헬라어 문장 검색 - Παυσαν́Δεσξριπ́1́06́

(파우사니아스, Description of Greece, Ἀττικά, chapter 6)

τὰ δὲ ἐσ Ἄτταλον καὶ Πτολεμαῖον ἡλικίᾳ τε ἦν ἀρχαιότερα, ὡσ μὴ μένειν ἔτι τὴν φήμην αὐτῶν, καὶ οἱ συγγενόμενοι τοῖσ βασιλεῦσιν ἐπὶ συγγραφῇ τῶν ἔργων καὶ πρότερον ἔτι ἠμελήθησαν· τούτων ἕνεκά μοι καὶ τὰ τῶνδε ἐπῆλθε δηλῶσαι ἔργα τε ὁποῖα ἔπραξαν καὶ ὡσ ἐσ τοὺσ πατέρασ αὐτῶν περιεχώρησεν Αἰγύπτου καὶ ἡ Μυσῶν καὶ τῶν προσοίκων ἀρχή.

Πτολεμαῖον Μακεδόνεσ Φιλίππου παῖδα εἶναι τοῦ Ἀμύντου, λόγῳ δὲ Λάγου νομίζουσι·

τὴν γάρ οἱ μητέρα ἔχουσαν ἐν γαστρὶ δοθῆναι γυναῖκα ὑπὸ Φιλίππου Λάγῳ. Πτολεμαῖον δὲ λέγουσιν ἄλλα τε ἐν τῇ Ἀσίᾳ λαμπρὰ ἀποδείξασθαι καὶ Ἀλεξάνδρῳ κινδύνου ξυμβάντοσ ἐν Ὀξυδράκαισ μάλιστά οἱ τῶν ἑταίρων ἀμῦναι. τελευτήσαντοσ δὲ Ἀλεξάνδρου τοῖσ ἐσ Ἀριδαῖον τὸν Φιλίππου τὴν πᾶσαν ἄγουσιν ἀρχὴν ἀντιστὰσ αὐτὸσ μάλιστα ἐγένετο ἐσ τὰσ βασιλείασ αἴτιοσ τὰ ἔθνη νεμηθῆναι. αὐτὸσ δὲ ἐσ Αἴγυπτον διαβὰσ Κλεομένην τε ἀπέκτεινεν, ὃν σατραπεύειν Αἰγύπτου κατέστησεν Ἀλέξανδροσ, Περδίκκᾳ νομίζων εὔνουν καὶ δι’ αὐτὸ οὐ πιστὸν αὑτῷ, καὶ Μακεδόνων τοὺσ ταχθέντασ τὸν Ἀλεξάνδρου νεκρὸν ἐσ Αἰγὰσ κομίζειν ἀνέπεισεν αὑτῷ παραδοῦναι·

καὶ τὸν μὲν νόμῳ τῷ Μακεδόνων ἔθαπτεν ἐν Μέμφει, οἱᾶ δὲ ἐπιστάμενοσ πολεμήσοντα Περδίκκαν Αἴγυπτον εἶχεν ἐν φυλακῇ. Περδίκκασ δὲ ἐσ μὲν τὸ εὐπρεπὲσ τῆσ στρατείασ ἐπήγετο Ἀριδαῖον τὸν Φιλίππου καὶ παῖδα Ἀλέξανδρον ἐκ Ῥωξάνησ τῆσ Ὀξυάρτου γεγονότα καὶ Ἀλεξάνδρου, τῷ δὲ ἔργῳ Πτολεμαῖον ἐπεβούλευεν ἀφελέσθαι τὴν ἐν Αἰγύπτῳ βασιλείαν· τοὺσ Μακεδόνασ, ἀπέθανεν ὑπὸ τῶν σωματοφυλάκων.

Πτολεμαῖον δὲ αὐτίκα ἐσ τὰ πράγματα ὁ Περδίκκου θάνατοσ ἐπέστησε·

καὶ τοῦτο μὲν Σύρουσ καὶ Φοινίκην εἷλε, τοῦτο δὲ ἐκπεσόντα ὑπὸ Ἀντιγόνου καὶ φεύγοντα ὑπεδέξατο Σέλευκον τὸν Ἀντιόχου, καὶ αὐτὸσ παρεσκευάζετο ὡσ ἀμυνούμενοσ Ἀντίγονον. καὶ Κάσσανδρον τὸν Ἀντιπάτρου καὶ Λυσίμαχον βασιλεύοντα ἐν Θρᾴκῃ μετασχεῖν ἔπεισε τοῦ πολέμου, φυγὴν λέγων τὴν Σελεύκου καὶ τὸν Ἀντίγονον φοβερόν σφισιν εἶναι πᾶσιν αὐξηθέντα. Ἀντίγονοσ δὲ τέωσ μὲν ἦν ἐν παρασκευῇ πολέμου καὶ τὸν κίνδυνον οὐ παντάπασιν ἐθάρρει·

