헬라어 문장 검색 - Παυσαν́Δεσξριπ́1́18́

(파우사니아스, Description of Greece, Ἀττικά, chapter 18)

τὸ δὲ ἱερὸν τῶν Διοσκούρων ἐστὶν ἀρχαῖον, αὐτοί τε ἑστῶτεσ καὶ οἱ παῖδεσ καθήμενοί σφισιν ἐφ’ ἵππων. ἐνταῦθα Πολύγνωτοσ μὲν ἔχοντα ἐσ αὐτοὺσ ἔγραψε γάμον τῶν θυγατέρων τῶν Λευκίππου, Μίκων δὲ τοὺσ μετὰ Ιἄσονοσ ἐσ Κόλχουσ πλεύσαντασ· καί οἱ τῆσ γραφῆσ ἡ σπουδὴ μάλιστα ἐσ Ἄκαστον καὶ τοὺσ ἵππουσ ἔχει τοὺσ Ἀκάστου. ὑπὲρ δὲ τῶν Διοσκούρων τὸ ἱερὸν Ἀγλαύρου τέμενόσ ἐστιν.

Ἀγλαύρῳ δὲ καὶ ταῖσ ἀδελφαῖσ Ἕρσῃ καὶ Πανδρόσῳ δοῦναί φασιν Ἀθηνᾶν Ἐριχθόνιον καταθεῖσαν ἐσ κιβωτόν, ἀπειποῦσαν ἐσ τὴν παρακαταθήκην μὴ πολυπραγμονεῖν· Πάνδροσον μὲν δὴ λέγουσι πείθεσθαι, τὰσ δὲ δύο ‐ ἀνοῖξαι γὰρ σφᾶσ τὴν κιβωτόν ‐ μαίνεσθαί τε, ὡσ εἶδον τὸν Ἐριχθόνιον, καὶ κατὰ τῆσ ἀκροπόλεωσ, ἔνθα ἦν μάλιστα ἀπότομον, αὑτὰσ ῥῖψαι. ἢ Θεμιστοκλῆσ εἰδέναι νομίζοντασ καὶ τὴν ἀκρόπολιν ξύλοισ καὶ σταυροῖσ ἀποτειχίσαντασ.

πλησίον δὲ πρυτανεῖόν ἐστιν, ἐν ᾧ νόμοι τε οἱ Σόλωνόσ εἰσι γεγραμμένοι καὶ θεῶν Εἰρήνησ ἀγάλματα κεῖται καὶ Ἑστίασ, ἀνδριάντεσ δὲ ἄλλοι τε καὶ Αὐτόλυκοσ ὁ παγκρατιαστήσ·

τὰσ γὰρ Μιλτιάδου καὶ Θεμιστοκλέουσ εἰκόνασ ἐσ Ῥωμαῖόν τε ἄνδρα καὶ Θρᾷκα μετέγραψαν. ἐντεῦθεν ἰοῦσιν ἐσ τὰ κάτω τῆσ πόλεωσ Σαράπιδόσ ἐστιν ἱερόν, ὃν Ἀθηναῖοι παρὰ Πτολεμαίου θεὸν ἐσηγάγοντο.

Αἰγυπτίοισ δὲ ἱερὰ Σαράπιδοσ ἐπιφανέστατον μέν ἐστιν Ἀλεξανδρεῦσιν, ἀρχαιότατον δὲ ἐν Μέμφει· ἐσ τοῦτο ἐσελθεῖν οὔτε ξένοισ ἔστιν οὔτε τοῖσ ἱερεῦσι, πρὶν ἂν τὸν Ἆπιν θάπτωσι. τοῦ δὲ ἱεροῦ τοῦ Σαράπιδοσ οὐ πόρρω χωρίον ἐστίν, ἔνθα Πειρίθουν καὶ Θησέα συνθεμένουσ ἐσ Λακεδαίμονα καὶ ὕστερον ἐσ Θεσπρωτοὺσ σταλῆναι λέγουσι. πλησίον δὲ ᾠκοδόμητο ναὸσ Εἰλειθυίασ, ἣν ἐλθοῦσαν ἐξ Ὑπερβορέων ἐσ Δῆλον γενέσθαι βοηθὸν ταῖσ Λητοῦσ ὠδῖσι, τοὺσ δὲ ἄλλουσ παρ’ αὐτῶν φασι τῆσ Εἰλειθυίασ μαθεῖν τὸ ὄνομα·

