헬라어 문장 검색 - Πλυταρ́Αρατυσ́20́

(플루타르코스, Aratus, chapter 20)

οὖσαν δὲ καθ’ αὑτὴν ἐπισφαλῆ τὴν πρᾶξιν ἐπισφαλεστέραν ἐποίησεν ἁμαρτία τισ εὐθὺσ ἐν ἀρχῇ συμβᾶσα δι’ ἄγνοιαν. ὁ γὰρ οἰκέτησ τοῦ Ἀράτου Τέχνων ἐπέμφθη μὲν ὡσ μετὰ τοῦ Διοκλέουσ κατασκεψόμενοσ τὸ τεῖχοσ, οὔπω δ’ ἦν τῷ Διοκλεῖ πρότερον ἐντετυχηκὼσ κατ’ ὄψιν, ἀλλὰ τὴν μορφὴν αὐτοῦ καὶ τὸ εἶδοσ δοκῶν κατέχειν ἐξ ὧν ὁ Ἐργῖνοσ ἐπεσήμηνεν οὐλοκόμην καὶ μελάγχρουν καὶ ἀγένειον. ἐλθὼν οὖν ὅπου συνετέτακτο, τὸν Ἐργῖνον ὡσ ἀφιξόμενον μετὰ τὸν Διοκλέουσ ἀνέμενε πρὸ τῆσ πόλεωσ πρὸ τοῦ καλουμένου Ὄρνιθοσ, ἐν δὲ τούτῳ πρῶτοσ ἀδελφὸσ Ἐργίνου καὶ Διοκλέουσ ὄνομα Διονύσιοσ οὐ συνειδὼσ τὴν πρᾶξιν οὐδὲ κοινωνῶν, ὅμοιοσ δὲ τῷ Διοκλεῖ, προσῄει κατὰ τύχην.

ὁ δὲ Τέχνων πρὸσ τὰ σημεῖα τῆσ μορφῆσ τῇ ὁμοιότητι κινηθείσ ἠρώτησε τὸν ἄνθρωπον εἴ τι συμβόλαιον αὐτῷ πρὸσ Ἐργῖνον εἰή. φήσαντοσ δὲ ἀδελφὸν εἶναι, παντάπασιν ὁ Τέχνων ἐπείσθη τῷ Διοκλεῖ διαλέγεσθαι καὶ μήτε τοὔνομα πυθόμενοσ μήτ’ ἄλλο μηδὲν προσμείνασ τεκμήριον ἐμβάλλει τε τὴν δεξιὰν αὐτῷ καὶ περὶ τῶν συγκειμένων πρὸσ τὸν Ἐργῖνον ἐλάλει κἀκεῖνον ἀνέκρινεν.

ὁ δὲ δεξάμενοσ αὐτοῦ τὴν ἁμαρτίαν πανούργωσ ὡμολόγει τε πάντα καὶ πρὸσ τὴν πόλιν ἀναστρέψασ ὑπῆγεν ἀνυπόπτωσ διαλεγόμενοσ, ἤδη δὲ πλησίον ὄντοσ αὐτοῦ καὶ μέλλοντοσ ὅσον οὔπω τὸν Τέχνωνα διαλαμβάνειν, ἀπὸ τύχησ αὖ πάλιν ὁ Ἐργῖνοσ αὐτοῖσ ἀπήντησεν. αἰσθόμενοσ δὲ τὴν ἀπάτην καὶ τὸν κίνδυνον διὰ νεύματοσ ἐδήλωσε τῷ Τέχνωνι φεύγειν καὶ ἀποπηδήσαντεσ ἀμφότεροι δρόμῳ πρὸσ τὸν Ἄρατον ἀπεσώθησαν.

οὐ μὴν ἀπέκαμε ταῖσ ἐλπίσιν ἐκεῖνοσ, ἀλλ’ ἔπεμψεν εὐθὺσ τὸν Ἐργῖνον χρυσίον τε τῷ Διονυσίῳ κομίζοντα καὶ δεησόμενον αὐτοῦ σιωπᾶν. ὁ δὲ καὶ τοῦτο ἐποίησε καὶ τὸν Διονύσιον ἄγων μεθ’ ἑαυτοῦ πρὸσ τὸν Ἄρατον ἦλθεν.

ἐλθόντα δὲ αὐτὸν οὐκέτι διῆκαν, ἀλλὰ δήσαντεσ ἐφύλαττον ἐν οἰκίσκῳ κατακεκλεισμένον αὐτοὶ δὲ παρεσκευάζοντο πρὸσ τὴν ἐπίθεσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Aratus, chapter 20

(플루타르코스, Aratus, chapter 20)

상위

목록

SEARCH

MENU NAVIGATION