헬라어 문장 검색 - Διοδορ́Βιβλιοτ́2́25́

(디오도로스 시켈로스, Bibliotheca Historica, book 2, chapter 24)

Ἀρβάκησ γάρ τισ, Μῆδοσ μὲν τὸ γένοσ, ἀνδρείᾳ δὲ καὶ ψυχῆσ λαμπρότητι διαφέρων, ἐστρατήγει Μήδων τῶν κατ’ ἐνιαυτὸν ἐκπεμπομένων εἰσ τὴν Νίνον. κατὰ δὲ τὴν στρατείαν γενόμενοσ συνήθησ τῷ στρατηγῷ τῶν Βαβυλωνίων, ὑπ’ ἐκείνου παρεκλήθη καταλῦσαι τὴν τῶν Ἀσσυρίων ἡγεμονίαν. ἦν δ’ οὗτοσ ὄνομα μὲν Βέλεσυσ, τῶν δ’ ἱερέων ἐπισημότατοσ, οὓσ Βαβυλώνιοι καλοῦσι Χαλδαίουσ.

ἐμπειρίαν οὖν ἔχων μεγίστην ἀστρολογίασ τε καὶ μαντικῆσ προέλεγε τοῖσ πολλοῖσ τὸ ἀποβησόμενον ἀδιαπτώτωσ· διὸ καὶ θαυμαζόμενοσ ἐπὶ τούτοισ τῷ στρατηγῷ τῶν Μήδων ὄντι φίλῳ προεῖπεν ὅτι πάντωσ αὐτὸν δεῖ βασιλεῦσαι πάσησ τῆσ χώρασ ἧσ ἄρχει Σαρδανάπαλλοσ. ὁ δ’ Ἀρβάκησ ἐπαινέσασ τὸν ἄνδρα, τούτῳ μὲν ἐπηγγείλατο δώσειν σατραπείαν τῆσ Βαβυλωνίασ, τῆσ πράξεωσ ἐπὶ τέλοσ ἐλθούσησ, αὐτὸσ δὲ καθαπερεί τινοσ θεοῦ φωνῇ μετεωρισθεὶσ τοῖσ τε ἡγεμόσι τῶν ἄλλων ἐθνῶν συνίστατο καὶ πρὸσ τὰσ ἑστιάσεισ καὶ κοινὰσ ὁμιλίασ ἐκτενῶσ ἅπαντασ παρελάμβανε, φιλίαν κατασκευάζων πρὸσ ἕκαστον.

ἐφιλοτιμήθη δὲ καὶ τὸν βασιλέα κατ’ ὄψιν ἰδεῖν καὶ τὸν τούτου βίον ὅλον κατασκέψασθαι.

διόπερ δούσ τινι τῶν εὐνούχων χρυσῆν φιάλην εἰσήχθη πρὸσ τὸν Σαρδανάπαλλον, καὶ τήν τε τρυφὴν αὐτοῦ καὶ τὸν γυναικώδη τῶν ἐπιτηδευμάτων ζῆλον ἀκριβῶσ κατανοήσασ κατεφρόνησε μὲν τοῦ βασιλέωσ ὡσ οὐδενὸσ ἀξίου, προήχθη δὲ πολὺ μᾶλλον ἀντέχεσθαι τῶν δοθεισῶν ἐλπίδων ὑπὸ τοῦ Χαλδαίου. τέλοσ δὲ συνωμοσίαν ἐποιήσατο πρὸσ τὸν Βέλεσυν, ὥστε αὐτὸν μὲν Μήδουσ ἀποστῆσαι καὶ Πέρσασ, ἐκεῖνον δὲ πεῖσαι Βαβυλωνίουσ κοινωνῆσαι τῆσ πράξεωσ καὶ τὸν τῶν Ἀράβων ἡγεμόνα φίλον ὄντα προσλαβέσθαι πρὸσ τὴν τῶν ὅλων ἐπίθεσιν.

ὡσ δ’ ὁ ἐνιαύσιοσ τῆσ στρατείασ διεληλύθει χρόνοσ, διαδοχῆσ δ’ ἑτέρασ ἐλθούσησ ἀπελύθησαν οἱ πρότεροι κατὰ τὸ ἔθοσ εἰσ τὰσ πατρίδασ, ἐνταῦθα ὁ Ἀρβάκησ ἔπεισε τοὺσ μὲν Μήδουσ ἐπιθέσθαι τῇ βασιλείᾳ, Πέρσασ δ’ ἐπ’ ἐλευθερίᾳ κοινωνῆσαι τῆσ συνωμοσίασ.

παραπλησίωσ δὲ καὶ ὁ Βέλεσυσ τούσ τε Βαβυλωνίουσ ἔπεισεν ἀντέχεσθαι τῆσ ἐλευθερίασ, καὶ πρεσβεύσασ εἰσ Ἀραβίαν παρεστήσατο τὸν ἡγούμενον τῶν ἐγχωρίων, ὄντα φίλον αὐτοῦ καὶ ξένον, μετασχεῖν τῆσ ἐπιθέσεωσ. τοῦ δ’ ἐνιαυσίου χρόνου διελθόντοσ πάντεσ οὗτοι πλῆθοσ στρατιωτῶν συναγαγόντεσ ἧκον πανδημεὶ πρὸσ τὴν Νίνον, τῷ μὲν λόγῳ διαδοχὴν ἄγοντεσ, ὡσ ἦν σύνηθεσ, τῇ δ’ ἀληθείᾳ καταλύσοντεσ τὴν τῶν Ἀσσυρίων ἡγεμονίαν.

ἀθροισθέντων οὖν τῶν προειρημένων τεττάρων ἐθνῶν εἰσ ἕνα τόπον, ὁ μὲν σύμπασ αὐτῶν ἀριθμὸσ ὑπῆρχεν εἰσ τετταράκοντα μυριάδασ, εἰσ μίαν δὲ παρεμβολὴν συνελθόντεσ ἐβουλεύοντο κοινῇ περὶ τοῦ συμφέροντοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 24

(디오도로스 시켈로스, Bibliotheca Historica, book 2, chapter 24)

상위

목록

SEARCH

MENU NAVIGATION