헬라어 문장 검색 - ΑτηενάΤηεΔειπ

(아테나이오스, The Deipnosophists, Book 3, book 3, chapter 46)

Ἰσίδωροσ δ’ ὁ Χαρακηνὸσ ἐν τῷ τῆσ Παρθίασ Περιηγητικῷ κατὰ τὸ Περσικὸν πέλαγοσ νῆσόν φησιν εἶναί τινα, ἔνθα πλείστην μαργαρῖτιν εὑρίσκεσθαι. διόπερ σχεδίασ καλαμίνασ πέριξ εἶναι τῆσ νήσου, ἐξ ὧν καθαλλομένουσ εἰσ τὴν θάλασσαν ἐπ’ ὀργυιὰσ εἴκοσιν ἀναφέρειν διπλοῦσ κόγχουσ. φασὶ δ’ ὅταν βρονταὶ συνεχεῖσ ὦσι καὶ ὄμβρων ἐκχύσεισ, τότε μᾶλλον τὴν πίνναν κύειν, καὶ πλείστην γίγνεσθαι μαργαρῖτιν καὶ εὐμεγέθη, τοῦ δὲ χειμῶνοσ εἰσ τὰσ ἐμβυθίουσ θαλάμασ δύνειν εἰώθασιν αἱ πίνναι· θέρουσ δὲ τὰσ μὲν νύκτασ κεχήνασι διανηχόμεναι, ἡμέρασ δὲ μύουσιν.

ὅσαι δὲ ἂν πέτραισ ἢ σπιλάσι προσφυῶσι, ῥιζοβολοῦσι κἀνταῦθα μένουσαι τὴν μαργαρῖτιν γεννῶσι. ζῳογονοῦνται δὲ καὶ τρέφονται διὰ τοῦ προσπεφυκότοσ τῇ σαρκὶ μέρουσ, τοῦτο δὲ συμπέφυκε τῷ τοῦ κόγχου στόματι χηλὰσ ἔχον καὶ νομὴν εἰσφέρον. ὃ δή ἐστιν ἐοικὸσ καρκίνῳ μικρῷ καλούμενον πινοφύλαξ. διήκει δ’ ἐκ τούτου ἡ σὰρξ μέχρι μέσου τοῦ κόγχου οἱονεὶ ῥίζα, παρ’ ἣν ἡ μαργαρῖτισ γεννωμένη αὔξεται διὰ τοῦ στερεοῦ τῆσ κόγχησ καὶ τρέφεται ὅσον ἂν ᾖ προσπεφυκυῖα χρόνον. ἐπειδὰν δὲ παρὰ τὴν ἔκφυσιν ὑποδυομένη ἡ σὰρξ καὶ μαλακῶσ ἐντέμνουσα χωρίσῃ τὴν μαργαρῖτιν ἀπὸ τοῦ κόγχου, ἀμπέχουσα μὲν οὐκέτι τρέφει, λειοτέραν δ’ αὐτὴν καὶ διαυγεστέραν ποιεῖ καὶ καθαρωτέραν.

ἡ μὲν οὖν ἐμβύθιοσ πίννα διαυγεστάτην καὶ καθαρωτάτην καὶ μεγάλην γεννᾷ μαργαρῖτιν, ἡ δὲ ἐπιπολάζουσα καὶ ἀνωφερὴσ διὰ τὸ ὑπὸ τοῦ ἡλίου ἀκτινοβολεῖσθαι δύσχρουσ καὶ ἥσσων· κινδυνεύουσι δ’ οἱ θηρῶντεσ τοὺσ μαργαρίτασ, ὅταν εἰσ κεχηνότα κόγχον κατ’ εὐθὺ ἐκτείνωσι τὴν χεῖρα· μύει γὰρ τότε, καὶ πολλάκισ οἱ δάκτυλοι αὐτῶν ἀποπρίονται ἔνιοι δὲ καὶ παραχρῆμα ἀποθνῄσκουσιν.

ὅσοι δ’ ἂν ἐκ πλαγίου ὑποθέντεσ τὴν χεῖρα τύχωσι, ῥᾳδίωσ τοὺσ κόγχουσ ἀπὸ τοῦ λίθου ἀποσπῶσιν. Μαράγδων δὲ μνημονεύει Μένανδροσ ἐν Παιδίῳ· μάραγδον εἶναι ταῦτ’ ἔδει καὶ σάρδια. ἄνευ δὲ τοῦ σ λεκτέον παρὰ γὰρ τὸ μαρμαίρειν ὠνόμασται τῷ διαυγὴσ ὑπάρχειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Athenaeus, The Deipnosophists, Book 3, book 3, chapter 46

(아테나이오스, The Deipnosophists, Book 3, book 3, chapter 46)

상위

목록

SEARCH

MENU NAVIGATION