헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 5, chapter 34)

ἐφ’ οἷσ ἀγανακτῶν ὁ Πορσίνασ εἰσ ἐκκλησίαν τοὺσ Τυρρηνοὺσ συνεκάλει καὶ διεξελθών, ὡσ ἐπιτρεψάντων αὐτῷ Ῥωμαίων δικάσαι περὶ ὧν ἐνεκαλοῦντο ὑπὸ Ταρκυνίου, πρὶν ἐπιτελεσθῆναι τὴν δίκην εἰσ ἱερὰ σώματα πρέσβεών τε καὶ ὁμήρων παρανομεῖν ἐν σπονδαῖσ ἐπεχείρησαν οἱ δικαίωσ ὑπ’ αὐτῶν ἐξελασθέντεσ· ὅθεν Τυρρηνοὶ Ῥωμαίουσ μὲν ἀπολύουσι τῶν ἐγκλημάτων, Ταρκυνίῳ δὲ καὶ Μαμιλίῳ διαλύονται τὴν ξενίαν· ἀπιέναι.

Ταρκύνιοι μὲν οὖν ἐν ἐλπίσι χρησταῖσ γενόμενοι κατ’ ἀρχάσ, ὡσ ἢ τυραννήσοντεσ αὖθισ τῆσ πόλεωσ Τυρρηνῶν σφίσι βοηθούντων ἢ τὰ χρήματα κομιούμενοι, διὰ τὴν εἰσ τοὺσ πρέσβεισ καὶ τὰ ὅμηρα παρανομίαν ἀμφοτέρων διαμαρτόντεσ ἀπῆλθον ἐκ τοῦ στρατοπέδου σὺν αἰσχύνῃ τε καὶ μίσει.

ὁ δὲ τῶν Τυρρηνῶν βασιλεὺσ τὰ ὅμηρα τῶν Ῥωμαίων ἐπὶ τὸ βῆμα προαχθῆναι κελεύσασ ἀποδίδωσι τῷ ὑπάτῳ εἰπών, ὅτι πάσησ ὁμηρείασ κρείττονα ἡγεῖται τὴν πίστιν τῆσ πόλεωσ.

μίαν δὲ παρθένον ἐκ τῶν ὁμήρων, ὑφ’ ἧσ ἐπείσθησαν αἱ λοιπαὶ διανήξασθαι τὸν ποταμόν, ἐπαινέσασ ὡσ κρεῖττον ἔχουσαν φρόνημα τῆσ τε φύσεωσ καὶ τῆσ ἡλικίασ, καὶ τὴν πόλιν μακαρίσασ ἐπὶ τῷ μὴ μόνον ἄνδρασ ἀγαθοὺσ ἐκτρέφειν, ἀλλὰ καὶ παρθένουσ ἀνδράσιν ὁμοίασ, δωρεῖται τὴν κόρην ἵππῳ πολεμιστῇ φαλάροισ κεκοσμημένῳ διαπρεπέσι. τὰ περὶ τῆσ εἰρήνησ καὶ φιλίασ ὁρ́κια πρὸσ τοὺσ πρέσβεισ τῶν Ῥωμαίων ποιησάμενοσ καὶ ξενίσασ αὐτοὺσ δῶρα τῇ πόλει φέρεσθαι δίδωσι τοὺσ αἰχμαλώτουσ ἅπαντασ ἄνευ λύτρων συχνοὺσ πάνυ ὄντασ, καὶ τὸ χωρίον, ἐν ᾧ κατεστρατοπεδευκὼσ ἦν, κατεσκευασμένον οὐχ ὡσ στρατόπεδον ἐν ξένῃ γῇ πρὸσ ὀλίγον καιρόν, ἀλλ’ ὡσ πόλιν ἰδίαισ τε καὶ δημοσίαισ οἰκοδομαῖσ ἀποχρώντωσ, οὐκ ὄντοσ τοῖσ Τυρρηνοῖσ ἔθουσ, ὁπότε ἀναστρατοπεδεύοιεν ἐκ πολεμίασ, ὀρθὰσ καταλείπειν τὰσ κατασκευάσ, ἀλλὰ καίειν, οὐ μικρὰν τῇ πόλει χαρισάμενοσ εἰσ χρημάτων λόγον δωρεάν.

ἐδήλωσε δ’ ἡ πράσισ, ἣν ἐποιήσαντο μετὰ τὴν ἀπαλλαγὴν τοῦ βασιλέωσ οἱ ταμίαι. ὁ μὲν δὴ πόλεμοσ ὁ συστὰσ Ῥωμαίοισ πρὸσ Ταρκυνίουσ τε καὶ βασιλέα Κλουσίνων Λάρον Πορσίναν, εἰσ κινδύνουσ μεγάλουσ ἀγαγὼν τὴν πόλιν τοιούτου τέλουσ ἔτυχεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 5, chapter 34

(디오니시오스, Antiquitates Romanae, Books IV-VI, book 5, chapter 34)

상위

목록

SEARCH

MENU NAVIGATION