헬라어 텍스트

Dionysius of Halicarnassus, Antiquitates Romanae, Books IV-VI, book 5, chapter 36

(디오니시오스, Antiquitates Romanae, Books IV-VI, book 5, chapter 36)

οἱ δὲ τὸν τέταρτον ἐνιαυτὸν ἄρξαντεσ ὕπατοι Σπόριοσ Λάρκιοσ καὶ Τῖτοσ Ἑρμίνιοσ ἄνευ πολέμου τὴν ἀρχὴν διετέλεσαν. ἐπὶ τούτων Ἄρροσ ὁ Πορσίνου τοῦ Τυρρηνῶν βασιλέωσ υἱὸσ τὴν Ἀρικηνῶν πόλιν δεύτερον ἔτοσ ἤδη πολιορκῶν ἐτελεύτησεν. τὴν ἐκείνου τελευτὴν οὐκέτι ὑπομείνασα τρέπεται πρὸσ φυγήν.

πολλοὶ μὲν δὴ αὐτῶν διωκόμενοι ὑπὸ τῶν Κυμαίων διεφθάρησαν, ἄλλοι δὲ πλείουσ σκεδασθέντεσ ἀνὰ τὴν χώραν εἰσ τοὺσ ἀγροὺσ τῶν Ῥωμαίων οὐ πολὺ ἀπέχοντασ κατέφυγον ὅπλα τ’ ἀπολωλεκότεσ καὶ ὑπὸ τραυμάτων ἀδύνατοι ὄντεσ προσωτέρω χωρεῖν. οὓσ ἐκ τῶν ἀγρῶν οἱ Ῥωμαῖοι κατακομίζοντεσ εἰσ τὴν πόλιν ἁμάξαισ τε καὶ ἀπήναισ καὶ τοῖσ ἄλλοισ ὑποζυγίοισ ἡμιθνῆτασ ἐνίουσ, καὶ φέροντεσ εἰσ τὰσ ἑαυτῶν οἰκίασ τροφαῖσ τε καὶ θεραπείαισ καὶ ταῖσ ἄλλαισ φιλανθρωπίαισ πολὺ τὸ συμπαθὲσ ἐχούσαισ ἀνελάμβανον· ὥστε πολλοὺσ αὐτῶν ταῖσ χάρισι ταύταισ ὑπαχθέντασ μηκέτι τῆσ οἴκαδε ἀφίξεωσ πόθον ἔχειν, ἀλλὰ παρὰ τοῖσ εὐεργέταισ σφῶν βούλεσθαι καταμένειν·

οἷσ ἔδωκεν ἡ βουλὴ χῶρον τῆσ πόλεωσ, ἔνθα οἰκήσεισ ἔμελλον κατασκευάσασθαι, τὸν μεταξὺ τοῦ τε Παλατίου καὶ τοῦ Καπιτωλίου τέτταρσι μάλιστα μηκυνόμενον σταδίοισ αὐλῶνα, ὃσ καὶ μέχρισ ἐμοῦ Τυρρηνῶν οἴκησισ ὑπὸ Ῥωμαίων καλεῖται κατὰ τὴν ἐπιχώριον διάλεκτον ἄνθ’ ὧν εὑρ́οντο παρὰ τοῦ βασιλέωσ αὐτῶν δωρεὰν οὐ τὴν ἐλαχίστου ἀξίαν, ἀλλ’ ἐφ’ ᾗ μάλιστα ἥσθησαν, τὴν πέραν τοῦ ποταμοῦ χώραν, ἧσ ἀπέστησαν ὅτε διελύοντο τὸν πόλεμον·

καὶ θυσίασ ἀπέδοσαν τοῖσ θεοῖσ ἀπὸ χρημάτων πολλῶν, ἃσ εὔξαντο γενόμενοι πάλιν τῶν Ἑπτὰ πάγων κύριοι συντελέσειν.