάμενοσ τὸν κάλλιστον τῶν ἀγώνων ἐπὶ θύραισ τῆσ πατρίδοσ, οἱ δ’ ἄλλοι φεύγοντεσ εἰσ τὴν φάλαγγα καὶ συνταράξαντεσ τοὺσ ὁπλίτασ ὅλον τὸ στράτευμα τῆσ ἥττησ ἐνέπλησαν.

αἰτίαν δὲ μεγάλην ὁ Ἄρατοσ ἔλαβε δόξασ προέσθαι τὸν Λυδιάδην·

καὶ βιασθεὶσ ὑπὸ τῶν Ἀχαιῶν ἀπερχομένων πρὸσ ὀργήν ἠκολούθησεν αὐτοῖσ εἰσ Αἴγιον. ἐκεῖ δὲ συνελθόντεσ ἐψηφίσαντο μὴ διδόναι χρήματα αὐτῷ μηδὲ μισθοφόρουσ τρέφειν ἀλλ’ αὑτῷ πορίζειν, εἰ δέοιτο πολεμεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Aratus, chapter 37

(플루타르코스, Aratus, chapter 37)

상위

목록

SEARCH

MENU NAVIGATION