헬라어 문장 검색 - Διοδορ́Βιβλιοτ́2́56́

(디오도로스 시켈로스, Bibliotheca Historica, book 2, chapter 55)

περὶ δὲ τῆσ κατὰ τὸν ὠκεανὸν εὑρεθείσησ νήσου κατὰ τὴν μεσημβρίαν καὶ τῶν κατ’ αὐτὴν παραδοξολογουμένων πειρασόμεθα συντόμωσ διελθεῖν, προεκθέμενοι τὰσ αἰτίασ τῆσ εὑρέσεωσ ἀκριβῶσ. Ιἀμβοῦλοσ ἦν ἐκ παίδων παιδείαν ἐζηλωκώσ, μετὰ δὲ τὴν τοῦ πατρὸσ τελευτὴν ὄντοσ ἐμπόρου καὶ αὐτὸσ ἔδωκεν ἑαυτὸν ἐπὶ τὴν ἐμπορίαν·

ἀναβαίνων δὲ διὰ τῆσ Ἀραβίασ ἐπὶ τὴν ἀρωματοφόρον ὑπό τινων λῃστῶν συνελήφθη μετὰ τῶν συνοδοιπόρων. τὸ μὲν οὖν πρῶτον μετά τινοσ τῶν συνεαλωκότων ἀπεδείχθη νομεύσ, ὕστερον δ’ ὑπό τινων Αἰθιόπων μετὰ τοῦ συνόντοσ λῃστευθεὶσ ἀπήχθη πρὸσ τὴν παραθαλάττιον τῆσ Αἰθιοπίασ. οὗτοι δὲ συνηρπάγησαν εἰσ καθαρμὸν τῆσ χώρασ, ὄντεσ ἀλλοεθνεῖσ.

νόμιμον γὰρ ἦν τοῖσ τῇδε κατοικοῦσιν Αἰθίοψι παραδεδομένον ἐκ παλαιῶν χρόνων, χρησμοῖσ θεῶν κεκυρωμένον, διὰ γενεῶν μὲν εἴκοσιν, ἐτῶν δ’ ἑξακοσίων, τῆσ γενεᾶσ ἀριθμουμένησ τριακονταετοῦσ· τοῦ δὲ καθαρμοῦ γινομένου δυσὶν ἀνθρώποισ ἦν αὐτοῖσ πλοιάριον κατεσκευασμένον τῷ μεγέθει σύμμετρον, τούσ τ’ ἐν τῇ θαλάττῃ χειμῶνασ ἀναφέρειν ἰσχῦον καὶ ῥᾳδίωσ ὑπὸ δυοῖν ἀνθρώπων ὑπηρετεῖσθαι δυνάμενον· εἰσ δὲ τοῦτο τροφὴν δυσὶν ἀνθρώποισ ἱκανὴν εἰσ ἓξ μῆνασ ἐνθέμενοι, καὶ τοὺσ ἄνδρασ ἐμβιβάσαντεσ, προσέταττον ἀνάγεσθαι κατὰ τὸν χρησμόν. πλεῖν δὲ διεκελεύοντο πρὸσ τὴν μεσημβρίαν· ἥξειν γὰρ αὐτοὺσ εἰσ νῆσον εὐδαίμονα καὶ ἐπιεικεῖσ ἀνθρώπουσ, παρ’ οἷσ μακαρίωσ ζήσεσθαι.

ὁμοίωσ δὲ καὶ τὸ ἑαυτῶν ἔθνοσ ἔφασαν, ἐὰν μὲν οἱ πεμφθέντεσ εἰσ τὴν νῆσον διασωθῶσιν, ἑξακοσίων ἐτῶν εἰρήνησ καὶ βίου κατὰ πᾶν εὐδαίμονοσ ἀπολαύσειν· εἰ δὲ καταπλαγέντεσ τὸ μῆκοσ τοῦ πελάγουσ εἰσ τοὐπίσω ποιήσονται τὸν πλοῦν, ὡσ ἀσεβεῖσ καὶ λυμεῶνασ ὅλου τοῦ ἔθνουσ τιμωρίαισ περιπεσεῖσθαι ταῖσ μεγίσταισ. τοὺσ μὲν οὖν Αἰθίοπάσ φασι μεγάλην πανήγυριν ἀγαγεῖν παρὰ τὴν θάλατταν, καὶ θυσίασ μεγαλοπρεπεῖσ ἐπιτελέσαντασ καταστέψαι τοὺσ σκεψομένουσ καὶ καθαρμὸν ποιησομένουσ τοῦ ἔθνουσ ἐξαποστεῖλαι.

τούτουσ δὲ πλεύσαντασ πέλαγοσ μέγα καὶ χειμασθέντασ ἐν μησὶ τέτταρσι προσενεχθῆναι τῇ προσημανθείσῃ νήσῳ, στρογγύλῃ μὲν ὑπαρχούσῃ τῷ σχήματι, τὴν δὲ περίμετρον ἐχούσῃ σταδίων ὡσ πεντακισχιλίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 55

(디오도로스 시켈로스, Bibliotheca Historica, book 2, chapter 55)

상위

목록

SEARCH

MENU NAVIGATION