헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 5, chapter 56)

ἄλλοσ μὲν οὖν ἄν τισ ἀποχρῆν ὑπέλαβεν αὐτὸ τὸ κεφάλαιον εἰπεῖν, ὅτι συλλαβὼν τοὺσ μετασχόντασ τῶν ἀπορρήτων βουλευμάτων ἀπέκτεινεν, ὡσ ὀλίγησ τοῖσ πράγμασι δηλώσεωσ δέον· ἐγὼ δὲ καὶ τὸν τρόπον τῆσ συλλήψεωσ τῶν ἀνδρῶν ἱστορίασ ἄξιον εἶναι νομίσασ ἔκρινα μὴ παρελθεῖν, ἐνθυμούμενοσ ὅτι τοῖσ ἀναγινώσκουσι τὰσ ἱστορίασ οὐχ ἱκανόν ἐστιν εἰσ ὠφέλειαν τὸ τέλοσ αὐτὸ τῶν πραχθέντων ἀκοῦσαι, ἀπαιτεῖ δ’ ἕκαστοσ καὶ τὰσ αἰτίασ ἱστορῆσαι τῶν γινομένων καὶ τοὺσ τρόπουσ τῶν πράξεων καὶ τὰσ διανοίασ τῶν πραξάντων καὶ τὰ παρὰ τοῦ δαιμονίου συγκυρήσαντα, καὶ μηδενὸσ ἀνήκοοσ γενέσθαι τῶν πεφυκότων τοῖσ πράγμασι παρακολουθεῖν·

ἵνα παραδείγμασιν ἔχοιεν πρὸσ τὰ συμβαίνοντα χρῆσθαι.

ἦν δ’ ὁ τρόποσ τῆσ συλλήψεωσ τῶν συνωμοτῶν, ὃν ἐξεῦρεν ὁ ὕπατοσ, τοιόσδε.

τῶν μετεχόντων τοῦ βουλευτικοῦ συνεδρίου τοὺσ ἀκμαιοτάτουσ ἐπιλεξάμενοσ ἐκέλευσεν αὐτοῖσ, ὅταν λάβωσι τὸ σύνθημα μετὰ τῶν πιστοτάτων φίλων τε καὶ συγγενῶν τοὺσ ἐρυμνοὺσ τῆσ πόλεωσ καταλαβέσθαι τόπουσ, ἐν οἷσ ἐτύγχανον ἕκαστοι τὰσ οἰκήσεισ ἔχοντεσ· τοῖσ θ’ ἱππεῦσι προεῖπεν ἐν ταῖσ ἐπιτηδειοτάταισ τῶν περὶ τὴν ἀγορὰν οἰκιῶν περιμένειν ἔχουσι ξίφη καὶ ποιεῖν, ὅ τι ἂν αὐτοῖσ κελεύῃ. ἵνα δὲ μηθὲν ἐν τῇ συλλήψει τῶν πολιτῶν νεωτερίσωσιν οἱ προσήκοντεσ αὐτοῖσ ἢ τῶν ἄλλων τινὲσ πολιτῶν μηδ’ ἐμφύλιοι διὰ τὴν ταραχὴν ταύτην γένωνται φόνοι, γράμματα πέμψασ πρὸσ τὸν ἐπὶ τῆσ πολιορκίασ τῆσ Φιδηναίων τεταγμένον ὕπατον ἐκέλευσεν ἀρχομένησ τῆσ νυκτὸσ ἄγοντα τὸ κράτιστον τῆσ στρατιᾶσ ἥκειν ἐπὶ τὴν πόλιν καὶ πλησίον τοῦ τείχουσ ἐν ὀρεινῷ τόπῳ θέσθαι τὰ ὅπλα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 5, chapter 56

(디오니시오스, Antiquitates Romanae, Books IV-VI, book 5, chapter 56)

상위

목록

SEARCH

MENU NAVIGATION