헬라어 문장 검색 - Διοδορ́Βιβλιοτ́2́30́

(디오도로스 시켈로스, Bibliotheca Historica, book 2, chapter 29)

ἡμῖν δ’ οὐκ ἀνάρμοστον εἶναι δοκεῖ περὶ τῶν ἐν Βαβυλῶνι Χαλδαίων καὶ τῆσ ἀρχαιότητοσ αὐτῶν βραχέα διελθεῖν, ἵνα μηδὲν παραλίπωμεν τῶν ἀξίων μνήμησ. Χαλδαῖοι τοίνυν τῶν ἀρχαιοτάτων ὄντεσ Βαβυλωνίων τῇ μὲν διαιρέσει τῆσ πολιτείασ παραπλησίαν ἔχουσι τάξιν τοῖσ κατ’ Αἴγυπτον ἱερεῦσι·

πρὸσ γὰρ τῇ θεραπείᾳ τῶν θεῶν τεταγμένοι πάντα τὸν τοῦ ζῆν χρόνον φιλοσοφοῦσι, μεγίστην δόξαν ἔχοντεσ ἐν ἀστρολογίᾳ. ἀντέχονται δ’ ἐπὶ πολὺ καὶ μαντικῆσ, ποιούμενοι προρρήσεισ περὶ τῶν μελλόντων, καὶ τῶν μὲν καθαρμοῖσ, τῶν δὲ θυσίαισ, τῶν δ’ ἄλλαισ τισὶν ἐπῳδαῖσ ἀποτροπὰσ κακῶν καὶ τελειώσεισ ἀγαθῶν πειρῶνται πορίζειν. ἐμπειρίαν δ’ ἔχουσι καὶ τῆσ διὰ τῶν οἰωνῶν μαντικῆσ, ἐνυπνίων τε καὶ τεράτων ἐξηγήσεισ ἀποφαίνονται.

οὐκ ἀσόφωσ δὲ ποιοῦνται καὶ τὰ περὶ τὴν ἱεροσκοπίαν ἄκρωσ ἐπιτυγχάνειν νομίζοντεσ. τὴν δὲ τούτων μάθησιν ἁπάντων οὐχ ὁμοίαν ποιοῦνται τοῖσ τὰ τοιαῦτ’ ἐπιτηδεύουσι τῶν Ἑλλήνων. παρὰ μὲν γὰρ τοῖσ Χαλδαίοισ ἐκ γένουσ ἡ τούτων φιλοσοφία παραδέδοται, καὶ παῖσ παρὰ πατρὸσ διαδέχεται, τῶν ἄλλων λειτουργιῶν πασῶν ἀπολελυμένοσ.

διὸ καὶ γονεῖσ ἔχοντεσ διδασκάλουσ ἅμα μὲν ἀφθόνωσ ἅπαντα μανθάνουσιν, ἅμα δὲ τοῖσ παραγγελλομένοισ προσέχουσι πιστεύοντεσ βεβαιότερον. ἔπειτ’ εὐθὺσ ἐκ παίδων συντρεφόμενοι τοῖσ μαθήμασι μεγάλην ἕξιν περιποιοῦνται διά τε τὸ τῆσ ἡλικίασ εὐδίδακτον καὶ διὰ τὸ πλῆθοσ τοῦ προσκαρτερουμένου χρόνου. παρὰ δὲ τοῖσ Ἕλλησιν ὁ πολλοῖσ ἀπαρασκεύωσ προσιὼν ὀψέ ποτε τῆσ φιλοσοφίασ ἅπτεται, καὶ μέχρι τινὸσ φιλοπονήσασ ἀπῆλθε περισπασθεὶσ ὑπὸ βιωτικῆσ χρείασ·

ὀλίγοι δέ τινεσ ἐπὶ φιλοσοφίαν ἀποδύντεσ ἐργολαβίασ ἕνεκεν παραμένουσιν ἐν τῷ μαθήματι, καινοτομοῦντεσ ἀεὶ περὶ τῶν μεγίστων δογμάτων καὶ τοῖσ πρὸ αὐτῶν οὐκ ἀκολουθοῦντεσ. τοιγαροῦν οἱ μὲν βάρβαροι διαμένοντεσ ἐπὶ τῶν αὐτῶν ἀεὶ βεβαίωσ ἕκαστα λαμβάνουσιν, οἱ δ’ Ἕλληνεσ τοῦ κατὰ τὴν ἐργολαβίαν κέρδουσ στοχαζόμενοι καινὰσ αἱρέσεισ κτίζουσι, καὶ περὶ τῶν μεγίστων θεωρημάτων ἀλλήλοισ ἀντιδοξοῦντεσ διχονοεῖν ποιοῦσι τοὺσ μανθάνοντασ καὶ τὰσ ψυχὰσ αὐτῶν πλανᾶσθαι, τὸν πάντα βίον ἐν αἰώρᾳ γινομένασ καὶ μηδὲν ὅλωσ πιστεῦσαι δυναμένασ βεβαίωσ·

τὰσ γοῦν ἐπιφανεστάτασ αἱρέσεισ τῶν φιλοσόφων εἴ τισ ἀκριβῶσ ἐξετάζοι, πλεῖστον ὅσον εὑρήσει διαφερούσασ ἀλλήλων καὶ περὶ τῶν μεγίστων δοξῶν ἐναντία δοξαζούσασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 29

(디오도로스 시켈로스, Bibliotheca Historica, book 2, chapter 29)

상위

목록

SEARCH

MENU NAVIGATION