헬라어 문장 검색 - Διοδορ́Βιβλιοτ́2́32́

(디오도로스 시켈로스, Bibliotheca Historica, book 2, chapter 31)

τῶν δὲ πλανήτων ἴδιον ἕκαστον ἔχειν δρόμον καὶ διηλλαγμένωσ καὶ ποικίλωσ χρῆσθαι τοῖσ τάχεσι καὶ τῇ τῶν χρόνων διαιρέσει. πλεῖστα δὲ πρὸσ τὰσ γενέσεισ τῶν ἀνθρώπων συμβάλλεσθαι τούτουσ τοὺσ ἀστέρασ ἀγαθά τε καὶ κακά· διὰ δὲ τῆσ τούτων φύσεώσ τε καὶ θεωρίασ μάλιστα γινώσκειν τὰ συμβαίνοντα τοῖσ ἀνθρώποισ. πεποιῆσθαι δέ φασι προρρήσεισ ἄλλοισ τε βασιλεῦσιν οὐκ ὀλίγοισ καὶ τῷ καταπολεμήσαντι Δαρεῖον Ἀλεξάνδρῳ καὶ τοῖσ μετὰ ταῦτα βασιλεύσασιν Ἀντιγόνῳ τε καὶ Σελεύκῳ τῷ Νικάτορι, ἐν ἅπασι δὲ τοῖσ ῥηθεῖσιν εὐστοχηκέναι δοκοῦσιν·

ὑπὲρ ὧν ἡμεῖσ τὰ κατὰ μέροσ ἐν οἰκειοτέροισ ἀναγράψομεν καιροῖσ. προλέγουσι δὲ καὶ τοῖσ ἰδιώταισ τὰ μέλλοντα συμβαίνειν οὕτωσ εὐστόχωσ ὥστε τοὺσ πειραθέντασ θαυμάζειν τὸ γινόμενον καὶ μεῖζον ἢ κατ’ ἄνθρωπον ἡγεῖσθαι.

μετὰ δὲ τὸν ζῳδιακὸν κύκλον εἴκοσι καὶ τέτταρασ ἀφορίζουσιν ἀστέρασ, ὧν τοὺσ μὲν ἡμίσεισ ἐν τοῖσ βορείοισ μέρεσι, τοὺσ δ’ ἡμίσεισ ἐν τοῖσ νοτίοισ τετάχθαι φασί, καὶ τούτων τοὺσ μὲν ὁρωμένουσ τῶν ζώντων εἶναι καταριθμοῦσι, τοὺσ δ’ ἀφανεῖσ τοῖσ τετελευτηκόσι προσωρίσθαι νομίζουσιν, οὓσ δικαστὰσ τῶν ὅλων προσαγορεύουσιν.

ὑπὸ πάντα δὲ τὰ προειρημένα τὴν σελήνην φέρεσθαι λέγουσιν, ἔγγιστα μὲν τῆσ γῆσ οὖσαν διὰ τὴν βαρύτητα, διαπορευομένην δ’ ἐν ἐλαχίστῳ χρόνῳ τὸν ἑαυτῆσ δρόμον, οὐ διὰ τὴν ὀξύτητα τῆσ φορᾶσ, ἀλλὰ διὰ τὴν βραχύτητα τοῦ κύκλου.

ὅτι δὲ τὸ φῶσ ἀλλότριον ἔχει καὶ διότι τὰσ ἐκλείψεισ ποιεῖται διὰ τὸ σκίασμα τῆσ γῆσ παραπλήσια λέγουσι τοῖσ Ἕλλησι.

περὶ δὲ τῆσ κατὰ τὸν ἥλιον ἐκλείψεωσ ἀσθενεστάτασ ἀποδείξεισ φέροντεσ οὐ τολμῶσι προλέγειν οὐδ’ ἀκριβῶσ ὑπὲρ ταύτησ περιγράφειν τοὺσ χρόνουσ. περὶ δὲ τῆσ γῆσ ἰδιωτάτασ ἀποφάσεισ ποιοῦνται, λέγοντεσ ὑπάρχειν αὐτὴν σκαφοειδῆ καὶ κοίλην, καὶ πολλὰσ καὶ πιθανὰσ ἀποδείξεισ εὐποροῦσι περί τε ταύτησ καὶ περὶ τῶν ἄλλων τῶν κατὰ τὸν κόσμον·

ὑπὲρ ὧν τὰ κατὰ μέροσ διεξιέναι τῆσ ὑποκειμένησ ἱστορίασ ἀλλότριον εἶναι νομίζομεν. τοῦτο μέντοι γε διαβεβαιώσαιτ’ ἄν τισ προσηκόντωσ ὅτι Χαλδαῖοι μεγίστην ἕξιν ἐν ἀστρολογίᾳ τῶν ἁπάντων ἀνθρώπων ἔχουσι καὶ διότι πλείστην ἐπιμέλειαν ἐποιήσαντο ταύτησ τῆσ θεωρίασ.

περὶ δὲ τοῦ πλήθουσ τῶν ἐτῶν, ἐν οἷσ φασι τὴν θεωρίαν τῶν κατὰ τὸν κόσμον πεποιῆσθαι τὸ σύστημα τῶν Χαλδαίων, οὐκ ἄν τισ ῥᾳδίωσ πιστεύσειεν·

ἐτῶν γὰρ ἑπτὰ καὶ τετταράκοντα μυριάδασ καὶ τρεῖσ ἐπὶ ταύταισ χιλιάδασ εἰσ τὴν Ἀλεξάνδρου διάβασιν γεγονέναι καταριθμοῦσιν, ἀφ’ ὅτου τὸ παλαιὸν ἤρξαντο τῶν ἄστρων τὰσ παρατηρήσεισ ποιεῖσθαι. καὶ περὶ μὲν Χαλδαίων ἀρκεσθησόμεθα τοῖσ ῥηθεῖσιν, ἵνα μὴ μακρότερον ἀποπλανώμεθα τῆσ οἰκείασ ἱστορίασ·

περὶ δὲ τῆσ Ἀσσυρίων βασιλείασ ὡσ ὑπὸ Μήδων κατελύθη προειρηκότεσ ἐπάνιμεν ὅθεν ἐξέβημεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 31

(디오도로스 시켈로스, Bibliotheca Historica, book 2, chapter 31)

상위

목록

SEARCH

MENU NAVIGATION