헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 5, chapter 24)

ὡσ δ’ ἐν ἀσφαλεῖ τοὺσ σφετέρουσ ἔδοξαν γεγονέναι, δύο μὲν ἐξ αὐτῶν Ἑρμίνιόσ τε καὶ Λάρκιοσ διεφθαρμένων αὐτοῖσ ἤδη τῶν σκεπαστηρίων διὰ τὰσ συνεχεῖσ πληγὰσ ἀνεχώρουν ἐπὶ πόδα. Ὁράτιοσ δὲ μόνοσ ἀνακαλουμένων αὐτὸν ἀπὸ τῆσ πόλεωσ τῶν θ’ ὑπάτων καὶ τῶν ἄλλων πολιτῶν καὶ περὶ παντὸσ ποιουμένων σωθῆναι τοιοῦτον ἄνδρα τῇ πατρίδι καὶ τοῖσ γειναμένοισ οὐκ ἐπείσθη, ἀλλ’ ἔμενεν, ἔνθα τὸ πρῶτον ἔστη, κελεύσασ τοῖσ περὶ τὸν Ἑρμίνιον λέγειν πρὸσ τοὺσ ὑπάτουσ, ὡσ αὐτοῦ φράσαντοσ, ἀποκόπτειν τὴν γέφυραν ἀπὸ τῆσ πόλεωσ ἐν τάχει·

ἦν δὲ μία κατ’ ἐκείνουσ τοὺσ χρόνουσ ξυλόφρακτοσ ἄνευ σιδήρου δεδεμένη ταῖσ σανίσιν αὐταῖσ, ἣν καὶ μέχρισ ἐμοῦ τοιαύτην φυλάττουσι Ῥωμαῖοι· ἐπιστεῖλαι δὲ τοῖσ ἀνδράσιν, ὅταν τὰ πλείω τῆσ γεφύρασ λυθῇ καὶ βραχὺ τὸ λειπόμενον ᾖ μέροσ, φράσαι πρὸσ αὐτὸν σημείοισ τισὶν ἢ φωνῇ γεγωνοτέρᾳ· τὰ λοιπὰ λέγων ἑαυτῷ μελήσειν. ταῦτ’ ἐπικελευσάμενοσ τοῖσ δυσὶν ἐπ’ αὐτῆσ ἵσταται τῆσ γεφύρασ καὶ τῶν ὁμόσε χωρούντων οὓσ μὲν τῷ ξίφει παίων, οὓσ δὲ τῷ θυρεῷ περιτρέπων πάντασ ἀνέστειλε τοὺσ ὁρμήσαντασ ἐπὶ τὴν γέφυραν·

οὐκέτι γὰρ εἰσ χεῖρασ αὐτῷ χωρεῖν ἐτόλμων οἱ διώκοντεσ ὡσ μεμηνότι καὶ θανατῶντι·

καὶ ἅμα οὐδὲ ῥᾴδιον αὐτῷ προσελθεῖν ὑπάρχον ἐξ εὐωνύμων μὲν καὶ δεξιῶν ἔχοντι πρόβλημα τὸν ποταμόν, ἐκ δὲ τοῦ κατὰ πρόσωπον ὅπλων τε καὶ νεκρῶν σωρόν· ταῖσ ἀσπίσι τῶν νεκρῶν.

ὁ δ’ ἠμύνετο τοῖσ ἐκείνων χρώμενοσ ὅπλοισ κατ’ αὐτῶν καὶ ἔμελλεν ὥσπερ εἰκὸσ εἰσ ἀθρόουσ βάλλων ἀεί τινοσ τεύξεσθαι σκοποῦ. ἤδη δὲ καταβελὴσ ὢν καὶ τραυμάτων πλῆθοσ ἐν πολλοῖσ μέρεσι τοῦ σώματοσ ἔχων, μίαν δὲ πληγὴν λόγχησ, ἣ διὰ θατέρου τῶν γλουτῶν ὑπὲρ τῆσ κεφαλῆσ τοῦ μηροῦ ἀντία ἐνεχθεῖσα ἐκάκωσεν αὐτὸν ὀδύναισ καὶ τὴν βάσιν ἔβλαπτεν, ἐπειδὴ τῶν κατόπιν ἤκουσεν ἐμβοησάντων λελύσθαι τῆσ γεφύρασ τὸ πλέον μέροσ, καθάλλεται σὺν τοῖσ ὅπλοισ εἰσ τὸν ποταμὸν καὶ διανηξάμενοσ τὸ ῥεῦμα χαλεπῶσ πάνυ· περὶ γὰρ τοῖσ ὑπερείσμασι τῶν σανίδων σχιζόμενοσ ὁ ῥοῦσ ὀξὺσ ἦν καὶ δίνασ ἐποίει μεγάλασ·

ἐξεκολύμβησεν εἰσ τὴν γῆν οὐδὲν τῶν ὅπλων ἐν τῷ νεῖν ἀποβαλών.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 5, chapter 24

(디오니시오스, Antiquitates Romanae, Books IV-VI, book 5, chapter 24)

상위

목록

SEARCH

MENU NAVIGATION