헬라어 문장 검색 - Διοδορ́Βιβλιοτ́2́40́

(디오도로스 시켈로스, Bibliotheca Historica, book 2, chapter 39)

περὶ μὲν οὖν τοῦ Διονύσου καὶ τῶν ἀπογόνων αὐτοῦ τοιαῦτα μυθολογοῦσιν οἱ τὴν ὀρεινὴν τῆσ Ἰνδικῆσ κατοικοῦντεσ. τόν τε Ἡρακλέα φασὶ παρ αὑτοῖσ γεγενῆσθαι, καὶ παραπλησίωσ τοῖσ Ἕλλησι τό τε ῥόπαλον καὶ τὴν λεοντῆν αὐτῷ προσάπτουσι. τῇ δὲ τοῦ σώματοσ ῥώμῃ καὶ ἀλκῇ πολλῷ τῶν ἄλλων ἀνθρώπων διενεγκεῖν, καὶ καθαρὰν ποιῆσαι τῶν θηρίων γῆν τε καὶ θάλατταν.

γήμαντα δὲ πλείουσ γυναῖκασ υἱοὺσ μὲν πολλούσ, θυγατέρα δὲ μίαν γεννῆσαι, καὶ τούτων ἐνηλίκων γενομένων πᾶσαν τὴν Ἰνδικὴν διελόμενον εἰσ ἴσασ τοῖσ τέκνοισ μερίδασ, ἅπαντασ τοὺσ υἱοὺσ ἀποδεῖξαι βασιλέασ, μίαν δὲ θυγατέρα θρέψαντα καὶ ταύτην βασίλισσαν ἀποδεῖξαι. κτίστην τε πόλεων οὐκ ὀλίγων γενέσθαι, καὶ τούτων τὴν ἐπιφανεστάτην καὶ μεγίστην προσαγορεῦσαι Παλίβοθρα.

κατασκευάσαι δ’ ἐν αὐτῇ καὶ βασίλεια πολυτελῆ καὶ πλῆθοσ οἰκητόρων καθιδρῦσαι· τήν τε πόλιν ὀχυρῶσαι τάφροισ ἀξιολόγοισ ποταμίοισ ὕδασι πληρουμέναισ. καὶ τὸν μὲν Ἡρακλέα τὴν ἐξ ἀνθρώπων μετάστασιν ποιησάμενον ἀθανάτου τυχεῖν τιμῆσ, τοὺσ δ’ ἀπογόνουσ αὐτοῦ βασιλεύσαντασ ἐπὶ πολλὰσ γενεὰσ καὶ πράξεισ ἀξιολόγουσ μεταχειρισαμένουσ μήτε στρατείαν ὑπερόριον ποιήσασθαι μήτε ἀποικίαν εἰσ ἀλλοεθνεῖσ ἀποστεῖλαι.

ὕστερον δὲ πολλοῖσ ἔτεσι τὰσ πλείστασ μὲν τῶν πόλεων δημοκρατηθῆναι, τινῶν δ’ ἐθνῶν τὰσ βασιλείασ διαμεῖναι μέχρι τῆσ Ἀλεξάνδρου διαβάσεωσ· νομίμων δ’ ὄντων παρὰ τοῖσ Ἰνδοῖσ ἐνίων ἐξηλλαγμένων θαυμασιώτατον ἄν τισ ἡγήσαιτο τὸ καταδειχθὲν ὑπὸ τῶν ἀρχαίων παρ’ αὐτοῖσ φιλοσόφων·

νενομοθέτηται γὰρ παρ’ αὐτοῖσ δοῦλον μὲν μηδένα εἶναι τὸ παράπαν, ἐλευθέρουσ δ’ ὑπάρχοντασ τὴν ἰσότητα τιμᾶν ἐν πᾶσι. τοὺσ γὰρ μαθόντασ μήθ’ ὑπερέχειν μήθ’ ὑποπίπτειν ἄλλοισ κράτιστον ἕξειν βίον πρὸσ ἁπάσασ τὰσ περιστάσεισ· εὐήθεσ γὰρ εἶναι νόμουσ μὲν ἐπ’ ἴσησ τιθέναι πᾶσι, τὰσ δ’ οὐσίασ ἀνωμάλουσ κατασκευάζειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 39

(디오도로스 시켈로스, Bibliotheca Historica, book 2, chapter 39)

상위

목록

SEARCH

MENU NAVIGATION