Ancient Greek Text

Athenaeus, The Deipnosophists, Book 3, book 3, chapter 44

(아테나이오스, The Deipnosophists, Book 3, book 3, chapter 44)

Νίκανδροσ δ’ ὁ Κολοφώνιοσ ἐν Γεωργικοῖσ τάδε τῶν ὀστρέων καταλέγει· ἠὲ καὶ ὄστρεα τόσσα βυθοὺσ ἅτε βόσκεται ἅλμησ, νηρῖται στρόμβοι τε πελωριάδεσ τε μύεσ τε, γλίσχρ’ Ἁλοσύδνησ τέκνα καὶ αὐτῆσ φωλεὰ πίνησ. καὶ Ἀρχέστρατοσ δ’ ἐν Γαστρονομίᾳ φησί τοὺσ μῦσ Αἶνοσ ἔχει μεγάλουσ, ὄστρεια δ’ Ἄβυδοσ, τὰσ ἄρκτουσ Πάριον, τοὺσ δὲ κτένασ ἡ Μιτυλήνη· πλείστουσ δὲ ’ Ἀμβρακία παρέχει καὶ ἄπλατα μετ’ αὐτῶν Μεσσήνῃ δὲ πελωριάδασ στενοπορθμίδι κόγχασ κἀν Ἐφέσῳ λήψει τὰσ λείασ οὔ τι πονηράσ. τήθεα Καλχηδών, τοὺσ κήρυκασ δ’ ἐπιτρίψαι ὁ Ζεύσ, τούσ τε θαλασσογενεῖσ καὶ τοὺσ ἀγοραίουσ, πλὴν ἑνὸσ ἀνθρώπου·

κεῖνοσ δὲ μοί ἐστιν ἑταῖροσ Λέσβον ἐριστάφυλον ναίων, Ἀγάθων δὲ καλεῖται. καὶ Φιλύλλιοσ δὲ ἢ ὅστισ ἐστὶν ὁ ποιήσασ τὰσ Πόλεισ φησί· χήμασ, λεπάδασ, σωλῆνασ, μῦσ, πίννασ, κτένασ ἐκ Μηθύμνησ. Ὄστρεια δὲ μόνωσ οὕτωσ ἔλεγον οἱ ἀρχαῖοι. Κρατῖνοσ Ἀρχιλόχοισ· πίννῃσι καὶ ὀστρείοισιν ὁμοίη.

καὶ Ἐπίχαρμοσ ἐν Ἥβασ γάμῳ· ὄστρεια συμπεφυκότα. ὄστρεον δὲ ὡσ ὄρνεον Πλάτων ἐν Φαίδρῳ· καὶ ἐν Τιμαίῳ· ἐν δὲ τῷ τῆσ Πολιτείασ δεκάτῳ ὄστρεια εἶπε· "προσπεφυκέναι ὄστρειά τε καὶ φυκία. Αἱ δὲ πελωρίδεσ ὠνομάσθησαν παρὰ τὸ πελώριον. μεῖζον γάρ ἐστι χήμησ καὶ παρηλλαγμένον. Ἀριστοτέλησ δέ φησι καὶ ἐν ἄμμῳ αὐτὰσ γίνεσθαι.