헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 5, chapter 15)

τὸν ὑπὲρ ἁπάντων ἀγῶνα προὐκαλεῖτο μόνον αὑτῷ συνοισόμενον. κἀκεῖνοσ οὐκ ἀξιῶν τοὺσ ὀνειδισμοὺσ ὑπομένειν ἤλαυνε τὸν ἵππον ἐκ τῆσ τάξεωσ, ὑπεριδὼν καὶ τῶν ἀποτρεπόντων φίλων ἐπὶ τὸν κατεψηφισμένον ὑπὸ τῆσ μοίρασ θάνατον ἐπειγόμενοσ.

ὁμοίῳ δ’ ἀμφότεροι θυμῷ φερόμενοι καὶ λογισμὸν οὐχ ὧν πείσονται λαβόντεσ, ἀλλ’ ὧν ἐβούλοντο δρᾶσαι, συρράττουσι τοὺσ ἵππουσ ἐξ ἐναντίασ ἐλαύνοντεσ καὶ φέρουσι ταῖσ σαρίσαισ ἀφύκτουσ κατ’ ἀλλήλων πληγὰσ ἀμφότεροι δι’ ἀσπίδων τε καὶ θωράκων, ὁ μὲν εἰσ τὰ πλευρὰ βάψασ τὴν αἰχμήν, ὁ δ’ εἰσ τὰσ λαγόνασ· καὶ οἱ ἵπποι αὐτῶν ἐμπλέξαντεσ τὰ στήθη τῇ ῥύμῃ τῆσ φορᾶσ ἐπὶ τοῖσ ὀπισθίοισ ἀνίστανται ποσὶ καὶ τοὺσ ἐπιβάτασ ἀναχαιτίσαντεσ ἀποσείονται. αἱ δ’ ἄλλαι δυνάμεισ ὡσ τοὺσ ἡγεμόνασ εἶδον συμπεσόντασ, ὠθοῦνται σὺν ἀλαλαγμῷ καὶ πατάγῳ, καὶ γίνεται μέγιστοσ ἁπάντων ἀγὼν πεζῶν τε καὶ ἱππέων καὶ τύχη περὶ ἀμφοτέρουσ ὁμοία.

Ῥωμαίων τε γὰρ οἱ τὸ δεξιὸν κέρασ ἔχοντεσ, ἐφ’ οὗ τεταγμένοσ ἦν ὁ ἕτεροσ τῶν ὑπάτων Οὐαλέριοσ, ἐνίκων τοὺσ Οὐιεντανοὺσ καὶ μέχρι τοῦ στρατοπέδου διώξαντεσ ἐπλήρωσαν νεκρῶν τὸ πεδίον, Τυρρηνῶν τε οἱ τὴν τοῦ δεξιοῦ κέρατοσ ἔχοντεσ στάσιν, ὧν ἡγοῦντο Τῖτοσ καὶ Σέξτοσ οἱ Ταρκυνίου τοῦ βασιλέωσ παῖδεσ, ἐτρέψαντο τοὺσ ἐπὶ τοῦ λαιοῦ ὄντασ Ῥωμαίων κέρατοσ, καὶ πλησίον τοῦ χάρακοσ αὐτῶν γενόμενοι πείρασ μὲν οὐκ ἀπέστησαν, εἰ δύναιντο ἑλεῖν τὸ ἔρυμα ἐξ ἐφόδου, πολλὰσ δὲ πληγὰσ λαβόντεσ ὑποστάντων αὐτοὺσ τῶν ἔνδον ἀπετράποντο. ἦσαν δ’ αὐτοῦ φύλακεσ οἱ τριάριοι λεγόμενοι, παλαιοί τε καὶ πολλῶν ἔμπειροι πολέμων, οἷσ ἐσχάτοισ, ὅταν ἀπογνωσθῇ πᾶσα ἐλπίσ, εἰσ τοὺσ περὶ τῶν μεγίστων ἀγῶνασ καταχρῶνται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 5, chapter 15

(디오니시오스, Antiquitates Romanae, Books IV-VI, book 5, chapter 15)

상위

목록

SEARCH

MENU NAVIGATION