헬라어 문장 검색 - Διοδορ́Βιβλιοτ́2́29́

(디오도로스 시켈로스, Bibliotheca Historica, book 2, chapter 28)

ἔνθα δὴ τοῦ βασιλέωσ τοῖσ συναγωνισαμένοισ στρατηγοῖσ δωρεάσ τε διαδόντοσ κατὰ τὴν ἀξίαν καὶ σατράπασ ἐθνῶν καθιστάντοσ, προσελθὼν αὐτῷ Βέλεσυσ ὁ Βαβυλώνιοσ, ὁ προειπὼν ὅτι βασιλεὺσ ἔσται τῆσ Ἀσίασ, τῆσ τε εὐεργεσίασ ὑπέμνησε καὶ τὴν Βαβυλῶνοσ ἀρχὴν ἠξίου δοῦναι, καθάπερ ἐξ ἀρχῆσ ὑπέσχετο. ἀπεφαίνετο δὲ καὶ κατὰ τοὺσ κινδύνουσ ἑαυτὸν εὐχὴν πεποιῆσθαι τῷ Βήλῳ Σαρδαναπάλλου κρατηθέντοσ καὶ τῶν βασιλείων ἐμπυρισθέντων ἀποκομιεῖν τὴν σποδὸν τὴν ἐκ τούτων εἰσ Βαβυλῶνα, καὶ πλησίον τοῦ τεμένουσ τοῦ θεοῦ καὶ τοῦ ποταμοῦ καταθέμενον χῶμα κατασκευάσειν τὸ παρεξόμενον τοῖσ κατὰ τὸν Εὐφράτην πλέουσιν ἀθάνατον ὑπόμνημα τοῦ καταλύσαντοσ τὴν Ἀσσυρίων ἀρχήν.

τοῦτο δ’ ᾐτεῖτο πυθόμενοσ τινοσ εὐνούχου τὰ περὶ τὸν ἄργυρον καὶ χρυσόν, ὃν διαδράντα καὶ πρὸσ αὐτὸν αὐτομολήσαντα κατέκρυψεν.

ὁ δ’ Ἀρβάκησ τούτων οὐδὲν εἰδὼσ διὰ τὸ πάντασ τοὺσ ἐν τοῖσ βασιλείοισ συγκατακαῆναι τῷ βασιλεῖ, τήν τε σποδὸν ἀποκομίσαι καὶ τὴν Βαβυλῶνα ἔχειν ἀτελῆ συνεχώρησεν.

εἶθ’ ὁ μὲν Βέλεσυσ πλοῖα παραστησάμενοσ μετὰ τῆσ σποδοῦ τὸ πλεῖστον τοῦ τε ἀργύρου καὶ τοῦ χρυσοῦ συντόμωσ ἀπέστειλεν εἰσ Βαβυλῶνα· ὁ δὲ βασιλεύσ, μηνυθείσησ αὐτῷ τῆσ πράξεωσ αὐτοφώρου, δικαστὰσ ἀπέδειξε τοὺσ συναγωνισαμένουσ στρατηγούσ. τοῦ πράξαντοσ δ’ ὁμολογοῦντοσ ἀδικεῖν, τὸ μὲν δικαστήριον αὐτοῦ θάνατον κατέγνω, ὁ δὲ βασιλεύσ, μεγαλόψυχοσ ὢν καὶ τὴν ἀρχὴν τῆσ ἡγεμονίασ βουλόμενοσ ἐπιεικῆ παρέχεσθαι, τῶν τε κινδύνων ἀπέλυσε τὸν Βέλεσυν καὶ τὸν ἀποκεκομισμένον ἄργυρον καὶ χρυσὸν ἔχειν συνεχώρησεν·

ὁμοίωσ δὲ καὶ τὴν ἐξ ἀρχῆσ δοθεῖσαν ἐξουσίαν τῆσ Βαβυλῶνοσ οὐκ ἀφείλετο, φήσασ μείζονασ εἶναι τὰσ ἐξ αὐτοῦ προγεγενημένασ εὐεργεσίασ τῶν ὕστερον ἀδικημάτων. διαβοηθείσησ δὲ τῆσ ἐπιεικείασ οὐ τὴν τυχοῦσαν εὔνοιαν ἅμα καὶ δόξαν παρὰ τῶν ἐθνῶν ἀπηνέγκατο, πάντων κρινόντων ἄξιον εἶναι τῆσ βασιλείασ τὸν οὕτω προσενεχθέντα τοῖσ ἀδικήσασιν.

ὁ δ’ οὖν Ἀρβάκησ τοῖσ κατὰ τὴν πόλιν ἐπιεικῶσ προσενεχθεὶσ αὐτοὺσ μὲν κατὰ κώμασ διῴκισε, τὰσ ἰδίασ κτήσεισ ἑκάστοισ ἀποδούσ, τὴν δὲ πόλιν εἰσ ἔδαφοσ κατέσκαψεν.

ἔπειτα τόν τε ἄργυρον καὶ χρυσὸν τὸν ἐκ τῆσ πυρᾶσ ὑπολειφθέντα πολλῶν ὄντα ταλάντων ἀπεκόμισε τῆσ Μηδίασ εἰσ Ἐκβάτανα. ἡ μὲν οὖν ἡγεμονία τῶν Ἀσσυρίων ἀπὸ Νίνου διαμείνασα τριάκοντα μὲν γενεάσ, ἔτη δὲ πλείω τῶν χιλίων καὶ τριακοσίων, ὑπὸ Μήδων κατελύθη τὸν προειρημένον τρόπον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 28

(디오도로스 시켈로스, Bibliotheca Historica, book 2, chapter 28)

상위

목록

SEARCH

MENU NAVIGATION