헬라어 문장 검색 - Παυσαν́Δεσξριπ́1́39́

(파우사니아스, Description of Greece, Ἀττικά, chapter 39)

ἑτέρα δὲ ὁδὸσ ἐξ Ἐλευσῖνοσ πρὸσ Μέγαρα ἄγει· ταύτην ἐρχομένοισ τὴν ὁδὸν φρέαρ ἐστὶν Ἄνθιον καλούμενον. ἐποίησε δὲ Πάμφωσ ἐπὶ τούτῳ τῷ φρέατι καθῆσθαι Δήμητρα μετὰ τὴν ἁρπαγὴν τῆσ παιδὸσ γραὶ̈ εἰκασμένην· παιδὸσ τὴν ἀνατροφήν.

ὀλίγῳ δὲ ἀπωτέρω τοῦ φρέατοσ ἱερὸν Μετανείρασ ἐστὶ καὶ μετ’ αὐτὸ τάφοι τῶν ἐπὶ Θήβασ.

Κρέων γάρ, ὃσ ἐδυνάστευε τότε ἐν Θήβαισ Λαοδάμαντα ἐπιτροπεύων τὸν Ἐτεοκλέουσ, οὐ παρῆκε τοῖσ προσήκουσιν ἀνελομένοισ θάψαι· ἱκετεύσαντοσ δὲ Ἀδράστου Θησέα καὶ μάχησ Ἀθηναίων γενομένησ πρὸσ Βοιωτούσ, Θησεὺσ ὡσ ἐκράτησε τῇ μάχῃ κομίσασ ἐσ τὴν Ἐλευσινίαν τοὺσ νεκροὺσ ἐνταῦθα ἔθαψε. Θηβαῖοι δὲ τὴν ἀναίρεσιν τῶν νεκρῶν λέγουσιν ἐθελονταὶ δοῦναι καὶ συνάψαι μάχην οὔ φασι. ‐ μετὰ δὲ τῶν Ἀργείων τοὺσ τάφουσ ἐστὶν Ἀλόπησ μνῆμα, ἣν τεκοῦσαν Ἱπποθόωντα ἐκ Ποσειδῶνοσ ἀποθανεῖν ἐνταῦθά φασιν ὑπὸ τοῦ πατρὸσ Κερκυόνοσ.

εἶναι δὲ ὁ Κερκυὼν λέγεται καὶ τὰ ἄλλα ἄδικοσ ἐσ τοὺσ ξένουσ καὶ παλαίειν οὐ βουλομένοισ· καὶ ὁ τόποσ οὗτοσ παλαίστρα καὶ ἐσ ἐμὲ ἐκαλεῖτο Κερκυόνοσ, ὀλίγον τοῦ τάφου τῆσ Ἀλόπησ ἀπέχων. λέγεται δὲ ὁ Κερκυὼν τοὺσ καταστάντασ ἐσ πάλην διαφθεῖραι πλὴν Θησέωσ, Θησεὺσ δὲ κατεπάλαισεν αὐτὸν σοφίᾳ τὸ πλέον· παλαιστικὴν γὰρ τέχνην εὑρ͂ε Θησεὺσ πρῶτοσ καὶ πάλησ κατέστη ὕστερον ἀπ’ ἐκείνου διδασκαλία· πρότερον <δὲ> ἐχρῶντο μεγέθει μόνον καὶ ῥώμῃ πρὸσ τὰσ πάλασ. τοσαῦτα κατὰ γνώμην τὴν ἐμὴν Ἀθηναίοισ γνωριμώτατα ἦν ἔν τε λόγοισ καὶ θεωρήμασιν, ἀπέκρινε δὲ ἀπὸ τῶν πολλῶν ἐξ ἀρχῆσ ὁ λόγοσ μοι τὰ ἐσ συγγραφὴν ἀνήκοντα.

