헬라어 문장 검색 - Διοδορ́Βιβλιοτ́2́49́

(디오도로스 시켈로스, Bibliotheca Historica, book 2, chapter 48)

τούτων δ’ ἡμῖν διευκρινημένων μεταβιβάσομεν τὸν λόγον ἐπὶ τὰ ἕτερα μέρη τῆσ Ἀσίασ τὰ μὴ τετευχότα τῆσ ἀναγραφῆσ, καὶ μάλιστα τὰ κατὰ τὴν Ἀραβίαν. αὕτη γὰρ κεῖται μὲν μεταξὺ Συρίασ καὶ τῆσ Αἰγύπτου, πολλοῖσ δὲ καὶ παντοδαποῖσ ἔθνεσι διείληπται. τὰ μὲν οὖν πρὸσ τὴν ἑώ μέρη κατοικοῦσιν Ἄραβεσ οὓσ ὀνομάζουσι Ναβαταίουσ, νεμόμενοι χώραν τὴν μὲν ἔρημον, τὴν δὲ ἄνυδρον, ὀλίγην δὲ καρποφόρον. ἔχουσι δὲ βίον λῃστρικόν, καὶ πολλὴν τῆσ ὁμόρου χώρασ κατατρέχοντεσ λῃστεύουσιν, ὄντεσ δύσμαχοι κατὰ τοὺσ πολέμουσ.

κατὰ γὰρ τὴν ἄνυδρον χώραν λεγομένην κατεσκευακότεσ εὔκαιρα φρέατα, καὶ ταῦτα πεποιηκότεσ τοῖσ ἀλλοεθνέσιν ἄγνωστα, συμφεύγουσιν εἰσ τὴν χώραν ταύτην ἀκινδύνωσ. αὐτοὶ μὲν γὰρ εἰδότεσ τὰ κατακεκρυμμένα τῶν ὑδάτων, καὶ ταῦτ’ ἀνοίγοντεσ, χρῶνται δαψιλέσι ποτοῖσ·

οἱ δὲ τούτουσ ἐπιδιώκοντεσ ἀλλοεθνεῖσ σπανίζοντεσ τῆσ ὑδρείασ διὰ τὴν ἄγνοιαν τῶν φρεάτῶν, οἱ μὲν ἀπόλλυνται διὰ τὴν σπάνιν τῶν ὑδάτων, οἱ δὲ πολλὰ κακοπαθήσαντεσ μόγισ εἰσ τὴν οἰκείαν σώζονται. διόπερ οἱ ταύτην τὴν χώραν κατοικοῦντεσ Ἄραβεσ, ὄντεσ δυσκαταπολέμητοι, διατελοῦσιν ἀδούλωτοι, πρὸσ δὲ τούτοισ ἔπηλυν μὲν ἡγεμόνα τὸ παράπαν οὐ προσδέχονται, διατελοῦσι δὲ τὴν ἐλευθερίαν διαφυλάττοντεσ ἀσάλευτον.

διόπερ οὔτ’ Ἀσσύριοι τὸ παλαιὸν οὔθ’ οἱ Μήδων καὶ Περσῶν, ἔτι δὲ Μακεδόνων βασιλεῖσ ἠδυνήθησαν αὐτοὺσ καταδουλώσασθαι, πολλὰσ μὲν καὶ μεγάλασ δυνάμεισ ἐπ’ αὐτοὺσ ἀγαγόντεσ, οὐδέποτε δὲ τὰσ ἐπιβολὰσ συντελέσαντεσ.

