헬라어 문장 검색 - Διοδορ́Βιβλιοτ́2́26́

(디오도로스 시켈로스, Bibliotheca Historica, book 2, chapter 25)

Σαρδανάπαλλοσ δὲ γνοὺσ τὴν ἀπόστασιν εὐθὺσ ἐξήγαγεν ἐπ’ αὐτοὺσ τὰσ ἀπὸ τῶν ἄλλων ἐθνῶν δυνάμεισ. καὶ τὸ μὲν πρῶτον γενομένησ ἐν τῷ πεδίῳ παρατάξεωσ ἐλείφθησαν οἱ τὴν ἀπόστασιν ποιησάμενοι, καὶ πολλοὺσ ἀποβαλόντεσ συνεδιώχθησαν εἰσ ὄροσ ἀπέχον τῆσ Νίνου σταδίουσ ἑβδομήκοντα· μετὰ δὲ ταῦτα πάλιν καταβάντων αὐτῶν εἰσ τὸ πεδίον καὶ πρὸσ μάχην παρασκευαζομένων, ὁ μὲν Σαρδανάπαλλοσ ἀντιτάξασ τὴν ἰδίαν στρατιὰν προαπέστειλε πρὸσ τὸ τῶν πολεμίων στρατόπεδον τοὺσ κηρύξοντασ διότι Σαρδανάπαλλοσ τοῖσ μὲν ἀνελοῦσιν Ἀρβάκην τὸν Μῆδον δώσει χρυσίου διακόσια τάλαντα, τοῖσ δὲ ζῶντα παραδοῦσι χρήματα μὲν δωρήσεται δὶσ τοσαῦτα, τῆσ δὲ Μηδίασ ὕπαρχον καταστήσει.

παραπλησίωσ δ’ ἐπηγγείλατο δώσειν δωρεὰσ τοῖσ Βέλεσυν τὸν Βαβυλώνιον ἀνελοῦσιν ἢ ζωγρήσασιν.

οὐδενὸσ δὲ προσέχοντοσ τοῖσ κηρύγμασι, συνῆψε μάχην, καὶ πολλοὺσ μὲν ἐφόνευσε τῶν ἀποστατῶν, τὸ δ’ ἄλλο πλῆθοσ συνεδίωξεν εἰσ τὴν ἐν τοῖσ ὄρεσι παρεμβολήν. οἱ δὲ περὶ τὸν Ἀρβάκην διὰ τὰσ ἥττασ ἀθυμοῦντεσ συνήγαγον τῶν φίλων συνέδριον καὶ προέθηκαν βουλὴν τί δέοι πράττειν.

οἱ πλεῖστοι μὲν οὖν ἔφασαν δεῖν εἰσ τὰσ πατρίδασ ἀπιέναι καὶ τόπουσ ὀχυροὺσ καταλαμβάνεσθαι καὶ τῶν ἄλλων τῶν εἰσ τὸν πόλεμον χρησίμων τὴν ἐνδεχομένην παρασκευὴν ποιεῖσθαι·

Βέλεσυσ δ’ ὁ Βαβυλώνιοσ, φήσασ τοὺσ θεοὺσ αὐτοῖσ σημαίνειν μετὰ πόνων καὶ κακοπαθείασ ἐπὶ τέλοσ ἄξειν τὴν προαίρεσιν, καὶ τἄλλα παρακαλέσασ ἐνδεχομένωσ, ἔπεισεν ἅπαντασ ὑπομένειν τοὺσ κινδύνουσ. γενομένησ οὖν τρίτησ παρατάξεωσ πάλιν ὁ βασιλεὺσ ἐνίκησε, καὶ τῆσ τε παρεμβολῆσ τῶν ἀποστατῶν ἐκυρίευσε καὶ τοὺσ ἡττηθέντασ ἐδίωξε μέχρι τῶν ὁρ́ων τῆσ Βαβυλωνίασ·

συνέβη δὲ καὶ τὸν Ἀρβάκην αὐτὸν λαμπρότατα κινδυνεύσαντα καὶ πολλοὺσ ἀνελόντα τῶν Ἀσσυρίων γενέσθαι τραυματίαν. τηλικούτων δ’ ἐλαττωμάτων κατὰ τὸ συνεχὲσ γινομένων τοῖσ ἀφεστηκόσιν, οἱ τὰσ ἡγεμονίασ ἔχοντεσ ἀπελπίσαντεσ περὶ τῆσ νίκησ παρεσκευάζοντο διαχωρίζεσθαι πρὸσ τοὺσ οἰκείουσ ἕκαστοι τόπουσ.

ὁ δὲ Βέλεσυσ ἐν ὑπαίθρῳ τὴν νύκτα διηγρυπνηκὼσ καὶ περὶ τὴν τῶν ἄστρων παρατήρησιν φιλοτιμηθείσ, ἔφησε τοῖσ ἀπηλπικόσι τὰ πράγματα, ἂν πένθ’ ἡμέρασ ἀναμείνωσιν, αὐτομάτην ἥξειν βοήθειαν καὶ μεταβολὴν ἔσεσθαι τῶν ὅλων παμμεγέθη εἰσ τοὐναντίον·

ταῦτα γὰρ ὁρᾶν διὰ τῆσ τῶν ἄστρων ἐμπειρίασ προσημαίνοντασ αὐτοῖσ τοὺσ θεούσ. καὶ παρεκάλει ταύτασ τὰσ ἡμέρασ μείναντασ πεῖραν λαβεῖν τῆσ ἰδίασ τέχνησ καὶ τῆσ τῶν θεῶν εὐεργεσίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 25

(디오도로스 시켈로스, Bibliotheca Historica, book 2, chapter 25)

상위

목록

SEARCH

MENU NAVIGATION