Pausanias, Description of Greece, Ἀττικά, chapter 2 12:

(파우사니아스, Description of Greece, Ἀττικά, chapter 2 12:)

τὴν δὲ βασιλείαν Ἀμφικτύων ἔσχεν οὕτωσ. Ἀκταῖον λέγουσιν ἐν τῇ νῦν Ἀττικῇ βασιλεῦσαι πρῶτον· ἀποθανόντοσ δὲ Ἀκταίου Κέκροψ ἐκδέχεται τὴν ἀρχὴν θυγατρὶ συνοικῶν Ἀκταίου, καί οἱ γίνονται θυγατέρεσ μὲν Ἕρση καὶ Ἄγλαυροσ καὶ Πάνδροσοσ, υἱὸσ δὲ Ἐρυσίχθων· οὗτοσ οὐκ ἐβασίλευσεν Ἀθηναίων, ἀλλά οἱ τοῦ πατρὸσ ζῶντοσ τελευτῆσαι συνέβη, καὶ τὴν ἀρχὴν τὴν Κέκροποσ Κραναὸσ ἐξεδέξατο, Ἀθηναίων δυνάμει προύχων. Κραναῷ δὲ θυγατέρασ καὶ ἄλλασ καὶ Ἀτθίδα γενέσθαι λέγουσιν· ἀπὸ ταύτησ ὀνομάζουσιν Ἀττικὴν τὴν χώραν, πρότερον καλουμένην Ἀκταίαν. Κραναῷ δὲ Ἀμφικτύων ἐπαναστάσ, θυγατέρα ὅμωσ ἔχων αὐτοῦ, παύει τῆσ ἀρχῆσ· καὶ αὐτὸσ ὕστερον ὑπὸ Ἐριχθονίου καὶ τῶν συνεπαναστάντων ἐκπίπτει· πατέρα δὲ Ἐριχθονίῳ λέγουσιν ἀνθρώπων μὲν οὐδένα εἶναι, γονέασ δὲ Ἥφαιστον καὶ Γῆν.

일치하는 문장이 없습니다.

SEARCH

MENU NAVIGATION