헬라어 문장 검색 - Διοδορ́Βιβλιοτ́2́02́

(디오도로스 시켈로스, Bibliotheca Historica, book 2, chapter 1)

ἡ μὲν πρὸ ταύτησ βίβλοσ τῆσ ὅλησ συντάξεωσ οὖσα πρώτη περιέχει τὰσ κατ’ Αἴγυπτον πράξεισ· ἐν αἷσ ὑπάρχει τά τε περὶ τῶν θεῶν παρ’ Αἰγυπτίοισ μυθολογούμενα καὶ περὶ τῆσ τοῦ Νείλου φύσεωσ καὶ τἄλλα τὰ περὶ τοῦ ποταμοῦ τούτου παραδοξολογούμενα, πρὸσ δὲ τούτοισ περί τε τῆσ κατ’ Αἴγυπτον χώρασ καὶ τῶν ἀρχαίων βασιλέων τὰ ὑφ’ ἑκάστου πραχθέντα. ἑξῆσ δὲ κατετάχθησαν αἱ κατασκευαὶ τῶν πυραμίδων τῶν ἀναγραφομένων ἐν τοῖσ ἑπτὰ θαυμαζομένοισ ἔργοισ. ἔπειτα διήλθομεν περὶ τῶν νόμων καὶ τῶν δικαστηρίων, ἔτι δὲ τῶν ἀφιερωμένων ζῴων παρ’ Αἰγυπτίοισ τὰ θαυμαζόμενα, πρὸσ δὲ τούτοισ τὰ περὶ τῶν τετελευτηκότων νόμιμα, καὶ τῶν Ἑλλήνων ὅσοι τῶν ἐπὶ παιδείᾳ θαυμαζομένων παραβαλόντεσ εἰσ Αἴγυπτον καὶ πολλὰ τῶν χρησίμων μαθόντεσ μετήνεγκαν εἰσ τὴν Ἑλλάδα.

ἐν ταύτῃ δ’ ἀναγράψομεν τὰσ κατὰ τὴν Ἀσίαν γενομένασ πράξεισ ἐν τοῖσ ἀρχαίοισ χρόνοισ, τὴν ἀρχὴν ἀπὸ τῆσ τῶν Ἀσσυρίων ἡγεμονίασ ποιησάμενοι.

τὸ παλαιὸν τοίνυν κατὰ τὴν Ἀσίαν ὑπῆρχον ἐγχώριοι βασιλεῖσ, ὧν οὔτε πρᾶξισ ἐπίσημοσ οὔτε ὄνομα μνημονεύεται.

πρῶτοσ δὲ τῶν εἰσ ἱστορίαν καὶ μνήμην παραδεδομένων ἡμῖν Νίνοσ ὁ βασιλεὺσ τῶν Ἀσσυρίων μεγάλασ πράξεισ ἐπετελέσατο· περὶ οὗ τὰ κατὰ μέροσ ἀναγράφειν πειρασόμεθα. γενόμενοσ γὰρ φύσει πολεμικὸσ καὶ ζηλωτὴσ τῆσ ἀρετῆσ καθώπλισε τῶν νέων τοὺσ κρατίστουσ· γυμνάσασ δ’ αὐτοὺσ πλείονα χρόνον συνήθεισ ἐποίησε πάσῃ κακοπαθείᾳ καὶ πολεμικοῖσ κινδύνοισ. συστησάμενοσ οὖν στρατόπεδον ἀξιόλογον συμμαχίαν ἐποιήσατο πρὸσ Ἀριαῖον τὸν βασιλέα τῆσ Ἀραβίασ, ἣ κατ’ ἐκείνουσ τοὺσ χρόνουσ ἐδόκει πλήθειν ἀλκίμων ἀνδρῶν.

ἔστι δὲ καὶ καθόλου τοῦτο τὸ ἔθνοσ φιλελεύθερον καὶ κατ’ οὐδένα τρόπον προσδεχόμενον ἔπηλυν ἡγεμόνα· διόπερ οὔθ’ οἱ τῶν Περσῶν βασιλεῖσ ὕστερον οὔθ’ οἱ τῶν Μακεδόνων, καίπερ πλεῖστον ἰσχύσαντεσ, ἠδυνήθησαν τοῦτο τὸ ἔθνοσ καταδουλώσασθαι. καθόλου γὰρ ἡ Ἀραβία δυσπολέμητόσ ἐστι ξενικαῖσ δυνάμεσι διὰ τὸ τὴν μὲν ἔρημον αὐτῆσ εἶναι, τὴν δὲ ἄνυδρον καὶ διειλημμένην φρέασι κεκρυμμένοισ καὶ μόνοισ τοῖσ ἐγχωρίοισ γνωριζομένοισ.

ὁ δ’ οὖν τῶν Ἀσσυρίων βασιλεὺσ Νίνοσ τὸν δυναστεύοντα τῶν Ἀράβων παραλαβὼν ἐστράτευσε μετὰ πολλῆσ δυνάμεωσ ἐπὶ Βαβυλωνίουσ κατοικοῦντασ ὅμορον χώραν·

κατ’ ἐκείνουσ δὲ τοὺσ χρόνουσ ἡ μὲν νῦν οὖσα Βαβυλὼν οὐκ ἦν ἐκτισμένη, κατὰ δὲ τὴν Βαβυλωνίαν ὑπῆρχον ἄλλαι πόλεισ ἀξιόλογοι· ῥᾳδίωσ δὲ χειρωσάμενοσ τοὺσ ἐγχωρίουσ διὰ τὸ τῶν ἐν τοῖσ πολέμοισ κινδύνων ἀπείρωσ ἔχειν, τούτοισ μὲν ἔταξε τελεῖν κατ’ ἐνιαυτὸν ὡρισμένουσ φόρουσ, τὸν δὲ βασιλέα τῶν καταπολεμηθέντων λαβὼν μετὰ τῶν τέκνων αἰχμάλωτον ἀπέκτεινε. μετὰ δὲ ταῦτα πολλοῖσ πλήθεσιν εἰσ τὴν Ἀρμενίαν ἐμβαλὼν καί τινασ τῶν πόλεων ἀναστάτουσ ποιήσασ κατεπλήξατο τοὺσ ἐγχωρίουσ·

διόπερ ὁ βασιλεὺσ αὐτῶν Βαρζάνησ, ὁρῶν αὑτὸν οὐκ ἀξιόμαχον ὄντα, μετὰ πολλῶν δώρων ἀπήντησε καὶ πᾶν ἔφησε ποιήσειν τὸ προσταττόμενον. ὁ δὲ Νίνοσ μεγαλοψύχωσ αὐτῷ χρησάμενοσ τῆσ τε Ἀρμενίασ συνεχώρησεν ἄρχειν καὶ φίλον ὄντα πέμπειν στρατιὰν καὶ τὴν χορηγίαν τῷ σφετέρῳ στρατοπέδῳ.

ἀεὶ δὲ μᾶλλον αὐξόμενοσ ἐστράτευσεν εἰσ τὴν Μηδίαν. ὁ δὲ ταύτησ βασιλεὺσ Φάρνοσ παραταξάμενοσ ἀξιολόγῳ δυνάμει καὶ λειφθείσ, τῶν τε στρατιωτῶν τοὺσ πλείουσ ἀπέβαλε καὶ αὐτὸσ μετὰ τέκνων ἑπτὰ καὶ γυναικὸσ αἰχμάλωτοσ ληφθεὶσ ἀνεσταυρώθη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 1

(디오도로스 시켈로스, Bibliotheca Historica, book 2, chapter 1)

상위

목록

SEARCH

MENU NAVIGATION