헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 5, chapter 60)

ταῦτα δὴ προεγνωκὼσ ὁ Λάρκιοσ τοῖσ μὲν αἰτοῦσι τὰσ ἀνοχὰσ ἐκέλευσε τὰ ὅπλα ἀποθεμένοισ καὶ τὰσ πύλασ ἀνοίξασι, τότε διαλέγεσθαι πρὸσ αὐτόν· ἄλλωσ δ’ οὔτε διαλλαγὰσ οὔτε ἀνοχὰσ οὔτε ἄλλο φιλάνθρωπον ἢ μέτριον οὐθὲν αὐτοῖσ ὑπάρξειν ἔφη παρὰ τῆσ Ῥωμαίων πόλεωσ· ὁδοὺσ φρουραῖσ ἐπιμελεστέραισ διαλαβών, ὥστε ἠναγκάσθησαν οἱ πολιορκούμενοι τὰσ συμμαχικὰσ ἀπογνόντεσ ἐλπίδασ ἐπὶ τὰσ τῶν πολεμίων δεήσεισ καταφυγεῖν.

καὶ συνελθόντεσ εἰσ ἐκκλησίαν ἔκριναν ὑπομένειν τὰσ διαλλαγὰσ, ἐφ’ οἷσ ὁ κρατῶν ἠξίου. οὕτωσ δ’ ἄρα πολιτικὰ ἦν τὰ τῶν τότε ἡγεμόνων ἤθη καὶ πλεῖστον ἀπέχοντα τυραννικῆσ αὐθαδείασ, ἣν σπάνιοί τινεσ τῶν καθ’ ἡμᾶσ ἡγεμόνων ἴσχυσαν ἐξουσίασ ἐπαρθέντεσ μεγέθει διαφυγεῖν, ὥστε παραλαβὼν τὴν πόλιν ὁ ὕπατοσ οὐθὲν ἀπὸ τῆσ ἑαυτοῦ γνώμησ ἔπραξεν, ἀλλ’ ἀποθέσθαι τοὺσ ἀνθρώπουσ κελεύσασ τὰ ὅπλα καὶ φρουρὰν ἐπὶ τὴν ἄκραν καταλιπὼν αὐτὸσ εἰσ τὴν Ῥώμην ἀπῄει, καὶ συναγαγὼν τὸ συνέδριον ἀπέδωκεν αὐτοῖσ σκοπεῖν, τίνα χρηστέον τοῖσ παραδοῦσιν ἑαυτοὺσ τρόπον.

ἐφ’ οἷσ ἀγασθέντεσ τὸν ἄνδρα τῆσ πρὸσ αὐτοὺσ τιμῆσ οἱ σύνεδροι τοὺσ μὲν ἐπιφανεστάτουσ Φιδηναίων καὶ τῆσ ἀποστάσεωσ ἄρξαντασ ἐδικαίωσαν, οὓσ ἂν ὁ ὕπατοσ ἀποφήνῃ ῥάβδοισ μαστιγωθέντασ ἀποκοπῆναι τὰσ κεφαλάσ·

περὶ δὲ τῶν ἄλλων ἐπ’ ἐκείνῳ τὴν ἐξουσίαν ἐποίησαν ἅπαντα πράττειν, ὅσα προῃρεῖτο.

γενόμενοσ δ’ ὁ Λάρκιοσ ἁπάντων κύριοσ ὀλίγουσ μέν τινασ τῶν Φιδηναίων κατηγορηθέντασ ὑπὸ τῶν τἀναντία φρονούντων ἐν τοῖσ ἁπάντων ὀφθαλμοῖσ ἀπέκτεινε καὶ τὰσ οὐσίασ αὐτῶν ἐδήμευσε, τοῖσ δ’ ἄλλοισ ἅπασιν ἀπέδωκε τήν τε πόλιν ἔχειν καὶ τὰ χρήματα, τῆσ δὲ γῆσ αὐτῶν ἀπετέμετο τὴν ἡμίσειαν, ἣν ἐκληρούχησαν οἱ καταλειφθέντεσ ἐν τῇ πόλει Ῥωμαίων φρουροὶ τῆσ ἄκρασ.

ταῦτα διαπραξάμενοσ ἀπῆγεν ἐπ’ οἴκου τὴν στρατιάν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 5, chapter 60

(디오니시오스, Antiquitates Romanae, Books IV-VI, book 5, chapter 60)

상위

목록

SEARCH

MENU NAVIGATION