헬라어 문장 검색 - Διοδορ́Βιβλιοτ́2́53́

(디오도로스 시켈로스, Bibliotheca Historica, book 2, chapter 52)

οὐ μόνον δ’ ἐν ταύταισ ταῖσ χώραισ ζῷα γεννᾶται ταῖσ ἰδέαισ ἐξηλλαγμένα διὰ τὴν ἀφ’ ἡλίου συνεργίαν καὶ δύναμιν, ἀλλὰ καὶ λίθων παντοίων ἐκφύσεισ διάφοροι ταῖσ χρόαισ καὶ ταῖσ λαμπρότησι διαφανεῖσ. τοὺσ γὰρ κρυστάλλουσ λίθουσ ἔχειν τὴν σύστασιν ἐξ ὕδατοσ καθαροῦ παγέντοσ οὐχ ὑπὸ ψύχουσ, ἀλλ’ ὑπὸ θείου πυρὸσ δυνάμεωσ, δἰἣν ἀσήπτουσ μὲν αὐτοὺσ διαμένειν, βαφῆναι δὲ πολυμόρφωσ ἀναθυμιάσει πνεύματοσ.

σμαράγδουσ γὰρ καὶ τὰ καλούμενα βηρύλλια κατὰ τὰσ ἐν τοῖσ χαλκουργείοισ μεταλλείασ γινόμενα διὰ τὴν ἀπὸ τῶν θείων βαφὴν καὶ σύνδεσιν συγχρῴζεσθαι, τοὺσ δὲ χρυσολίθουσ ὑπὸ καπνώδουσ ἀναθυμιάσεωσ ἡλίου θερμότητι φυομένουσ λέγουσι τυγχάνειν τούτου τοῦ χρώματοσ.

διὸ καὶ τοὺσ ὀνομαζομένουσ ψευδοχρύσουσ κατασκευάζεσθαι διὰ τοῦ θνητοῦ καὶ ὑπ’ ἀνθρώπων γεγονότοσ πυρὸσ βαπτομένων τῶν κρυστάλλων.

τὰσ δὲ τῶν ἀνθράκων φύσεισ φωτὸσ δύναμιν ἐμπιληθεῖσαν τῇ πήξει φασὶν ἀποτελεῖν τῷ μᾶλλον καὶ ἧττον τὰσ ἐν αὐτοῖσ διαφοράσ. παραπλησίωσ δὲ καὶ τὰσ τῶν ὀρνέων μορφὰσ ἐπιχρῴζεσθαι, τὰσ μὲν ὁλοπορφύρουσ φαινομένασ, τὰσ δὲ κατὰ μέροσ παντοίαισ χρόαισ διειλημμένασ·

τὰ μὲν γὰρ φλόγινα, τὰ δὲ κροκώδη, τινὰ δὲ σμαραγδίζοντα, πολλὰ δὲ χρυσοειδῆ φαίνεσθαι κατὰ τὰσ πρὸσ τὸ φῶσ ἐγκλίσεισ αὐτῶν, καὶ καθόλου πολυειδεῖσ καὶ δυσερμηνεύτουσ ἀποτελεῖσθαι χρόασ· ὅπερ καὶ ἐπὶ τῆσ κατ’ οὐρανὸν ἴριδοσ ὁρᾶσθαι γινόμενον ὑπὸ τοῦ περὶ τὸν ἥλιον φωτόσ. ἐκ δὲ τούτων τοὺσ φυσιολόγουσ συλλογιζομένουσ ἀποφαίνεσθαι διότι καὶ τὴν ἄνωθεν τῆσ τῶν προειρημένων ἐκφύσεωσ ποικιλίαν ἔβαψεν ὁ συγγενὴσ θερμασία, συνεργήσαντοσ ἡλίου τοῦ ζωοποιοῦντοσ τὰσ ἑκάστων μορφάσ.

καθόλου δὲ καὶ τῆσ περὶ τὰ ἄνθη διαφορᾶσ τῆσ χρόασ καὶ τῆσ τῆσ γῆσ ποικιλίασ τοῦτον ὑπάρχειν αἴτιον καὶ δημιουργόν·

οὗ τὴν φυσικὴν ἐνέργειαν τὰσ θνητὰσ τέχνασ μιμησαμένασ βάπτειν ἕκαστα καὶ ποικίλλειν, μαθητρίασ γενομένασ τῆσ φύσεωσ. τὰ μὲν γὰρ χρώματα τὸ φῶσ ἀπεργάζεσθαι, τὰσ δὲ ὀσμὰσ τῶν καρπῶν καὶ τὰσ ἰδιότητασ τῶν χυλῶν, ἔτι δὲ τὰ μεγέθη τῶν ζῴων καὶ τὰσ ἑκάστου διαθέσεισ, πρὸσ δὲ τούτοισ τὰσ τῆσ γῆσ ἰδιότητασ, γεννᾶν τὴν περὶ τὸν ἥλιον θερμασίαν, εἰσ πολυτραφῆ χώραν καὶ γόνιμον ὕδωρ ἐνθάλπουσαν καὶ δημιουργὸν γινομένην τῆσ ἑκάστου φύσεωσ.

διόπερ οὔτε ἡ Παρία λύγδοσ οὔτ’ ἄλλη θαυμαζομένη πέτρα τοῖσ Ἀραβίοισ λίθοισ ἐξισωθῆναι δύναται, ὧν λαμπροτάτη μὲν ἡ λευκότησ, βαρύτατοσ δὲ ὁ σταθμόσ, ἡ δὲ λειότησ ὑπερβολὴν ἑτέροισ οὐκ ἀπολείπουσα.

αἰτία δὲ τῆσ χώρασ τῆσ κατὰ μέροσ ἰδιότητοσ, καθάπερ προεῖπον, ἡ περὶ τὸν ἥλιον δύναμισ, θερμασίᾳ μὲν πήξασα, ξηρότητι δὲ πιλήσασα, φέγγει δὲ λαμπρύνασα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 52

(디오도로스 시켈로스, Bibliotheca Historica, book 2, chapter 52)

상위

목록

SEARCH

MENU NAVIGATION