헬라어 문장 검색 - Παυσαν́Δεσξριπ́1́01́

(파우사니아스, Description of Greece, Ἀττικά, chapter 1)

τῆσ ἠπείρου τῆσ Ἑλληνικῆσ κατὰ νήσουσ τὰσ Κυκλάδασ καὶ πέλαγοσ τὸ Αἰγαῖον ἄκρα Σούνιον πρόκειται γῆσ τῆσ Ἀττικῆσ· καὶ λιμήν τε παραπλεύσαντι τὴν ἄκραν ἐστὶ καὶ ναὸσ Ἀθηνᾶσ Σουνιάδοσ ἐπὶ κορυφῇ τῆσ ἄκρασ. πλέοντι δὲ ἐσ τὸ πρόσω Λαύριόν τέ ἐστιν, ἔνθα ποτὲ Ἀθηναίοισ ἦν ἀργύρου μέταλλα, καὶ νῆσοσ ἔρημοσ οὐ μεγάλη Πατρόκλου καλουμένη· τεῖχοσ γὰρ ᾠκοδομήσατο ἐν αὐτῇ καὶ χάρακα ἐβάλετο Πάτροκλοσ, ὃσ τριήρεσιν ὑπέπλει ναύαρχοσ Αἰγυπτίαισ, ἃσ Πτολεμαῖοσ ὁ <Πτολεμαίου> τοῦ Λάγου τιμωρεῖν ἔστειλεν Ἀθηναίοισ, ὅτε σφίσιν Ἀντίγονοσ ὁ Δημητρίου στρατιᾷ τε αὐτὸσ ἐσβεβληκὼσ ἔφθειρε τὴν χώραν καὶ ναυσὶν ἅμα ἐκ θαλάσσησ κατεῖργεν. ὁ δὲ Πειραιεὺσ δῆμοσ μὲν ἦν ἐκ παλαιοῦ, πρότερον δὲ πρὶν ἢ Θεμιστοκλῆσ Ἀθηναίοισ ἦρξεν ἐπίνειον οὐκ ἦν·

Φαληρὸν δέ ‐ ταύτῃ γὰρ ἐλάχιστον ἀπέχει τῆσ πόλεωσ ἡ θάλασσα ‐ , τοῦτό σφισιν ἐπίνειον ἦν, καὶ Μενεσθέα φασὶν αὐτόθεν ταῖσ ναυσὶν ἐσ Τροίαν ἀναχθῆναι καὶ τούτου πρότερον Θησέα δώσοντα Μίνῳ δίκασ τῆσ Ἀνδρόγεω τελευτῆσ. Θεμιστοκλῆσ δὲ ὡσ ἦρξε ‐ τοῖσ τε γὰρ πλέουσιν ἐπιτηδειότεροσ ὁ Πειραιεὺσ ἐφαίνετό οἱ προκεῖσθαι καὶ λιμένασ τρεῖσ ἀνθ’ ἑνὸσ ἔχειν τοῦ Φαληροῖ ‐ τοῦτό σφισιν ἐπίνειον εἶναι κατεσκευάσατο· καὶ νεὼσ καὶ ἐσ ἐμὲ ἦσαν οἶκοι καὶ πρὸσ τῷ μεγίστῳ λιμένι τάφοσ Θεμιστοκλέουσ.

φασὶ γὰρ μεταμελῆσαι τῶν ἐσ Θεμιστοκλέα Ἀθηναίοισ καὶ ὡσ οἱ προσήκοντεσ τὰ ὀστᾶ κομίσαιεν ἐκ Μαγνησίασ ἀνελόντεσ· φαίνονται δὲ οἱ παῖδεσ οἱ Θεμιστοκλέουσ καὶ κατελθόντεσ καὶ γραφὴν ἐσ τὸν Παρθενῶνα ἀναθέντεσ, ἐν ᾗ Θεμιστοκλῆσ ἐστι γεγραμμένοσ. θέασ δὲ ἄξιον τῶν ἐν Πειραιεῖ μάλιστα Ἀθηνᾶσ ἐστι καὶ Διὸσ τέμενοσ·

