헬라어 문장 검색 - Διοδορ́Βιβλιοτ́2́12́

(디오도로스 시켈로스, Bibliotheca Historica, book 2, chapter 11)

ἡ δὲ Σεμίραμισ ἔκτισε καὶ ἄλλασ πόλεισ παρὰ τὸν ποταμὸν τόν τε Εὐφράτην καὶ τὸν Τίγριν, ἐν αἷσ ἐμπόρια κατεσκεύασε τοῖσ φορτία διακομίζουσιν ἐκ τῆσ Μηδίασ καὶ Παραιτακηνῆσ καὶ πάσησ τῆσ σύνεγγυσ χώρασ. μετὰ γὰρ τὸν Νεῖλον καὶ Γάγγην ὄντεσ ἐπισημότατοι σχεδὸν τῶν κατὰ τὴν Ἀσίαν ποταμῶν Εὐφράτησ καὶ Τίγρισ τὰσ μὲν πηγὰσ ἔχουσιν ἐκ τῶν Ἀρμενίων ὀρῶν, διεστήκασι δ’ ἀπ’ ἀλλήλων σταδίουσ δισχιλίουσ καὶ πεντακοσίουσ· ἐνεχθέντεσ δὲ διὰ Μηδίασ καὶ Παραιτακηνῆσ ἐμβάλλουσιν εἰσ τὴν Μεσοποταμίαν, ἣν ἀπολαμβάνοντεσ εἰσ μέσον αἴτιοι κατέστησαν τῇ χώρᾳ ταύτησ τῆσ προσηγορίασ·

μετὰ δὲ ταῦτα τὴν Βαβυλωνίαν διελθόντεσ εἰσ τὴν Ἐρυθρὰν ἐξερεύγονται θάλατταν. μεγάλοι δ’ ὄντεσ καὶ συχνὴν χώραν διαπορευόμενοι πολλὰσ ἀφορμὰσ παρέχονται τοῖσ ἐμπορικῇ χρωμένοισ ἐργασίᾳ·

διὸ καὶ συμβαίνει τοὺσ παραποταμίουσ τόπουσ πλήρεισ ὑπάρχειν ἐμπορίων εὐδαιμόνων καὶ μεγάλα συμβαλλομένων πρὸσ τὴν τῆσ Βαβυλωνίασ ἐπιφάνειαν. ἡ δὲ Σεμίραμισ ἐκ τῶν Ἀρμενίων ὀρῶν λίθον ἔτεμε τὸ μὲν μῆκοσ ποδῶν ἑκατὸν καὶ τριάκοντα, τὸ δὲ πλάτοσ καὶ πάχοσ εἴκοσι καὶ πέντε·

τοῦτον δὲ πολλοῖσ πλήθεσι ζευγῶν ὀρεικῶν τε καὶ βοεικῶν καταγαγοῦσα πρὸσ τὸν ποταμὸν ἐπεβίβασεν ἐπὶ τὴν σχεδίαν·

ἐπὶ ταύτησ δὲ παρακομίσασα κατὰ τοῦ ῥεύματοσ μέχρι τῆσ Βαβυλωνίασ ἔστησεν αὐτὸν παρὰ τὴν ἐπισημοτάτην ὁδόν, παράδοξον θέαμα τοῖσ παριοῦσιν· ὅν τινεσ ὀνομάζουσιν ἀπὸ τοῦ σχήματοσ ὀβελίσκον, ὃν ἐν τοῖσ ἑπτὰ τοῖσ κατονομαζομένοισ ἔργοισ καταριθμοῦσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 11

(디오도로스 시켈로스, Bibliotheca Historica, book 2, chapter 11)

상위

목록

SEARCH

MENU NAVIGATION