헬라어 문장 검색 - Διοδορ́Βιβλιοτ́2́55́

(디오도로스 시켈로스, Bibliotheca Historica, book 2, chapter 54)

τῆσ δ’ ὅλησ Ἀραβίασ τὴν μὲν ἐπὶ μεσημβρίαν νεύουσαν εὐδαίμονα προσαγορεύουσι, τὴν δ’ ἐνδοτέρω κειμένην νέμεται πλῆθοσ Ἀράβων νομάδων καὶ σκηνίτην βίον ᾑρημένων. οὗτοι δὲ θρεμματοτροφοῦντεσ ἀγέλασ μεγάλασ βοσκημάτων ἐναυλίζονται πεδίοισ ἀμετρήτοισ. ἡ δ’ ἀνὰ μέσον ταύτησ τε καὶ τῆσ εὐδαίμονοσ Ἀραβίασ ἔρημοσ καὶ ἄνυδρόσ ἐστι, καθάπερ προείρηται·

τὰ δὲ πρὸσ δυσμὰσ μέρη κεκλιμένα τῆσ Ἀραβίασ διείληπται πεδίοισ ἁμμώδεσιν ἀερίοισ τὸ μέγεθοσ, δι’ ὧν οἱ τὰσ ὁδοιπορίασ ποιούμενοι καθάπερ οἱ ἐν τοῖσ πελάγεσι πρὸσ τὰσ ἀπὸ τῶν ἄρκτων σημασίασ τὴν διέξοδον ποιοῦνται. τὸ δ’ ὑπολειπόμενον μέροσ τῆσ Ἀραβίασ τὸ πρὸσ τὴν Συρίαν κεκλιμένον πλήθει γεωργῶν καὶ παντοδαπῶν ἐμπόρων, οἳ διὰ τὰσ τῶν φορτίων εὐκαίρουσ ἀντιδόσεισ τὰ παρ’ ἀμφοτέροισ σπανίζοντα πρὸσ δαψίλειαν τῶν χρησίμων διορθοῦνται.

ἡ δὲ παρὰ τὸν ὠκεανὸν Ἀραβία κεῖται μὲν ὑπεράνω τῆσ εὐδαίμονοσ, ποταμοῖσ δὲ πολλοῖσ καὶ μεγάλοισ διειλημμένη πολλοὺσ ποιεῖ τόπουσ λιμνάζοντασ καὶ μεγάλων ἑλῶν περιμέτρουσ.

τοῖσ δ’ ἐκ τῶν ποταμῶν ἐπακτοῖσ ὕδασι καὶ τοῖσ ἐκ τῶν θερινῶν ὄμβρων γινομένοισ ἀρδεύοντεσ πολλὴν χώραν, καὶ διπλοῦσ καρποὺσ λαμβάνουσι.

τρέφει δὲ ὁ τόποσ οὗτοσ ἐλεφάντων ἀγέλασ καὶ ἄλλα ζῷα κητώδη χερσαῖα καὶ δίμορφα, ταῖσ ἰδέαισ ἐξηλλαγμένα· πρὸσ δὲ τούτοισ θρεμμάτων παντοδαπῶν πλήθει, καὶ μάλιστα βοῶν καὶ προβάτων τῶν τὰσ μεγάλασ καὶ παχείασ ἐχόντων οὐράσ. πλεῖστα δὲ καὶ διαφορώτατα γένη καμήλων τρέφει, τῶν τε ψιλῶν καὶ δασέων καὶ διπλοῦν ἀνατετακότων τὸ κατὰ τὴν ῥάχιν κύρτωμα καὶ διὰ τοῦτο διτύλων ὀνομαζομένων, ὧν αἱ μὲν γάλα παρεχόμεναι καὶ κρεοφαγούμεναι πολλὴν παρέχονται τοῖσ ἐγχωρίοισ δαψίλειαν, αἱ δὲ πρὸσ νωτοφορίαν ἠσκημέναι πυρῶν μὲν ἀνὰ δέκα μεδίμνουσ νωτοφοροῦσιν, ἀνθρώπουσ δὲ κατακειμένουσ ἐπὶ κλίνησ πέντε βαστάζουσιν·

αἱ δὲ ἀνάκωλοι καὶ λαγαραὶ ταῖσ συστάσεσι δρομάδεσ εἰσί, καὶ διατείνουσι πλεῖστον ὁδοῦ μῆκοσ, καὶ μάλιστα πρὸσ τὰσ διὰ τῆσ ἀνύδρου καὶ ἐρήμου συντελουμένασ ὁδοιπορίασ. αἱ δ’ αὐταὶ καὶ κατὰ τοὺσ πολέμουσ εἰσ τὰσ μάχασ ἔχουσαι τοξότασ ἄγονται δύο ἀντικαθημένουσ ἀλλήλοισ ἀντινώτουσ·

τούτων δὲ ὁ μὲν τοὺσ κατὰ πρόσωπον ἀπαντῶντασ, ὁ δὲ τοὺσ ἐπιδιώκοντασ ἀμύνεται. περὶ μὲν οὖν τῆσ Ἀραβίασ καὶ τῶν ἐν αὐτῇ φυομένων εἰ καὶ πεπλεονάκαμεν, ἀλλ’ οὖν πολλὰ τοῖσ φιλαναγνωστοῦσι πρὸσ φιληκοϊάν ἀπηγγέλκαμεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 54

(디오도로스 시켈로스, Bibliotheca Historica, book 2, chapter 54)

상위

목록

SEARCH

MENU NAVIGATION