헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 5, chapter 48)

ἐπὶ δὲ τῆσ τούτων ἀρχῆσ Πόπλιοσ Οὐαλέριοσ Ποπλικόλασ ἐπικαλούμενοσ νοσήσασ ἐτελεύτα, κράτιστοσ τῶν τότε Ῥωμαίων κατὰ πᾶσαν ἀρετὴν νομισθείσ. τὰ μὲν οὖν ἄλλα τοῦ ἀνδρὸσ ἔργα, δι’ ἃ θαυμάζεσθαί τε καὶ μνήμησ τυγχάνειν ἄξιόσ ἐστιν, οὐδὲν δέομαι λέγειν· ἐν ἀρχῇ γὰρ τοῦ λόγου τοῦδε τὰ πολλὰ εἴρηται· μόνον τὰσ πολεμικὰσ πράξεισ τῶν ἐπισήμων ἡγεμόνων διεξιέναι, μηδ’ εἴ τι πολίτευμα καλὸν καὶ σωτήριον ταῖσ πόλεσιν ἀπεδείξαντο ἐξευρόντεσ, ἀλλὰ καὶ τοὺσ βίουσ αὐτῶν, εἰ μέτριοι καὶ σώφρονεσ καὶ μένοντεσ ἐπὶ τοῖσ πατρίοισ ἐπιτηδεύμασι διετέλεσαν, ἐπιδείκνυσθαι.

ἐκεῖνοσ τοίνυν ὁ ἀνὴρ συγκαταλύσασ μὲν τοὺσ βασιλεῖσ ἐν τοῖσ πρώτοισ τέτταρσι πατρικίοισ καὶ δημεύσασ αὐτῶν τὰσ ὑπάρξεισ, τετράκισ δὲ τῆσ ὑπατικῆσ ἐξουσίασ γενόμενοσ κύριοσ, μεγίστουσ δὲ δύο νικήσασ πολέμουσ καὶ θριάμβουσ καταγαγὼν ἀπ’ ἀμφοτέρων, τὸν μὲν πρῶτον ἀπὸ τοῦ Τυρρηνῶν ἔθνουσ, τὸν δὲ δεύτερον ἀπὸ Σαβίνων, τοιαύτασ ἀφορμὰσ χρηματισμοῦ λαβών, ἃσ οὐδεὶσ ἂν ὡσ αἰσχρὰσ καὶ ἀδίκουσ διέβαλεν, οὐχ ἑάλω τῇ πάντασ ἀνθρώπουσ καταδουλουμένῃ καὶ ἀσχημονεῖν ἀναγκαζούσῃ φιλοχρηματίᾳ·

καὶ αὐτάρκη καὶ πάσησ ἐπιθυμίασ κρείττονα βίον ζῶν, καὶ παῖδασ ἐπὶ τοῖσ ὀλίγοισ χρήμασιν ἐθρέψατο τοῦ γένουσ ἀξίουσ, καὶ δῆλον ἐποίησεν ἅπασιν, ὅτι πλούσιόσ ἐστιν οὐχ ὁ πολλὰ κεκτημένοσ, ἀλλ’ ὁ μικρῶν δεόμενοσ.

πίστισ δ’ ἀκριβὴσ καὶ ἀναμφίλεκτοσ τῆσ αὐταρκείασ τοῦ ἀνδρόσ, ἣν ἀπεδείξατο παρὰ πάντα τὸν τοῦ βίου χρόνον, ἡ μετὰ τὸν θάνατον αὐτοῦ φανεῖσα ἀπορία.

οὐδὲ γὰρ αὐτὰ τὰ εἰσ τὴν ἐκκομιδὴν τοῦ σώματοσ καὶ ταφήν, ὧν ἀνδρὶ προσήκει τηλικούτῳ τυχεῖν, ἀρκοῦντα ἐν τοῖσ ὑπάρχουσι κατέλιπεν· ἀλλ’ ἐμέλλησαν αὐτὸν οἱ συγγενεῖσ φαύλωσ πωσ καὶ ὡσ ἕνα τῶν ἐπιτυχόντων ἐκκομίσαντεσ ἐκ τῆσ πόλεωσ καίειν τε καὶ θάπτειν· ἡ μέντοι βουλὴ μαθοῦσα ὡσ εἶχεν αὐτοῖσ τὰ πράγματα , ἐκ τῶν δημοσίων ἐψηφίσατο χρημάτων ἐπιχορηγηθῆναι τὰσ εἰσ τὴν ταφὴν δαπάνασ, καὶ χωρίον, ἔνθα ἐκαύθη καὶ ἐτάφη, μόνῳ τῶν μέχρισ ἐμοῦ γενομένων ἐπιφανῶν ἀνδρῶν ἐν τῇ πόλει σύνεγγυσ τῆσ ἀγορᾶσ ἀπέδειξεν ὑπ’ Οὐελίασ· καὶ ἔστιν ὥσπερ ἱερὸν τοῦτο τοῖσ ἐξ ἐκείνου τοῦ γένουσ ἐνθάπτεσθαι ἀνειμένον, παντὸσ πλούτου καὶ πάσησ βασιλείασ κρεῖττον ἀγαθόν, εἴ τισ μὴ ταῖσ ἐπονειδίστοισ ἡδοναῖσ μετρεῖ τὴν εὐδαιμονίαν, ἀλλὰ τῷ καλῷ.

Οὐαλέριοσ μὲν δὴ Ποπλικόλασ οὐθὲν ἔξω τῆσ εἰσ τἀναγκαῖα δαπάνησ κτήσασθαι προελόμενοσ, ὡσ τῶν πολυχρημάτων τισ βασιλέων λαμπραῖσ ὑπὸ τῆσ πόλεωσ ἐκοσμήθη ταφαῖσ·

πενθεῖν ἐπὶ τοῖσ ἀναγκαίοισ τῶν συγγενῶν κήδεσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 5, chapter 48

(디오니시오스, Antiquitates Romanae, Books IV-VI, book 5, chapter 48)

상위

목록

SEARCH

MENU NAVIGATION