ἔστι δ’ ἐν τῇ χώρᾳ τῶν Ναβαταίων καὶ πέτρα καθ’ ὑπερβολὴν ὀχυρά, μίαν ἀνάβασιν ἔχουσα, δι’ ἧσ κατ’ ὀλίγουσ ἀναβαίνοντεσ ἀποτίθενται τὰσ ἀποσκευάσ·

λίμνη τε μεγάλη φέρουσα πολλὴν ἄσφαλτον, ἐξ ἧσ λαμβάνουσιν οὐκ ὀλίγασ προσόδουσ. αὕτη δ’ ἔχει τὸ μὲν μῆκοσ σταδίων ὡσ πεντακοσίων, τὸ δὲ πλάτοσ ὡσ ἑξήκοντα, τὸ δ’ ὕδωρ δυσῶδεσ καὶ διάπικρον, ὥστε μὴ δύνασθαι μήτ’ ἰχθῦν τρέφειν μήτ’ ἄλλο τῶν καθ’ ὕδατοσ εἰωθότων ζῴων εἶναι.

ἐμβαλλόντων δ’ εἰσ αὐτὴν ποταμῶν μεγάλων τῇ γλυκύτητι διαφόρων, τούτων μὲν περιγίνεται κατὰ τὴν δυσωδίαν, ἐξ αὑτῆσ δὲ μέσησ κατ’ ἐνιαυτὸν ἐκφυσᾷ ἀσφάλτου μέγεθοσ ποτὲ μὲν μεῖζον ἢ τρίπλεθρον, ἔστι δ’ ὅτε δυοῖν πλέθρων· ἐφ’ ᾧ δὴ συνήθωσ οἱ περιοικοῦντεσ βάρβαροι τὸ μὲν μεῖζον καλοῦσι ταῦρον, τὸ δ’ ἔλαττον μόσχον ἐπονομάζουσιν. ἐπιπλεούσησ δὲ τῆσ ἀσφάλτου πελαγίασ ὁ τύποσ φαίνεται τοῖσ ἐξ ἀποστήματοσ θεωροῦσιν οἱονεὶ νῆσοσ.

τὴν δ’ ἔκπτωσιν τῆσ ἀσφάλτου συμβαίνει φανερὰν γίνεσθαι τοῖσ ἀνθρώποισ πρὸ ἡμερῶν εἴκοσι · κύκλῳ γὰρ τῆσ λίμνησ ἐπὶ πολλοὺσ σταδίουσ ὀσμὴ προσπίπτει μετὰ πνεύματοσ, καὶ πᾶσ ὁ περὶ τὸν τόπον ἄργυρόσ τε καὶ χρυσὸσ καὶ χαλκὸσ ἀποβάλλει τὴν ἰδιότητα τοῦ χρώματοσ. ἀλλ’ αὕτη μὲν ἀποκαθίσταται πάλιν, ἐπειδὰν ἀναφυσηθῆναι συμβῇ πᾶσαν τὴν ἄσφαλτον· ὁ δὲ πλησίον τόποσ ἔμπυροσ ὢν καὶ δυσώδησ ποιεῖ τὰ σώματα τῶν ἀνθρώπων ἐπίνοσα καὶ παντελῶσ ὀλιγοχρόνια. ἀγαθὴ δ’ ἐστὶ φοινικόφυτοσ ὅσην αὐτῆσ συμβαίνει ποταμοῖσ διειλῆφθαι χρησίμοισ ἢ πηγαῖσ δυναμέναισ ἀρδεύειν.

γίνεται δὲ περὶ τοὺσ τόπουσ ἐν αὐλῶνί τινι καὶ τὸ καλούμενον βάλσαμον, ἐξ οὗ πρόσοδον ἁδρὰν λαμβάνουσιν, οὐδαμοῦ μὲν τῆσ ἄλλησ οἰκουμένησ εὑρισκομένου τοῦ φυτοῦ τούτου, τῆσ δ’ ἐξ αὐτοῦ χρείασ εἰσ φάρμακα τοῖσ ἰατροῖσ καθ’ ὑπερβολὴν εὐθετούσησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 48

(디오도로스 시켈로스, Bibliotheca Historica, book 2, chapter 48)

상위

목록

SEARCH

MENU NAVIGATION