χαλκοῦ μὲν ἀμφότερα τὰ ἀγάλματα, ἔχει δὲ ὁ μὲν σκῆπτρον καὶ Νίκην, ἡ δὲ Ἀθηνᾶ δόρυ. ἐνταῦθα Λεωσθένην, ὃσ Ἀθηναίοισ καὶ τοῖσ πᾶσιν Ἕλλησιν ἡγούμενοσ Μακεδόνασ ἔν τε Βοιωτοῖσ ἐκράτησε μάχῃ καὶ αὖθισ ἔξω Θερμοπυλῶν καὶ βιασάμενοσ ἐσ Λάμιαν κατέκλεισε τὴν ἀπαντικρὺ τῆσ Οἴτησ, τοῦτον τὸν Λεωσθένην καὶ τοὺσ παῖδασ ἔγραψεν Ἀρκεσίλαοσ. ἔστι δὲ τῆσ στοᾶσ τῆσ μακρᾶσ, ἔνθα καθέστηκεν ἀγορὰ τοῖσ ἐπὶ θαλάσσησ ‐ καὶ γὰρ τοῖσ ἀπωτέρω τοῦ λιμένοσ ἐστὶν ἑτέρα ‐ , τῆσ δὲ ἐπὶ θαλάσσησ στοᾶσ ὄπισθεν ἑστᾶσι Ζεὺσ καὶ Δῆμοσ, Λεωχάρουσ ἔργον. πρὸσ δὲ τῇ θαλάσσῃ Κόνων ᾠκοδόμησεν Ἀφροδίτησ ἱερόν, τριήρεισ Λακεδαιμονίων κατεργασάμενοσ περὶ Κνίδον τὴν ἐν τῇ Καρικῇ χερρονήσῳ. Κνίδιοι γὰρ τιμῶσιν Ἀφροδίτην μάλιστα, καί σφισιν ἔστιν ἱερὰ τῆσ θεοῦ· μετὰ δὲ τὸ Ἀκραίασ, νεώτατον δὲ ἣν Κνιδίαν οἱ πολλοί, Κνίδιοι δὲ αὐτοὶ καλοῦσιν Εὔπλοιαν.

ἔστι δὲ καὶ ἄλλοσ Ἀθηναίοισ ὁ μὲν ἐπὶ Μουνυχίᾳ λιμὴν καὶ Μουνυχίασ ναὸσ Ἀρτέμιδοσ, ὁ δὲ ἐπὶ Φαληρῷ, καθὰ καὶ πρότερον εἴρηταί μοι, καὶ πρὸσ αὐτῷ Δήμητροσ ἱερόν.

ἐνταῦθα καὶ Σκιράδοσ Ἀθηνᾶσ ναόσ ἐστι καὶ Διὸσ ἀπωτέρω, βωμοὶ δὲ θεῶν τε ὀνομαζομένων Ἀγνώστων καὶ ἡρώων καὶ παίδων τῶν Θησέωσ καὶ Φαληροῦ· τοῦτον γὰρ τὸν Φαληρὸν Ἀθηναῖοι πλεῦσαι μετὰ Ιἄσονόσ φασιν ἐσ Κόλχουσ. ἔστι δὲ καὶ Ἀνδρόγεω βωμὸσ τοῦ Μίνω, καλεῖται δὲ Ἥρωοσ· Ἀνδρόγεω δὲ ὄντα ἴσασιν οἷσ ἐστιν ἐπιμελὲσ τὰ ἐγχώρια σαφέστερον ἄλλων ἐπίστασθαι. ἀπέχει δὲ σταδίουσ εἴκοσιν ἄκρα Κωλιάσ·

ἐσ ταύτην φθαρέντοσ τοῦ ναυτικοῦ τοῦ Μήδων κατήνεγκεν ὁ κλύδων τὰ ναυάγια. Κωλιάδοσ δέ ἐστιν ἐνταῦθα Ἀφροδίτησ ἄγαλμα καὶ Γενετυλλίδεσ ὀνομαζόμεναι θεαί· δοκῶ δὲ καὶ Φωκαεῦσι τοῖσ ἐν Ιὠνίᾳ θεάσ, ἃσ καλοῦσι Γενναί̈δασ, εἶναι ταῖσ ἐπὶ Κωλιάδι τὰσ αὐτάσ. ‐ ἔστι δὲ κατὰ τὴν ὁδὸν τὴν ἐσ Ἀθήνασ ἐκ Φαληροῦ ναὸσ Ἥρασ οὔτε θύρασ ἔχων οὔτε ὄροφον· Μαρδόνιόν φασιν αὐτὸν ἐμπρῆσαι τὸν Γωβρύου. τὸ δὲ ἄγαλμα τὸ νῦν δή, καθὰ λέγουσιν, Ἀλκαμένουσ ἐστὶν ἔργον· οὐκ ἂν τοῦτό γε ὁ Μῆδοσ εἰή λελωβημένοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀττικά, chapter 1

(파우사니아스, Description of Greece, Ἀττικά, chapter 1)

상위

목록

SEARCH

MENU NAVIGATION