헬라어 문장 검색 - Διοδορ́Βιβλιοτ́2́15́

(디오도로스 시켈로스, Bibliotheca Historica, book 2, chapter 14)

μετὰ δὲ ταῦτα ἐπῆλθε τήν τε Περσίδα καὶ τὴν ἄλλην χώραν ἅπασαν ἧσ ἐπῆρχε κατὰ τὴν Ἀσίαν. πανταχοῦ δὲ τὰ μὲν ὄρη καὶ τὰσ ἀπορρῶγασ πέτρασ διακόπτουσα κατεσκεύασεν ὁδοὺσ πολυτελεῖσ, ἐν δὲ τοῖσ πεδίοισ ἐποίει χώματα, ποτὲ μὲν τάφουσ κατασκευάζουσα τοῖσ τελευτῶσι τῶν ἡγεμόνων, ποτὲ δὲ πόλεισ ἐν τοῖσ ἀναστήμασι κατοικίζουσα. εἰώθει δὲ καὶ κατὰ τὰσ στρατοπεδείασ μικρὰ χώματα κατασκευάζειν, ἐφ’ ὧν καθιστᾶσα τὴν ἰδίαν σκηνὴν ἅπασαν κατώπτευε τὴν παρεμβολήν·

διὸ καὶ πολλὰ κατὰ τὴν Ἀσίαν μέχρι τοῦ νῦν διαμένει τῶν ὑπ’ ἐκείνησ κατασκευασθέντων καὶ καλεῖται Σεμιράμιδοσ ἔργα. μετὰ δὲ ταῦτα τήν τε Αἴγυπτον πᾶσαν ἐπῆλθε καὶ τῆσ Λιβύησ τὰ πλεῖστα καταστρεψαμένη παρῆλθεν εἰσ Ἄμμωνα, χρησομένη τῷ θεῷ περὶ τῆσ ἰδίασ τελευτῆσ.

λέγεται δ’ αὐτῇ γενέσθαι λόγιον ἐξ ἀνθρώπων ἀφανισθήσεσθαι καὶ κατὰ κατὰ τὴν Ἀσίαν παρ’ ἐνίοισ τῶν ἐθνῶν ἀθανάτου τεύξεσθαι τιμῆσ· ὅπερ ἔσεσθαι καθ’ ὃν ἂν χρόνον ὁ υἱὸσ αὐτῇ Νινύασ ἐπιβουλεύσῃ. ἀπὸ δὲ τούτων γενομένη τῆσ Αἰθιοπίασ ἐπῆλθε τὰ πλεῖστα καταστρεφομένη καὶ τὰ κατὰ τὴν χώραν θεωμένη παράδοξα.

εἶναι γὰρ ἐν αὐτῇ φασι λίμνην τετράγωνον, τὴν μὲν περίμετρον ἔχουσαν ποδῶν ὡσ ἑκατὸν ἑξήκοντα, τὸ δ’ ὕδωρ τῇ μὲν χρόᾳ παραπλήσιον κινναβάρει, τὴν δ’ ὀσμὴν καθ’ ὑπερβολὴν ἡδεῖαν, οὐκ ἀνόμοιον οἴνῳ παλαιῷ· δύναμιν δ’ ἔχειν παράδοξον· τὸν γὰρ πιόντα φασὶν εἰσ μανίαν ἐμπίπτειν καὶ πάνθ’ ἃ πρότερον διέλαθεν ἁμαρτήσασ ἑαυτοῦ κατηγορεῖν. τοῖσ μὲν οὖν ταῦτα λέγουσιν οὐκ ἄν τισ ῥᾳδίωσ συγκατάθοιτο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 14

(디오도로스 시켈로스, Bibliotheca Historica, book 2, chapter 14)

상위

목록

SEARCH

MENU NAVIGATION