Ἐλευσῖνι δὲ ἤδη πλησιόχωροσ <ἡ> καλουμένη Μεγαρίσ·

τῆσ Ἀθηναίων ἦν καὶ αὕτη τὸ ἀρχαῖον, Πύλα τοῦ βασιλέωσ καταλιπόντοσ Πανδίονι. μαρτύρια δέ μοι τάφοσ τε Πανδίονοσ ἐν τῇ γῇ καὶ Νῖσοσ Αἰγεῖ μὲν πρεσβυτάτῳ τοῦ παντὸσ γένουσ παραχωρήσασ Ἀθηναίων ἄρχειν, αὐτὸσ δὲ Μεγάρων καὶ τῆσ ἄχρι Κορίνθου βασιλεύειν ἀξιωθείσ·

Νίσαιά τε ἔτι καὶ νῦν Μεγαρεῦσιν ἐπίνειον ἀπ’ αὐτοῦ καλεῖται. Κόδρου δὲ ὕστερον βασιλεύοντοσ στρατεύουσιν ἐπ’ Ἀθήνασ Πελοποννήσιοι· καὶ ὡσ οὐδὲν ἀποδειξάμενοι λαμπρὸν ἐκομίζοντο ὀπίσω, Μέγαρα Ἀθηναίων ἑλόντεσ Κορινθίων καὶ τῶν ἄλλων συμμάχων τοῖσ ἐθέλουσιν ἔδωκαν οἰκῆσαι. Μεγαρεῖσ μὲν οὕτωσ ἔθη καὶ φωνὴν μεταβαλόντεσ Δωριεῖσ γεγόνασι, κληθῆναι δὲ οὕτω τὴν πόλιν φασὶν ἐπὶ Καρὸσ τοῦ Φορωνέωσ ἐν τῇ γῇ ταύτῃ βασιλεύοντοσ·

τότε πρῶτον λέγουσιν ἱερὰ γενέσθαι Δήμητροσ αὐτοῖσ, τότε ἀνθρώπουσ ὀνομάσαι Μέγαρα. οὕτω μὲν αὐτοὶ περὶ σφῶν Μεγαρεῖσ λέγουσι· Βοιωτοὶ δὲ ἐν Ὀγχηστῷ Μεγαρέα τὸν Ποσειδῶνοσ οἰκοῦντα ἀφικέσθαι στρατιᾷ Βοιωτῶν φασι Νίσῳ τὸν πρὸσ Μίνω πόλεμον συνδιοίσοντα, πεσόντα δὲ αὐτὸν ἐν τῇ μάχῃ ταφῆναί τε αὐτοῦ καὶ τῇ πόλει Μέγαρα ὄνομα ἀπὸ τούτου γενέσθαι, πρότερον Νίσᾳ καλουμένῃ. δωδεκάτῃ δὲ ὕστερον μετὰ Κᾶρα τὸν Φορωνέωσ γενεᾷ λέγουσιν οἱ Μεγαρεῖσ Λέλεγα ἀφικόμενον ἐξ Αἰγύπτου βασιλεῦσαι καὶ τοὺσ ἀνθρώπουσ κληθῆναι Λέλεγασ ἐπὶ τῆσ ἀρχῆσ αὐτοῦ·

Κλήσωνοσ δὲ τοῦ Λέλεγοσ γενέσθαι Πύλαν, τοῦ Πύλα <δὲ> Σκίρωνα· <τοῦτον> συνοικῆσαι Πανδίονοσ θυγατρί, καὶ ὕστερον Νίσῳ τῷ Πανδίονοσ ἐσ ἀμφισβήτησιν ἐλθεῖν περὶ τῆσ ἀρχῆσ Σκίρωνα καί σφισιν Αἰακὸν δικάσαι, βασιλείαν μὲν διδόντα Νίσῳ καὶ τοῖσ ἀπογόνοισ, Σκίρωνι δὲ ἡγεμονίαν εἶναι πολέμου. Μεγαρέα δὲ τὸν Ποσειδῶνοσ θυγατρὶ Νίσου συνοικήσαντα Ἰφινόῃ διαδέξασθαι τὴν τοῦ Νίσου φασὶν ἀρχήν·

τὸν δὲ Κρητικὸν πόλεμον καὶ τὴν ἐπὶ Νίσου βασιλεύοντοσ ἅλωσιν τῆσ πόλεωσ οὐκ ἐθέλουσιν εἰδέναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀττικά, chapter 39

(파우사니아스, Description of Greece, Ἀττικά, chapter 39)

상위

목록

SEARCH

MENU NAVIGATION