헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 5, chapter 59)

τῷ δ’ ἑξῆσ ἐνιαυτῷ Ῥωμαῖοι καθιστᾶσιν ὑπάτουσ Τῖτον Λάρκιον Φλάβον καὶ Κόιντον Κλοίλιον Σικελόν. τούτων ὁ μὲν Κλοίλιοσ τὰ πολιτικὰ πράττειν ἐτάχθη ὑπὸ τῆσ βουλῆσ τὴν ἡμίσειαν τῆσ στρατιᾶσ ἔχων φυλακῆσ ἕνεκα τῶν νεωτεριζόντων, ἐπιεικὴσ τὴν φύσιν εἶναι δοκῶν καὶ δημοτικόσ. ὁ δὲ Λάρκιοσ ἐπὶ τὸν κατὰ Φιδηναίων πόλεμον ἐξηρτυμένην στρατιὰν ἄγων καὶ τὰ εἰσ πολιορκίαν ἐπιτήδεια παρασκευασάμενοσ ᾤχετο. πονουμένοισ τε τῷ μήκει τοῦ πολέμου καὶ πάντων σπανίζουσι τῶν ἀναγκαίων χαλεπὸσ ἦν ὑπορύττων τε τοὺσ θεμελίουσ τῶν τειχῶν καὶ χώματα ἐγείρων καὶ μηχανὰσ προσφέρων καὶ οὔθ’ ἡμέρασ οὔτε νυκτὸσ τῆσ πολιορκίασ ἀφιστάμενοσ ὀλίγου τε χρόνου κατὰ κράτοσ αἱρήσειν τὴν πόλιν ὑπολαμβάνων.

οὐδὲ γὰρ αἱ Λατίνων πόλεισ, αἷσ οἱ Φιδηναῖοι μόναισ πιστεύοντεσ ἀνείλοντο τὸν πόλεμον, ἱκαναὶ σώζειν αὐτοὺσ ἔτι τότ’ ἦσαν.

μία μὲν γὰρ οὐδεμία πόλισ ἀξιόχρεωσ ἦν ἀπαλλάξαι τῆσ πολιορκίασ αὐτούσ, κοινῇ δ’ ἐξ ὅλου τοῦ ἔθνουσ οὔπω συνειστήκει δύναμισ, ἀλλὰ πολλάκισ πρεσβευομένοισ αὐτοῖσ τὰσ αὐτὰσ ἐδίδοσαν οἱ προεστηκότεσ τῶν πόλεων ἀποκρίσεισ, ὡσ ἀφιξομένησ σφίσιν ἐπικουρίασ ἐν τάχει·

ἔργον δ’ οὐδὲν ἐγίνετο ταῖσ ὑποσχέσεσιν ὅμοιον, ἀλλὰ μέχρι λόγων αἱ περὶ τῆσ συμμαχίασ ἐλπίδεσ ἐχώρουν. οὐ μὴν παντάπασί γε τὰ παρὰ τῶν Λατίνων ἀπεγνώκεσαν οἱ Φιδηναῖοι, ἀλλὰ διεκαρτέρουν ἐπὶ ταῖσ ἐκεῖθεν ἐλπίσι πάντα τὰ δεινὰ ὑπομένοντεσ.

ἦν δ’ ὑπὲρ πάντα ὁ λιμὸσ ἄμαχον πρᾶγμα καὶ πολὺν οὗτοσ ἐποίησεν ἀνθρώπων φθόρον. ὡσ δ’ ἀπειρήκεσαν ἤδη τοῖσ κακοῖσ, πρεσβευτὰσ ἀπέστειλαν ὡσ τὸν ὕπατον ἀνοχὰσ αἰτοῦντεσ εἰσ τεταγμένον τινὰ ἡμερῶν ἀριθμὸν ὡσ ἐν τούτῳ βουλευσόμενοι τῷ χρόνῳ περὶ τῆσ πρὸσ Ῥωμαίουσ φιλίασ, ἐφ’ οἷσ αὐτὴν ποιήσονται δικαίοισ.

ἦν δ’ οὐ βουλῆσ χάριν αἰτούμενοσ ὑπ’ αὐτῶν ὁ χρόνοσ, ἀλλὰ παρασκευῆσ τῶν συμμάχων, ὡσ ἐδήλωσαν τῶν αὐτομόλων τινὲσ ἔναγχοσ ἀφιγμένοι.

τῇ γὰρ ἔμπροσθεν νυκτὶ τοὺσ ἐπιφανεστάτουσ τῶν πολιτῶν καὶ πλεῖστον ἐν ταῖσ Λατίνων πόλεσι δυναμένουσ ἀπεστάλκεσαν πρέσβεισ πρὸσ τὸ κοινὸν ἱκετηρίασ φέροντασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 5, chapter 59

(디오니시오스, Antiquitates Romanae, Books IV-VI, book 5, chapter 59)

상위

목록

SEARCH

MENU NAVIGATION