καὶ θύουσί τε Εἰλειθυίᾳ Δήλιοι καὶ ὕμνον ᾄδουσιν Ὠλῆνοσ. Κρῆτεσ δὲ χώρασ τῆσ Κνωσσίασ ἐν Ἀμνισῷ γενέσθαι νομίζουσιν Εἰλείθυιαν καὶ παῖδα Ἥρασ εἶναι· μόνοισ δὲ Ἀθηναίοισ τῆσ Εἰλειθυίασ κεκάλυπται τὰ ξόανα ἐσ ἄκρουσ τοὺσ πόδασ. τὰ μὲν δὴ δύο εἶναι Κρητικὰ καὶ Φαίδρασ ἀναθήματα ἔλεγον αἱ γυναῖκεσ, τὸ δὲ ἀρχαιότατον Ἐρυσίχθονα ἐκ Δήλου κομίσαι. πρὶν δὲ ἐσ τὸ ἱερὸν ἰέναι τοῦ Διὸσ τοῦ Ὀλυμπίου ‐ Ἀδριανὸσ ὁ Ῥωμαίων βασιλεὺσ τόν τε ναὸν ἀνέθηκε καὶ τὸ ἄγαλμα θέασ ἄξιον, οὗ μεγέθει μέν, ὅτι μὴ Ῥοδίοισ καὶ Ῥωμαίοισ εἰσὶν οἱ κολοσσοί, τὰ λοιπὰ ἀγάλματα ὁμοίωσ ἀπολείπεται, πεποίηται δὲ ἔκ τε ἐλέφαντοσ καὶ χρυσοῦ καὶ ἔχει τέχνησ εὖ πρὸσ τὸ μέγεθοσ ὁρῶσιν ‐ , ἐνταῦθα εἰκόνεσ Ἀδριανοῦ δύο μέν εἰσι Θασίου λίθου, δύο δὲ Αἰγυπτίου·

χαλκαῖ δὲ ἑστᾶσι πρὸ τῶν κιόνων ἃσ Ἀθηναῖοι καλοῦσιν ἀποίκουσ πόλεισ.

ὁ μὲν δὴ πᾶσ περίβολοσ σταδίων μάλιστα τεσσάρων ἐστίν, ἀνδριάντων δὲ πλήρησ· ἀπὸ γὰρ πόλεωσ ἑκάστησ εἰκὼν Ἀδριανοῦ βασιλέωσ ἀνάκειται, καὶ σφᾶσ ὑπερεβάλοντο Ἀθηναῖοι τὸν κολοσσὸν ἀναθέντεσ ὄπισθε τοῦ ναοῦ θέασ ἄξιον. ἔστι δὲ ἀρχαῖα ἐν τῷ περιβόλῳ Ζεὺσ χαλκοῦσ καὶ ναὸσ Κρόνου καὶ Ῥέασ καὶ τέμενοσ <Γῆσ> τὴν ἐπίκλησιν Ὀλυμπίασ.

ἐνταῦθα ὅσον ἐσ πῆχυν τὸ ἔδαφοσ διέστηκε, καὶ λέγουσι μετὰ τὴν ἐπομβρίαν τὴν ἐπὶ Δευκαλίωνοσ συμβᾶσαν ὑπορρυῆναι ταύτῃ τὸ ὕδωρ, ἐσβάλλουσί τε ἐσ αὐτὸ ἀνὰ πᾶν ἔτοσ ἄλφιτα πυρῶν μέλιτι μίξαντεσ. κεῖται δὲ ἐπὶ κίονοσ Ἰσοκράτουσ ἀνδριάσ, ὃσ ἐσ μνήμην τρία ὑπελίπετο, ἐπιπονώτατον μὲν ὅτι οἱ βιώσαντι ἔτη δυοῖν δέοντα ἑκατὸν οὔποτε κατελύθη μαθητὰσ ἔχειν, σωφρονέστατον δὲ ὅτι πολιτείασ ἀπεχόμενοσ διέμεινε καὶ τὰ κοινὰ οὐ πολυπραγμονῶν, ἐλευθερώτατον δὲ ὅτι πρὸσ τὴν ἀγγελίαν τῆσ ἐν Χαιρωνείᾳ μάχησ ἀλγήσασ ἐτελεύτησεν ἐθελοντήσ.

κεῖνται δὲ καὶ λίθου Φρυγίου Πέρσαι χαλκοῦν τρίποδα ἀνέχοντεσ, θέασ ἄξιοι καὶ αὐτοὶ καὶ ὁ τρίπουσ. Δευκαλίων Ἀθήνῃσιν ᾤκησε τάφον τοῦ ναοῦ τοῦ νῦν οὐ πολὺ ἀφεστηκότα.

Ἀδριανὸσ δὲ κατεσκευάσατο μὲν καὶ ἄλλα Ἀθηναίοισ, ναὸν Ἥρασ καὶ Διὸσ Πανελληνίου καὶ θεοῖσ τοῖσ πᾶσιν ἱερὸν κοινόν, τὰ δὲ ἐπιφανέστατα ἑκατόν εἰσι κίονεσ Φρυγίου λίθου·

πεποίηνται δὲ καὶ ταῖσ στοαῖσ κατὰ τὰ αὐτὰ οἱ τοῖχοι. καὶ οἰκήματα ἐνταῦθά ἐστιν ὀρόφῳ τε ἐπιχρύσῳ καὶ ἀλαβάστρῳ λίθῳ, πρὸσ δὲ ἀγάλμασι κεκοσμημένα καὶ γραφαῖσ· κατάκειται δὲ ἐσ αὐτὰ βιβλία. καὶ γυμνάσιόν ἐστιν ἐπώνυμον Ἀδριανοῦ· κίονεσ δὲ καὶ ἐνταῦθα ἑκατὸν λιθοτομίασ τῆσ Λιβύων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀττικά, chapter 18

(파우사니아스, Description of Greece, Ἀττικά, chapter 18)

상위

목록

SEARCH

MENU NAVIGATION