헬라어 문장 검색 - Διοδορ́Βιβλιοτ́2́06́

(디오도로스 시켈로스, Bibliotheca Historica, book 2, chapter 5)

τὰ μὲν οὖν κατὰ τὴν γένεσιν τῆσ Σεμιράμιδοσ μυθολογούμενα σχεδὸν ταῦτ’ ἔστιν. ἤδη δ’ αὐτῆσ ἡλικίαν ἐχούσησ γάμου καὶ τῷ κάλλει πολὺ τὰσ ἄλλασ παρθένουσ διαφερούσησ, ἀπεστάλη παρὰ βασιλέωσ ὕπαρχοσ ἐπισκεψόμενοσ τὰ βασιλικὰ κτήνη· οὗτοσ δ’ ἐκαλεῖτο μὲν Ὄννησ, πρῶτοσ δ’ ἦν τῶν ἐκ τοῦ βασιλικοῦ συνεδρίου καὶ τῆσ Συρίασ ἁπάσησ ἀποδεδειγμένοσ ὕπαρχοσ. ὃσ καταλύσασ παρὰ τῷ Σίμμᾳ καὶ θεωρήσασ τὴν Σεμίραμιν ἐθηρεύθη τῷ κάλλει· διὸ καὶ τοῦ Σίμμα καταδεηθεὶσ αὑτῷ δοῦναι τὴν παρθένον εἰσ γάμον ἔννομον, ἀπήγαγεν αὐτὴν εἰσ Νίνον, καὶ γήμασ ἐγέννησε δύο παῖδασ, Υἁπάτην καὶ Ὑδάσπην. τῆσ δὲ Σεμιράμιδοσ ἐχούσησ καὶ τἄλλα ἀκόλουθα τῇ περὶ τὴν ὄψιν εὐπρεπείᾳ, συνέβαινε τὸν ἄνδρα τελέωσ ὑπ’ αὐτῆσ δεδουλῶσθαι, καὶ μηδὲν ἄνευ τῆσ ἐκείνησ γνώμησ πράττοντα κατευστοχεῖν ἐν πᾶσι.

καθ’ ὃν δὴ χρόνον ὁ βασιλεύσ, ἐπειδὴ τὰ περὶ τὴν κτίσιν τῆσ ὁμωνύμου πόλεωσ συνετέλεσε, στρατεύειν ἐπὶ Βακτριανοὺσ ἐπεχείρησεν.

εἰδὼσ δὲ τά τε πλήθη καὶ τὴν ἀλκὴν τῶν ἀνδρῶν, ἔτι δὲ τὴν χώραν ἔχουσαν πολλοὺσ τόπουσ ἀπροσίτουσ διὰ τὴν ὀχυρότητα, κατέλεξεν ἐξ ἁπάντων τῶν ὑπ’ αὐτὸν ἐθνῶν στρατιωτῶν πλῆθοσ· ἐπεὶ γὰρ τῆσ πρότερον στρατείασ ἀποτετευχὼσ ἦν, ἔσπευδε πολλαπλασίονι παραγενέσθαι δυνάμει πρὸσ τὴν Βακτριανήν. συναχθείσησ δὲ τῆσ στρατιᾶσ πανταχόθεν ἠριθμήθησαν, ὡσ Κτησίασ ἐν ταῖσ ἱστορίαισ ἀναγέγραφε, πεζῶν μὲν ἑκατὸν ἑβδομήκοντα μυριάδεσ, ἱππέων δὲ μιᾷ πλείουσ τῶν εἴκοσι μυριάδων, ἁρ́ματα δὲ δρεπανηφόρα μικρὸν ἀπολείποντα τῶν μυρίων ἑξακοσίων.

ἔστι μὲν οὖν ἄπιστον τοῖσ αὐτόθεν ἀκούσασι τὸ πλῆθοσ τῆσ στρατιᾶσ, οὐ μὴν ἀδύνατόν γε φανήσεται τοῖσ ἀναθεωροῦσι τὸ τῆσ Ἀσίασ μέγεθοσ καὶ τὰ πλήθη τῶν κατοικούντων αὐτὴν ἐθνῶν.

εἰ γάρ τισ ἀφεὶσ τὴν ἐπὶ Σκύθασ Δαρείου στρατείαν μετὰ ὀγδοήκοντα μυριάδων καὶ τὴν Ξέρξου διάβασιν ἐπὶ τὴν Ἑλλάδα τοῖσ ἀναριθμήτοισ πλήθεσι, τὰσ ἐχθὲσ καὶ πρῴην συντελεσθείσασ πράξεισ ἐπὶ τῆσ Εὐρώπησ σκέψαιτο, τάχιον ἂν πιστὸν ἡγήσαιτο τὸ ῥηθέν. κατὰ μὲν οὖν τὴν Σικελίαν ὁ Διονύσιοσ ἐκ μιᾶσ τῆσ τῶν Συρακοσίων πόλεωσ ἐξήγαγεν ἐπὶ τὰσ στρατείασ πεζῶν μὲν δώδεκα μυριάδασ, ἱππεῖσ δὲ μυρίουσ καὶ δισχιλίουσ, ναῦσ δὲ μακρὰσ ἐξ ἑνὸσ λιμένοσ τετρακοσίασ, ὧν ἦσαν ἔνιαι τετρήρεισ καὶ πεντήρεισ·

Ῥωμαῖοι δὲ μικρὸν πρὸ τῶν Ἀννιβαϊκῶν καιρῶν, προορώμενοι τὸ μέγεθοσ τοῦ πολέμου, κατέγραψαν τοὺσ κατὰ τὴν Ἰταλίαν ἐπιτηδείουσ εἰσ στρατείαν πολίτασ τε καὶ συμμάχουσ, ὧν ὁ σύμπασ ἀριθμὸσ μικρὸν ἀπέλιπε τῶν ἑκατὸν μυριάδων·

καίτοι γ’ ἕνεκα πλήθουσ ἀνθρώπων τὴν Ἰταλίαν ὅλην οὐκ ἄν τισ συγκρίνειε πρὸσ ἓν ἔθνοσ τῶν κατὰ τὴν Ἀσίαν. ταῦτα μὲν οὖν ἡμῖν εἰρήσθω πρὸσ τοὺσ ἐκ τῆσ νῦν περὶ τὰσ πόλεισ οὔσησ ἐρημίασ τεκμαιρομένουσ τὴν παλαιὰν τῶν ἐθνῶν πολυανθρωπίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 5

(디오도로스 시켈로스, Bibliotheca Historica, book 2, chapter 5)

상위

목록

SEARCH

MENU NAVIGATION