헬라어 문장 검색 - Διοδορ́Βιβλιοτ́2́33́

(디오도로스 시켈로스, Bibliotheca Historica, book 2, chapter 32)

ἐπεὶ δὲ διαφωνοῦσιν οἱ παλαιότατοι τῶν συγγραφέων περὶ τῆσ μεγίστησ τῶν Μήδων ἡγεμονίασ, οἰκεῖον εἶναι διαλαμβάνομεν τοῖσ φιλαλήθωσ τὰσ πράξεισ ἱστορεῖν βουλομένοισ τὴν διαφορὰν τῶν ἱστοριογράφων παρ’ ἄλληλα θεῖναι. Ἡρόδοτοσ μὲν οὖν κατὰ Ξέρξην γεγονὼσ τοῖσ χρόνοισ φησὶν Ἀσσυρίουσ ἔτη πεντακόσια πρότερον τῆσ Ἀσίασ ἄρξαντασ ὑπὸ Μήδων καταλυθῆναι, ἔπειτα βασιλέα μὲν μηδένα γενέσθαι τὸν ἀμφισβητήσοντα τῶν ὅλων ἐπὶ πολλὰσ γενεάσ, τὰσ δὲ πόλεισ καθ’ ἑαυτὰσ ταττομένασ διοικεῖσθαι δημοκρατικῶσ·

τὸ δὲ τελευταῖον πολλῶν ἐτῶν διελθόντων αἱρεθῆναι βασιλέα παρὰ τοῖσ Μήδοισ ἄνδρα δικαιοσύνῃ διάφορον, ὄνομα Κυαξάρην. τοῦτον δὲ πρῶτον ἐπιχειρῆσαι προσάγεσθαι τοὺσ πλησιοχώρουσ, καὶ τοῖσ Μήδοισ ἀρχηγὸν γενέσθαι τῆσ τῶν ὅλων ἡγεμονίασ·

ἔπειτα τοὺσ ἐκγόνουσ ἀεὶ προσκατακτωμένουσ πολλὴν τῆσ ὁμόρου χώρασ αὐξῆσαι τὴν βασιλείαν μέχρι Ἀστυάγουσ τοῦ καταπολεμηθέντοσ ὑπὸ Κύρου καὶ Περσῶν. περὶ ὧν νῦν ἡμεῖσ τὰ κεφάλαια προειρηκότεσ τὰ κατὰ μέροσ ὕστερον ἀκριβῶσ ἀναγράψομεν, ἐπειδὰν ἐπὶ τοὺσ οἰκείουσ χρόνουσ ἐπιβάλωμεν· κατὰ γὰρ τὸ δεύτερον ἔτοσ τῆσ ἑπτακαιδεκάτησ ὀλυμπιάδοσ ᾑρέθη βασιλεὺσ ὑπὸ Μήδων Κυαξάρησ καθ’ Ἡρόδοτον. Κτησίασ δὲ ὁ Κνίδιοσ τοῖσ μὲν χρόνοισ ὑπῆρξε κατὰ τὴν Κύρου στρατείαν ἐπὶ Ἀρταξέρξην τὸν ἀδελφόν, γενόμενοσ δ’ αἰχμάλωτοσ, καὶ διὰ τὴν ἰατρικὴν ἐπιστήμην ἀναληφθεὶσ ὑπὸ τοῦ βασιλέωσ, ἑπτακαίδεκα ἔτη διετέλεσε τιμώμενοσ ὑπ’ αὐτοῦ.

οὗτοσ οὖν φησιν ἐκ τῶν βασιλικῶν διφθερῶν, ἐν αἷσ οἱ Πέρσαι τὰσ παλαιὰσ πράξεισ κατά τινα νόμον εἶχον συντεταγμένασ, πολυπραγμονῆσαι τὰ καθ’ ἕκαστον καὶ συνταξάμενοσ τὴν ἱστορίαν εἰσ τοὺσ Ἕλληνασ ἐξενεγκεῖν. φησὶν οὖν μετὰ τὴν κατάλυσιν τῆσ Ἀσσυρίων ἡγεμονίασ Μήδουσ προστῆναι τῆσ Ἀσίασ Ἀρβάκου βασιλεύοντοσ τοῦ Σαρδανάπαλλον καταπολεμήσαντοσ, καθότι προείρηται.

τούτου δ’ ἄρξαντοσ ἔτη δυσὶ λείποντα τῶν τριάκοντα διαδέξασθαι τὴν βασιλείαν τὸν υἱὸν Μαυδάκην, ὃν ἄρξαι τῆσ Ἀσίασ ἔτη πεντήκοντα.

μετὰ δὲ τοῦτον τριάκοντα μὲν ἔτη βασιλεῦσαι Σώσαρμον, πεντήκοντα δὲ Ἀρτύκαν, δύο δὲ πρὸσ τοῖσ εἴκοσι τὸν προσαγορευόμενον Ἀρβιάνην, τετταράκοντα δὲ Ἀρταῖον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 32

(디오도로스 시켈로스, Bibliotheca Historica, book 2, chapter 32)

상위

목록

SEARCH

MENU NAVIGATION