헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 5, chapter 76)

ὡσ δ’ ἦν αὐτῷ πάντα τὰ εἰσ τὸν πόλεμον ἐπιτήδεια εὐτρεπῆ, προήγαγε τὰσ δυνάμεισ εἰσ ὕπαιθρον, καὶ τίθεται στρατόπεδα τρία καθ’ οὓσ μάλιστα ὑπελάμβανε τόπουσ ποιήσεσθαι τοὺσ Λατίνουσ τὴν ἔφοδον. πολέμων θ’ ἁπάντων κακίστουσ ἡγούμενοσ καὶ πλεῖστα τὰ λυπηρὰ ἔχοντασ, οὓσ πρὸσ συγγενεῖσ καὶ φίλουσ ἀναγκαζόμενοί τινεσ ἀναιροῦνται, ἐπιεικεστέρων μᾶλλον ἢ δικαιοτέρων ᾤετο δεῖν αὐτοῖσ διαλύσεων.

κρύφα τε δὴ πέμπων πρὸσ τοὺσ ἐπιφανεστάτουσ τῶν Λατίνων ἀνυπόπτουσ τινὰσ ἔπειθε φιλίαν πράττειν ταῖσ πόλεσι, καὶ ἐκ τοῦ φανεροῦ πρεσβευόμενοσ κατὰ πόλεισ τε καὶ πρὸσ τὸ κοινὸν οὐ χαλεπῶσ ἐξειργάσατο μηκέτι τὴν αὐτὴν ἅπαντασ ὁρμὴν ἔχειν πρὸσ τὸν πόλεμον·

μάλιστα δ’ αὐτοὺσ ἐξεθεράπευσε καὶ διαστῆναι πρὸσ τοὺσ ἡγεμόνασ ἐποίησε διὰ τοιαύτησ εὐεργεσίασ. οἱ γὰρ τὴν αὐτοκράτορα παρειληφότεσ τῶν Λατίνων στρατηγίαν, Μαμίλιόσ τε καὶ Σέξτοσ ἐν Τύσκλῳ πόλει τὰσ δυνάμεισ συνέχοντεσ, παρεσκευάζοντο μὲν ὡσ ἐλάσοντεσ ἐπὶ τὴν Ῥώμην, ἐδαπάνων δὲ πολὺν εἰσ τὸ μέλλειν χρόνον, εἴτε τὰσ ὑστεριζούσασ ἀναμένοντεσ πόλεισ, εἴτε τῶν ἱερῶν αὐτοῖσ οὐ γινομένων καλῶν.

ἐν τούτῳ δὴ τῷ χρόνῳ τινὲσ ἀποσκιδνάμενοι τοῦ στρατοπέδου τὴν χώραν τῶν Ῥωμαίων ἐπόρθουν. τοῦτο μαθὼν ὁ Λάρκιοσ ἀποστέλλει τὸν Κλοίλιον ἐπ’ αὐτοὺσ ἄγοντα τῶν ἱππέων τε καὶ ψιλῶν τοὺσ ἀνδρειοτάτουσ.

ὃσ ἐπιφανεὶσ αὐτοῖσ ἀπροσδόκητοσ ὀλίγουσ μέν τινασ ἀποκτείνει μαχόμενοσ, τοὺσ δὲ λοιποὺσ αἰχμαλώτουσ λαμβάνει.

τούτουσ ὁ Λάρκιοσ ἐκ τῶν τραυμάτων ἀναλαβὼν καὶ ταῖσ ἄλλαισ ἐκθεραπεύσασ φιλανθρωπίαισ ἀπέστειλεν εἰσ Τύσκλον ἀθρόουσ ἄνευ λύτρων, πρεσβευτὰσ σὺν αὐτοῖσ πέμψασ Ῥωμαίων τοὺσ ἐντιμοτάτουσ. οὗτοι διεπράξαντο διαλυθῆναι τὸ στράτευμα τῶν Λατίνων καὶ γενέσθαι ταῖσ πόλεσιν ἐνιαυσίουσ ἀνοχάσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 5, chapter 76

(디오니시오스, Antiquitates Romanae, Books IV-VI, book 5, chapter 76)

상위

목록

SEARCH

MENU NAVIGATION