Diodorus Siculus, Bibliotheca Historica, book 2, chapter 50 2:

θρεμμάτων τε παντοδαπῶν τοσοῦτο κατ’ αὐτὴν ὑπάρχει πλῆθοσ ὥστε ἔθνη πολλὰ νομάδα βίον ᾑρημένα δύνασθαι καλῶσ διατρέφεσθαι, σίτου μὲν μὴ προσδεόμενα, τῇ δ’ ἀπὸ τούτων δαψιλείᾳ χορηγούμενα. θηρίων τε πλῆθοσ ἀλκίμων ἡ προσορίζουσα τῇ Συρίᾳ τρέφει· καὶ γὰρ λέοντασ καὶ παρδάλεισ ἐν αὐτῇ πολλῷ πλείονασ καὶ μείζουσ καὶ ταῖσ ἀλκαῖσ διαφόρουσ πεφυκέναι ἤπερ ἐν τῇ Λιβύῃ συμβέβηκε· πρὸσ δὲ τούτοισ οἱ καλούμενοι Βαβυλώνιοι τίγρεισ.