헬라어 문장 검색 - Διοδορ́Βιβλιοτ́2́10́

(디오도로스 시켈로스, Bibliotheca Historica, book 2, chapter 9)

μετὰ δὲ ταῦτα τῆσ Βαβυλωνίασ ἐκλεξαμένη τὸν ταπεινότατον τόπον ἐποίησε δεξαμενὴν τετράγωνον, ἧσ ἦν ἑκάστη πλευρὰ σταδίων τριακοσίων, ἐξ ὀπτῆσ πλίνθου καὶ ἀσφάλτου κατεσκευασμένην καὶ τὸ βάθοσ ἔχουσαν ποδῶν τριάκοντα καὶ πέντε. εἰσ ταύτην δ’ ἀποστρέψασα τὸν ποταμὸν κατεσκεύασεν ἐκ τῶν ἐπὶ τάδε βασιλείων εἰσ θάτερα διώρυχα·

ἐξ ὀπτῆσ δὲ πλίνθου συνοικοδομήσασα τὰσ καμάρασ ἐξ ἑκατέρου μέρουσ ἀσφάλτῳ κατέχρισεν ἡψημένῃ, μέχρι οὗ τὸ πάχοσ τοῦ χρίσματοσ ἐποίησε πηχῶν τεττάρων. τῆσ δὲ διώρυχοσ ὑπῆρχον οἱ μὲν τοῖχοι τὸ πλάτοσ ἐπὶ πλίνθουσ εἴκοσι, τὸ δ’ ὕψοσ χωρὶσ τῆσ καμφθείσησ ψαλίδοσ ποδῶν δώδεκα, τὸ δὲ πλάτοσ ποδῶν πεντεκαίδεκα. ἐν ἡμέραισ δ’ ἑπτὰ κατασκευασθείσησ αὐτῆσ ἀποκατέστησε τὸν ποταμὸν ἐπὶ τὴν προϋπάρχουσαν ῥύσιν, ὥστε τοῦ ῥεύματοσ ἐπάνω τῆσ διώρυχοσ φερομένου δύνασθαι τὴν Σεμίραμιν ἐκ τῶν πέραν βασιλείων ἐπὶ θάτερα διαπορεύεσθαι μὴ διαβαίνουσαν τὸν ποταμόν.

ἐπέστησε δὲ καὶ πύλασ τῇ διώρυχι χαλκᾶσ ἐφ’ ἑκάτερον μέροσ, αἳ διέμειναν μέχρι τῆσ Περσῶν βασιλείασ. μετὰ δὲ ταῦτα ἐν μέσῃ τῇ πόλει κατεσκεύασεν ἱερὸν Διόσ, %5ὃν καλοῦσιν οἱ Βαβυλώνιοι, καθάπερ εἰρήκαμεν, Βῆλον.

περὶ τούτου δὲ τῶν συγγραφέων διαφωνούντων, καὶ τοῦ κατασκευάσματοσ διὰ τὸν χρόνον καταπεπτωκότοσ, οὐκ ἔστιν ἀποφήνασθαι τἀκριβέσ. ὁμολογεῖται δ’ ὑψηλὸν γεγενῆσθαι καθ’ ὑπερβολήν, καὶ τοὺσ Χαλδαίουσ ἐν αὐτῷ τὰσ τῶν ἄστρων πεποιῆσθαι παρατηρήσεισ, ἀκριβῶσ θεωρουμένων τῶν τ’ ἀνατολῶν καὶ δύσεων διὰ τὸ τοῦ κατασκευάσματοσ ὕψοσ. τῆσ δ’ ὅλησ οἰκοδομίασ ἐξ ἀσφάλτου %5καὶ πλίνθου πεφιλοτεχνημένησ πολυτελῶσ, ἐπ’ ἄκρασ τῆσ ἀναβάσεωσ τρία κατεσκεύασεν ἀγάλματα χρυσᾶ σφυρήλατα, Διόσ, Ἥρασ, Ῥέασ.

τούτων δὲ τὸ μὲν τοῦ Διὸσ ἑστηκὸσ ἦν καὶ διαβεβηκόσ, ὑπάρχον δὲ ποδῶν τετταράκοντα τὸ μῆκοσ σταθμὸν εἶχε χιλίων ταλάντων Βαβυλωνίων· τὸ δὲ τῆσ Ῥέασ ἐπὶ δίφρου καθήμενον χρυσοῦ τὸν ἴσον σταθμὸν εἶχε τῷ προειρημένῳ· ἐπὶ δὲ τῶν γονάτων αὐτῆσ εἱστήκεσαν λέοντεσ δύο, καὶ πλησίον ὄφεισ ὑπερμεγέθεισ ἀργυροῖ, τριάκοντα ταλάντων ἕκαστοσ ἔχων τὸ βάροσ. τὸ δὲ τῆσ Ἥρασ ἑστηκὸσ ἦν ἄγαλμα, σταθμὸν ἔχον ταλάντων ὀκτακοσίων, καὶ τῇ μὲν δεξιᾷ χειρὶ κατεῖχε τῆσ κεφαλῆσ ὄφιν, τῇ δ’ ἀριστερᾷ σκῆπτρον λιθοκόλλητον.

τούτοισ δὲ πᾶσι κοινὴ παρέκειτο τράπεζα χρυσῆ σφυρήλατοσ, τὸ μὲν μῆκοσ ποδῶν τετταράκοντα, τὸ δ’ εὖροσ πεντεκαίδεκα, σταθμὸν ἔχουσα ταλάντων πεντακοσίων.

ἐπὶ δὲ ταύτησ ἐπέκειντο δύο καρχήσια, σταθμὸν ἔχοντα τριάκοντα ταλάντων. ἦσαν δὲ καὶ θυμιατήρια τὸν μὲν ἀριθμὸν ἴσα, τὸν δὲ σταθμὸν ἑκάτερον ταλάντων τριακοσίων·

ὑπῆρχον δὲ καὶ κρατῆρεσ χρυσοῖ τρεῖσ, ὧν ὁ μὲν τοῦ Διὸσ εἷλκε τάλαντα Βαβυλώνια χίλια καὶ διακόσια, τῶν δ’ ἄλλων ἑκάτεροσ ἑξακόσια. ἀλλὰ ταῦτα μὲν οἱ τῶν Περσῶν βασιλεῖσ ὕστερον ἐσύλησαν·

τῶν δὲ βασιλείων καὶ τῶν ἄλλων κατασκευασμάτων ὁ χρόνοσ τὰ μὲν ὁλοσχερῶσ ἠφάνισε, τὰ δ’ ἐλυμήνατο· καὶ γὰρ αὐτῆσ τῆσ Βαβυλῶνοσ νῦν βραχύ τι μέροσ οἰκεῖται, τὸ δὲ πλεῖστον ἐντὸσ τείχουσ γεωργεῖται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 9

(디오도로스 시켈로스, Bibliotheca Historica, book 2, chapter 9)

상위

목록

SEARCH

MENU NAVIGATION