헬라어 문장 검색 - Διοδορ́Βιβλιοτ́2́44́

(디오도로스 시켈로스, Bibliotheca Historica, book 2, chapter 43)

περὶ δὲ τῶν Σκυθῶν τῶν οἰκούντων τὴν ὅμορον χώραν ἐν μέρει διέξιμεν. οὗτοι γὰρ τὸ μὲν ἐξ ἀρχῆσ ὀλίγην ἐνέμοντο χώραν, ὕστερον δὲ κατ’ ὀλίγον αὐξηθέντεσ διὰ τὰσ ἀλκὰσ καὶ τὴν ἀνδρείαν πολλὴν μὲν κατεκτήσαντο χώραν, τὸ δ’ ἔθνοσ εἰσ μεγάλην ἡγεμονίαν καὶ δόξαν προήγαγον. τὸ μὲν οὖν πρῶτον παρὰ τὸν Ἀράξην ποταμὸν ὀλίγοι κατῴκουν παντελῶσ καὶ διὰ τὴν ἀδοξίαν καταφρονούμενοι·

ἕνα δὲ τῶν ἀρχαίων ἔχοντεσ βασιλέα φιλοπόλεμον καὶ διαφέροντα στρατηγίᾳ προσεκτήσαντο χώραν, τῆσ μὲν ὀρεινῆσ ἑώσ πρὸσ τὸν Καύκασον, τῆσ δὲ πεδινῆσ τὰ παρὰ τὸν ὠκεανὸν καὶ τὴν Μαιῶτιν λίμνην καὶ τὴν ἄλλην χώραν ἑώσ Τανάιδοσ ποταμοῦ. ὕστερον δὲ μυθολογοῦσι Σκύθαι παρ’ αὑτοῖσ γενέσθαι γηγενῆ παρθένον·

ταύτην δ’ ἔχειν τὰ μὲν ἄνω μέρη τοῦ σώματοσ μέχρι τῆσ ζώνησ γυναικεῖα, τὰ δὲ κατώτερα ἐχίδνησ. ταύτῃ δὲ Δία μιγέντα γεννῆσαι παῖδα Σκύθην ὄνομα. τοῦτον δὲ γενόμενον ἐπιφανέστατον τῶν πρὸ αὐτοῦ τοὺσ λαοὺσ ἀφ’ ἑαυτοῦ Σκύθασ προσαγορεῦσαι. τῶν δὲ ἀπογόνων τούτου τοῦ βασιλέωσ ἀδελφοὺσ δύο γενέσθαι διαφόρουσ ἀρετῇ, καὶ τὸν μὲν Πάλον, τὸν δὲ Νάπην ὠνομάσθαι. τούτων δ’ ἐπιφανεῖσ πράξεισ κατεργασαμένων καὶ διελομένων τὴν βασιλείαν, ἀφ’ ἑκατέρου τοὺσ λαοὺσ τοὺσ μὲν Πάλουσ, τοὺσ δὲ Νάπασ προσαγορευθῆναι.

μετὰ δέ τινασ χρόνουσ τοὺσ ἀπογόνουσ τούτων τῶν βασιλέων ἀνδρείᾳ καὶ στρατηγίᾳ διενεγκόντασ πολλὴν μὲν πέραν τοῦ Τανάιδοσ ποταμοῦ χώραν καταστρέψασθαι μέχρι τῆσ Θρᾴκησ, ἐπὶ δὲ θάτερα μέρη στρατεύσαντασ διατεῖναι τῇ δυνάμει μέχρι τοῦ κατ’ Αἴγυπτον Νείλου. πολλὰ δὲ καὶ μεγάλα τῶν ἀνὰ μέσον τούτων ἐθνῶν καταδουλωσαμένουσ προβιβάσαι τὴν ἡγεμονίαν τῶν Σκυθῶν τῇ μὲν ἐπὶ τὸν πρὸσ ἀνατολὰσ ὠκεανόν, τῇ δ’ ἐπὶ τὴν Κασπίαν θάλατταν καὶ Μαιῶτιν λίμνην·

ηὐξήθη γὰρ ἐπὶ πολὺ τοῦτο τὸ ἔθνοσ καὶ βασιλεῖσ ἔσχεν ἀξιολόγουσ, ἀφ’ ὧν τοὺσ μὲν Σάκασ προσαγορευθῆναι, τοὺσ δὲ Μασσαγέτασ, τινὰσ δ’ Ἀριμασπούσ, καὶ τούτοισ ὁμοίωσ ἄλλουσ πλείονασ. ὑπὸ δὲ τούτων τῶν βασιλέων πολλὰ μὲν καὶ τῶν ἄλλων τῶν καταπολεμηθέντων ἐθνῶν μετῳκίσθαι, δύο δὲ μεγίστασ ἀποικίασ γενέσθαι, τὴν μὲν ἐκ τῶν Ἀσσυρίων μετασταθεῖσαν εἰσ τὴν μεταξὺ χώραν τῆσ τε Παφλαγονίασ καὶ τοῦ Πόντου, τὴν δ’ ἐκ τῆσ Μηδίασ παρὰ τὸν Τάναϊν καθιδρυθεῖσαν, ἧσ τοὺσ λαοὺσ Σαυρομάτασ ὀνομασθῆναι.

τούτουσ δ’ ὕστερον πολλοῖσ ἔτεσιν αὐξηθέντασ πορθῆσαι πολλὴν τῆσ Σκυθίασ, καὶ τοὺσ καταπολεμηθέντασ ἄρδην ἀναιροῦντασ ἔρημον ποιῆσαι τὸ πλεῖστον μέροσ τῆσ χώρασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 43

(디오도로스 시켈로스, Bibliotheca Historica, book 2, chapter 43)

상위

목록

SEARCH

MENU NAVIGATION