Plutarch, Aratus, chapter 30 1:

ὡσ δ’ οὖν τὸν Ἀρίστιππον ἀνεῖλεν, εὐθὺσ ἐπεβούλευσε Λυδιάδῃ τῷ Μεγαλοπολίτῃ τυραννοῦντι τῆσ ἑαυτοῦ πατρίδοσ, ὁ δὲ οὐκ ὢν ἀγεννὴσ οὐδὲ ἀφιλότιμοσ τὴν φύσιν, οὐδὲ ὥσπερ οἱ πολλοὶ τῶν μονάρχων ἀκρασίᾳ. καὶ πλεονεξίᾳ πρὸσ ταύτην ῥυεὶσ τὴν ἀδικίαν, ἀλλ’ ἐπαρθεὶσ ἔρωτι δόξησ ἔτι νέοσ καὶ λόγουσ ψευδεῖσ καὶ κενοὺσ λεγομένουσ περὶ τυραννίδοσ, ὡσ μακαρίου καὶ θαυμαστοῦ πράγματοσ, εἰσ μέγα φρόνημα παραδεξάμενοσ ἀνοήτωσ, καὶ καταστήσασ ἑαυτὸν τύραννον ταχὺ μεστὸσ ἦν τῆσ ἐκ μοναρχίασ βαρύτητοσ.