헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 5, chapter 69)

αὗται μὲν αἱ πλεῖστον ἀλλήλων διαφέρουσαι γνῶμαι ἐλέχθησαν, ἕτεραι δέ τινεσ αἱ τὴν μεταξὺ τούτων ἔχουσαι χώραν συχναί. οἱ μὲν γὰρ αὐτοὺσ μόνον ἀφεῖσθαι τῶν χρεῶν τοὺσ μηδὲν κεκτημένουσ ἠξίουν, τὰ χρήματα ποιοῦντεσ ἀγώγιμα τοῖσ δανεισταῖσ, οὐ τὰ σώματα· οἱ δὲ τὸ δημόσιον ὑπὲρ τῶν ἀδυνάτων διαλῦσαι τὰ συμβόλαια συνεβούλευον, ἵνα ἥ τε πίστισ τῶν πενήτων ὑπὸ τῆσ δημοσίασ φυλαχθῇ χάριτοσ καὶ οἱ συμβεβληκότεσ αὐτοῖσ μηθὲν ἀδικηθῶσιν. ἐδόκει δέ τισι καὶ τῶν ἤδη κατεχομένων πρὸσ τὰ χρέα καὶ τῶν μελλόντων ἀφαιρεθήσεσθαι τὴν ἐλευθερίαν ῥύσασθαι τὰ σώματα, ἐκ τῶν αἰχμαλώτων ἕτερα τοῖσ δανεισταῖσ διαμειψαμένουσ ὑπὲρ αὐτῶν σώματα. τοιούτων δέ τινων λεχθέντων ἡ νικῶσα ἦν γνώμη, μηθὲν ἐν τῷ παρόντι γενέσθαι περὶ αὐτῶν προβούλευμα·

ὅταν δὲ τὸ κράτιστον τέλοσ οἱ πόλεμοι λάβωσι, τότε προθεῖναι τοὺσ ὑπάτουσ λόγον καὶ ψῆφον ἀναδοῦναι τοῖσ συνέδροισ·

τέωσ δὲ μηδεμίαν εἴσπραξιν εἶναι μήτε συμβολαίου μηθενὸσ μήτε καταδίκησ μηδεμιᾶσ, ἀφεῖσθαι δὲ καὶ τὰσ ἄλλασ ἀμφισβητήσεισ πάσασ, καὶ μήτε τὰ δικαστήρια καθίζειν μήτε τὰσ ἀρχὰσ διαγινώσκειν περὶ μηθενὸσ ἔξω τῶν εἰσ τὸν πόλεμον ἀνηκόντων. τοῦτο τὸ προβούλευμα εἰσ τὸν δῆμον ἐξενεχθὲν ἐμείωσε μέν τι τῆσ πολιτικῆσ ταραχῆσ, οὐ μὴν ἅπαν γε τὸ στασιάζον ἐξεῖλεν ἐκ τῆσ πόλεωσ.

ἦσαν γάρ τινεσ ἐκ τοῦ θητικοῦ πλήθουσ, οἷσ οὐκ ἐφαίνετο ἀποχρῶσα εἶναι βοήθεια ἡ παρὰ τῆσ βουλῆσ ἐλπὶσ φανερὸν οὐδὲ βέβαιον ἔχουσα οὐδέν· ἀλλὰ δυεῖν θάτερον αὐτὴν ἠξίουν ποιεῖν, ἢ διδόναι σφίσιν ἤδη τὴν ἄφεσιν τῶν χρεῶν, εἰ βούλεται κοινωνοὺσ τῶν κινδύνων ἔχειν, ἢ μὴ φενακίζειν εἰσ ἑτέρουσ ἀναβαλλομένην χρόνουσ· οὐ γὰρ ὁμοίασ εἶναι τὰσ διανοίασ τῶν ἀνθρώπων δεομένων τε καὶ ἀποπληρωθέντων, ὅτου ἂν δεηθῶσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 5, chapter 69

(디오니시오스, Antiquitates Romanae, Books IV-VI, book 5, chapter 69)

상위

목록

SEARCH

MENU NAVIGATION