헬라어 문장 검색 - Πλυταρ́Αρατυσ́09́

(플루타르코스, Aratus, chapter 9)

τότε δὲ πιστεύσαντεσ ἥκειν ἃ πάλαι προσεδόκων, ὡρ́μησαν ἀθρόοι πρὸσ τὰσ θύρασ τοῦ τυράννου πῦρ ἐπιφέροντεσ. ἤρθη δὲ φλὸξ μεγάλη καὶ καταφανὴσ μέχρι Κ. ορίνθου τῆσ οἰκίασ ἀναφθείσησ, ὥστε θαυμάσαντασ τοὺσ ἐν Κορίνθῳ παρὰ μικρὸν ὁρμῆσαι πρὸσ τὴν βοήθειαν. ὁ μὲν οὖν Νικοκλῆσ ἔλαθε διά τινων ὑπονόμων ὑπεκδὺσ καὶ ἀποδρὰσ ἐκ τῆσ πόλεωσ, οἱ δὲ στρατιῶται καταπαύσαντεσ μετὰ τῶν Σικυωνίων τὸ πῦρ διήρπαζον τὴν οἰκίαν. καὶ οὔτε ταῦτα ἐκώλυσεν ὁ Ἄρατοσ, τά τε λοιπὰ χρήματα τῶν τυράννων εἰσ μέσον ἔθηκε τοῖσ πολίταισ.

ἀπέθανε δὲ οὐδεὶσ οὐδὲ ἐτρώθη τὸ παράπαν τῶν ἐπελθόντων οὐδὲ τῶν πολεμίων, ἀλλὰ καθαρὰν καὶ ἄθικτον αἵματοσ ἐμφυλίου τὴν πρᾶξιν ἡ τύχη διεφύλαξε. κατήγαγε δὲ φυγάδασ τοὺσ μὲν ὑπὸ Νικοκλέουσ ἐκπεπτωκότασ ὀγδοήκοντα, τοὺσ δὲ ἐπὶ τῶν ἔμπροσθεν τυράννων οὐκ ἐλάττουσ πεντακοσίων, οἷσ μακρὰ μὲν ἡ πλάνη καὶ ὁμοῦ τι πεντηκονταετὴσ ἐγεγόνει.

κατελθόντεσ δὲ οἱ πλεῖστοι πένητεσ, ὧν κύριοι πρότερον ἦσαν ἐπελαμβάνοντο, καὶ βαδίζοντεσ ἐπὶ τὰ χωρία καὶ τὰσ οἰκίασ δεινὴν ἀπορίαν τῷ Ἀράτῳ παρεῖχον, ἐπιβουλευομένην μὲν ἔξωθεν καὶ φθονουμένην ὑπ’ Ἀντιγόνου τὴν πόλιν ὁρῶντι διά τὴν ἐλευθερίαν, ταραττομένην δὲ ὑφ’ αὑτῆσ καὶ στασιάζουσαν. ὅθεν ἐκ τῶν παρόντων ἄριστα κρίνασ προσέμιξεν αὐτὴν φέρων τοῖσ Ἀχαιοῖσ·

καὶ Δωριεῖσ ὄντεσ ὑπέδυσαν ἑκουσίωσ ὄνομα καὶ πολιτείαν τὴν Ἀχαιῶν οὔτε ἀξίωμα λαμπρὸν οὔτε μεγάλην ἰσχὺν ἐχόντων τότε. μικροπολῖται γὰρ ἦσαν οἱ πολλοί, καὶ γῆν οὔτε χρηστὴν οὔτε ἄφθονον ἐκέκτηντο, καὶ θαλάττῃ προσῴκουν ἀλιμένῳ, τὰ πολλὰ κατὰ ῥαχίασ ἐκφερομένῃ πρὸσ τὴν ἤπειρον. καὶ ὅτι τῷ πρώτῳ κατ’ ἀρετὴν ἐδύναντο μὴ φθονεῖν, ἀλλὰ πείθεσθαι καὶ ἀκολουθεῖν, οὐ μόνον αὑτοὺσ ἐν μέσῳ πόλεων καὶ δυνάμεων τηλικούτων καὶ τυραννίδων διεφύλαξαν ἐλευθέρουσ, ἀλλὰ καὶ τῶν ἄλλων Ἑλλήνων ὡσ πλείστουσ ἐλευθεροῦντεσ καὶ σῴζοντεσ διετέλουν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Aratus, chapter 9

(플루타르코스, Aratus, chapter 9)

상위

목록

SEARCH

MENU NAVIGATION