헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 5, chapter 5)

τοιαῦτα λεξάντων αὐτῶν ἀναστὰσ ὁ Βροῦτοσ ἔφη Περὶ μὲν εἰσόδου Ταρκυνίων εἰσ τήνδε πόλιν παύσασθε, ἄνδρεσ Τυρρηνοί, τὰ πλείω λέγοντεσ. ἐπῆκται γὰρ ἤδη ψῆφοσ ἀίδιον κατ’ αὐτῶν ὁρίζουσα φυγήν, καὶ θεοὺσ ὀμωμόκαμεν ἅπαντεσ μήτ’ αὐτοὶ κατάξειν τοὺσ τυράννουσ μηδὲ τοῖσ κατάγουσιν ἐπιτρέψειν· εἰ δέ τινοσ ἄλλου δεῖσθε τῶν μετρίων, ἃ μὴ νόμοισ μηδ’ ὁρ́κοισ κεκωλύμεθα δρᾶν, λέγετε. μετὰ τοῦτο παρελθόντεσ οἱ πρέσβεισ λέγουσι· παρὰ δόξαν μὲν ἡμῖν ἀπήντηται τὰ πρῶτα·

πρεσβευσάμενοι γὰρ ὑπὲρ ἀνδρὸσ ἱκέτου λόγον ὑμῖν ὑποσχεῖν ἀξιοῦντοσ καὶ τὸ κοινὸν ἁπάντων δίκαιον εἰσ ἰδίαν αἰτούμενοι χάριν οὐ δεδυνήμεθα τούτου τυχεῖν· ἐπεὶ δ’ οὕτωσ ὑμῖν δοκεῖ, περὶ μὲν εἰσόδου Ταρκυνίων οὐδὲν ἔτι λιπαροῦμεν, προκαλούμεθα δ’ ὑμᾶσ εἰσ ἕτερόν τι δίκαιον, ὑπὲρ οὗ τὰσ ἐντολὰσ ἡμῖν ἔδωκεν ἡ πατρίσ, καὶ οὔτε νόμοσ ὁ κωλύσων αὐτὸ ποιεῖν ὑμᾶσ ἐστιν οὔθ’ ὁρ́κοσ, ἀποδοῦναι τῷ βασιλεῖ τὴν οὐσίαν, ἣν ὁ πάπποσ αὐτοῦ πρότερον ἐκέκτητο οὐθὲν τῶν ὑμετέρων οὔτε βίᾳ κατασχὼν οὔτε λάθρα, παρὰ δὲ τοῦ πατρὸσ διαδεξάμενοσ καὶ πρὸσ ὑμᾶσ μετενέγκασ. ἀπόχρη γὰρ αὐτῷ τὰ ἑαυτοῦ κομισαμένῳ ζῆν ἑτέρωθί που μακαρίωσ μηθὲν ἐνοχλοῦντι ὑμῖν.

τοιαῦτα μὲν οἱ πρέσβεισ διαλεχθέντεσ ἐξῆλθον·

τῶν δ’ ὑπάτων Βροῦτοσ μὲν κατέχειν τὰ χρήματα συνεβούλευσε τιμωρίασ τε χάριν ἀνθ’ ὧν οἱ τύραννοι τὸ κοινὸν ἠδίκησαν πολλῶν ὄντων καὶ μεγάλων, καὶ τοῦ συμφέροντοσ ἕνεκεν, ἵνα μὴ γένοιτ’ αὐτοῖσ ἀφορμὴ πρὸσ τὸν πόλεμον, διδάσκων ὡσ οὐκ ἀγαπήσουσι Ταρκύνιοι τὰσ οὐσίασ ἀπολαβόντεσ οὐδ’ ὑπομενοῦσιν ἰδιώτην βίον ζῆν, ἀλλὰ πόλεμον ἐπάξουσι Ῥωμαίοισ ἀλλοεθνῆ καὶ πειράσονται βίᾳ κατελθεῖν ἐπὶ τὴν ἀρχήν. Κολλατῖνοσ δὲ τἀναντία παρῄνει λέγων, ὡσ οὐδὲν τὰ χρήματα τῶν τυράννων ἠδίκει τὴν πόλιν, ἀλλὰ τὰ σώματα, φυλάττεσθαί τ’ αὐτοὺσ ἀξιῶν ἀμφότερα, μὴ δόξησ τε πονηρᾶσ παρὰ πάντων τύχωσιν ὡσ διὰ τὸν πλοῦτον ἐξεληλακότεσ ἐκ τῆσ ἀρχῆσ Ταρκυνίουσ, καὶ πρόφασιν πολέμου δικαίαν παράσχωσιν αὐτοῖσ ὡσ ἀποστερουμένοισ τῶν ἰδίων·

ἄδηλον μὲν εἶναι φάσκων, εἰ κομισάμενοι τὰ χρήματα πολεμεῖν ἐπιχειρήσουσιν ἔτι πρὸσ αὐτοὺσ περὶ τῆσ καθόδου, πρόδηλον δὲ θάτερον ὡσ οὐκ ἀξιώσουσιν εἰρήνην ἄγειν τὰσ οὐσίασ ἀφαιρεθέντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 5, chapter 5

(디오니시오스, Antiquitates Romanae, Books IV-VI, book 5, chapter 5)

상위

목록

SEARCH

MENU NAVIGATION