ἐπεὶ δὲ ἐσ Λιβύην ἐπύθετο στρατεύειν Πτολεμαῖον ἀφεστηκότων Κυρηναίων, αὐτίκα Σύρουσ καὶ Φοίνικασ εἷλεν ἐξ ἐπιδρομῆσ, παραδοὺσ δὲ Δημητρίῳ τῷ παιδί, ἡλικίαν μὲν νέῳ φρονεῖν δὲ ἤδη δοκοῦντι, καταβαίνει ἐπὶ τὸν Ἑλλήσποντον. πρὶν δὲ ἢ διαβῆναι πάλιν ἦγεν ὀπίσω τὴν στρατιάν, Δημήτριον ἀκούων ὑπὸ Πτολεμαίου μάχῃ κεκρατῆσθαι· Δημήτριοσ δὲ οὔτε παντάπασιν ἐξειστήκει Πτολεμαίῳ τῆσ χώρασ καί τινασ τῶν Αἰγυπτίων λοχήσασ διέφθειρεν οὐ πολλούσ. τότε δὲ ἥκοντα Ἀντίγονον οὐχ ὑπομείνασ Πτολεμαῖοσ ἀνεχώρησεν ἐσ Αἴγυπτον. διελθόντοσ δὲ τοῦ χειμῶνοσ Δημήτριοσ πλεύσασ ἐσ Κύπρον Μενέλαον σατράπην Πτολεμαίου ναυμαχίᾳ καὶ αὖθισ αὐτὸν Πτολεμαῖον ἐπιδιαβάντα ἐνίκησε·

φυγόντα δὲ αὐτὸν ἐσ Αἴγυπτον Ἀντίγονόσ τε κατὰ γῆν καὶ ναυσὶν ἅμα ἐπολιόρκει καὶ Δημήτριοσ. Πτολεμαῖοσ δὲ ἐσ πᾶν ἀφικόμενοσ κινδύνου διέσωσεν ὅμωσ τὴν ἀρχὴν στρατιᾷ τε ἀντικαθήμενοσ ἐπὶ Πηλουσίῳ καὶ τριήρεσιν ἀμυνόμενοσ ἅμα ἐκ τοῦ ποταμοῦ. Ἀντίγονοσ δὲ Αἴγυπτον μὲν αἱρήσειν ἐκ τῶν παρόντων οὐδεμίαν ἔτι εἶχεν ἐλπίδα, Δημήτριον δὲ ἐπὶ Ῥοδίουσ στρατιᾷ πολλῇ καὶ ναυσὶν ἔστειλεν, ὡσ εἴ οἱ προσγένοιτο ἡ νῆσοσ ὁρμητηρίῳ χρήσεσθαι πρὸσ τοὺσ Αἰγυπτίουσ ἐλπίζων· ἀλλὰ αὐτοί τε οἱ Ῥόδιοι τολμήματα καὶ ἐπιτεχνήσεισ παρέσχοντο ἐσ τοὺσ πολιορκοῦντασ καὶ Πτολεμαῖόσ σφισιν ἐσ ὅσον δυνάμεωσ ἧκε συνήρατο ἐσ τὸν πόλεμον.

Ἀντίγονοσ δὲ Ῥόδου τε ἁμαρτὼν καὶ Αἰγύπτου πρότερον, οὐ πολλῷ τούτων ὕστερον ἀντιτάξασθαι Λυσιμάχῳ τολμήσασ καὶ Κασσάνδρῳ τε καὶ τῇ Σελεύκου στρατιᾷ, τῆσ δυνάμεωσ ἀπώλεσε τὸ πολὺ καὶ αὐτὸσ ἀπέθανε ταλαιπωρήσασ μάλιστα τῷ μήκει τοῦ πρὸσ Εὐμένη πολέμου.

τῶν δὲ βασιλέων τῶν καθελόντων Ἀντίγονον ἀνοσιώτατον κρίνω γενέσθαι Κάσσανδρον, ὃσ δι’ Ἀντιγόνου τὴν Μακεδόνων ἀρχὴν ἀνασωσάμενοσ πολεμήσων ἦλθεν ἐπ’ ἄνδρα εὐεργέτην. ἀποθανόντοσ δὲ Ἀντιγόνου Πτολεμαῖοσ Σύρουσ τε αὖθισ καὶ Κύπρον εἷλε, κατήγαγε δὲ καὶ Πύρρον ἐσ τὴν Θεσπρωτίδα ἤπειρον·

Κυρήνησ δὲ ἀποστάσησ Μάγασ Βερενίκησ υἱὸσ Πτολεμαίῳ τότε συνοικούσησ ἔτει πέμπτῳ μετὰ τὴν ἀπόστασιν εἷλε Κυρήνην. ‐ εἰ δὲ ὁ Πτολεμαῖοσ οὗτοσ ἀληθεῖ λόγῳ Φιλίππου τοῦ Ἀμύντου παῖσ ἦν, ἴστω τὸ ἐπιμανὲσ ἐσ τὰσ γυναῖκασ κατὰ τὸν πατέρα κεκτημένοσ, ὃσ Εὐρυδίκῃ τῇ Ἀντιπάτρου συνοικῶν ὄντων οἱ παίδων Βερενίκησ ἐσ ἔρωτα ἦλθεν, ἣν Ἀντίπατροσ Εὐρυδίκῃ συνέπεμψεν ἐσ Αἴγυπτον. παῖδασ ἐξ αὐτῆσ ἐποιήσατο, καὶ ὡσ ἦν οἱ πλησίον ἡ τελευτή, Πτολεμαῖον ἀπέλιπεν Αἰγύπτου βασιλεύειν, ἀφ’ οὗ καὶ Ἀθηναίοισ ἐστὶν ἡ φυλή, γεγονότα ἐκ Βερενίκησ ἀλλ’ οὐκ ἐκ τῆσ Ἀντιπάτρου θυγατρόσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀττικά, chapter 6

(파우사니아스, Description of Greece, Ἀττικά, chapter 6)

상위

목록

SEARCH

MENU NAVIGATION