헬라어 문장 검색 - Διοδορ́Βιβλιοτ́2́37́

(디오도로스 시켈로스, Bibliotheca Historica, book 2, chapter 36)

ὁμοίωσ δὲ καὶ τοὺσ ἀνθρώπουσ ἡ πολυκαρπία τρέφουσα τοῖσ τε ἀναστήμασι τῶν σωμάτων καὶ τοῖσ ὄγκοισ ὑπερφέροντασ κατασκευάζει· εἶναι δ’ αὐτοὺσ συμβαίνει καὶ πρὸσ τὰσ τέχνασ ἐπιστήμονασ, ὡσ ἂν ἀέρα μὲν ἕλκοντασ καθαρόν, ὕδωρ δὲ λεπτομερέστατον πίνοντασ. ἡ δὲ γῆ πάμφοροσ οὖσα τοῖσ ἡμέροισ καρποῖσ ἔχει καὶ φλέβασ καταγείουσ πολλῶν καὶ παντοδαπῶν μετάλλων·

γίνεται γὰρ ἐν αὐτῇ πολὺσ μὲν ἄργυροσ καὶ χρυσόσ, οὐκ ὀλίγοσ δὲ χαλκὸσ καὶ σίδηροσ, ἔτι δὲ καττίτεροσ καὶ τἄλλα τὰ πρὸσ κόσμον τε καὶ χρείαν καὶ πολεμικὴν παρασκευὴν ἀνήκοντα. χωρὶσ δὲ τῶν δημητριακῶν καρπῶν φύεται κατὰ τὴν Ἰνδικὴν πολλὴ μὲν κέγχροσ, ἀρδευομένη τῇ τῶν ποταμίων ναμάτων δαψιλείᾳ, πολὺ δ’ ὄσπριον καὶ διάφορον, ἔτι δ’ ὄρυζα καὶ ὁ προσαγορευόμενοσ βόσποροσ, καὶ μετὰ ταῦτ’ ἄλλα πολλὰ τῶν πρὸσ διατροφὴν χρησίμων·

καὶ τούτων τὰ πολλὰ ὑπάρχει αὐτοφυῆ. οὐκ ὀλίγουσ δὲ καὶ ἄλλουσ ἐδωδίμουσ καρποὺσ φέρει δυναμένουσ τρέφειν ζῷα, περὶ ὧν μακρὸν ἂν εἰή γράφειν. διὸ καί φασι μηδέποτε τὴν Ἰνδικὴν ἐπισχεῖν λιμὸν ἢ καθόλου σπάνιν τῶν πρὸσ τροφὴν ἥμερον ἀνηκόντων.

διττῶν γὰρ ὄμβρων ἐν αὐτῇ γινομένων καθ’ ἕκαστον ἔτοσ, τοῦ μὲν χειμερινοῦ, καθὰ παρὰ τοῖσ ἄλλοισ, ὁ σπόροσ τῶν πυρίνων γίνεται καρπῶν, τοῦ δ’ ἑτέρου κατὰ τὴν θερινὴν τροπὴν σπείρεσθαι συμβαίνει τὴν ὄρυζαν καὶ τὸν βόσπορον, ἔτι δὲ σήσαμον καὶ κέγχρον· κατὰ δὲ τὸ πλεῖστον ἀμφοτέροισ τοῖσ καρποῖσ οἱ κατὰ τὴν Ἰνδικὴν ἐπιτυγχάνουσι, πάντων δέ, τελεσφορουμένων θατέρου τῶν καρπῶν, οὐκ ἀποτυγχάνουσιν. οἵ τε αὐτοματίζοντεσ καρποὶ καὶ αἱ κατὰ τοὺσ ἑλώδεισ τόπουσ φυόμεναι ῥίζαι διάφοροι ταῖσ γλυκύτησιν οὖσαι πολλὴν παρέχονται τοῖσ ἀνθρώποισ δαψίλειαν·

πάντα γὰρ σχεδὸν τὰ κατὰ τὴν χώραν πεδία γλυκεῖαν ἔχει τὴν ἀπὸ τῶν ποταμῶν ἰκμάδα καὶ τὴν ἀπὸ τῶν ὄμβρων τῶν ἐν τῷ θέρει κατ’ ἐνιαυτὸν κυκλικῇ τινι περιόδῳ παραδόξωσ εἰωθότων γίνεσθαι δαψίλειαν, χλιαρῶν πιπτόντων ὑδάτων ἐκ τοῦ περιέχοντοσ ἀέροσ, καὶ τὰσ ἐν τοῖσ ἕλεσι ῥίζασ ἕψοντοσ τοῦ καύματοσ, καὶ μάλιστα τῶν μεγάλων καλάμων. συμβάλλονται δὲ παρὰ τοῖσ Ἰνδοῖσ καὶ τὰ νόμιμα πρὸσ τὸ μηδέποτε ἔνδειαν τροφῆσ παρ’ αὐτοῖσ εἶναι·

παρὰ μὲν γὰρ τοῖσ ἄλλοισ ἀνθρώποισ οἱ πολέμιοι καταφθείροντεσ τὴν χώραν ἀγεώργητον κατασκευάζουσι, παρὰ δὲ τούτοισ τῶν γεωργῶν ἱερῶν καὶ ἀσύλων ἐωμένων, οἱ πλησίον τῶν παρατάξεων γεωργοῦντεσ ἀνεπαίσθητοι τῶν κινδύνων εἰσίν. ἀμφότεροι γὰρ οἱ πολεμοῦντεσ ἀλλήλουσ μὲν ἀποκτείνουσιν ἐν ταῖσ μάχαισ, τοὺσ δὲ περὶ τὴν γεωργίαν ὄντασ ἐῶσιν ἀβλαβεῖσ, ὡσ κοινοὺσ ὄντασ ἁπάντων εὐεργέτασ, τάσ τε χώρασ τῶν ἀντιπολεμούντων οὔτ’ ἐμπυρίζουσιν οὔτε δενδροτομοῦσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 36

(디오도로스 시켈로스, Bibliotheca Historica, book 2, chapter 36)

상위

목록

SEARCH

MENU NAVIGATION