Ancient Greek Text

Athenaeus, The Deipnosophists, Book 3, book 3, chapter 5

(아테나이오스, The Deipnosophists, Book 3, book 3, chapter 5)

Θεόφραστοσ δέ φησι σικυῶν τρία εἶναι γένη, Λακωνικόν, Σκυταλίαν, Βοιώτιον. καὶ τούτων τὸν μὲν Λακωνικὸν ὑδρευόμενον βελτίω γίνεσθαι, τοὺσ δ’ ἄλλουσ ἀνύδρουσ. "γίνονται δέ, φησί, καὶ εὐχυλότεροι οἱ σικυοί, ἐὰν τὸ σπέρμα ἐν γάλακτι βραχὲν σπαρῇ ἢ ἐν μελικράτῳ. ἱστορεῖ δὲ ταῦτα ἐν φυτικοῖσ αἰτίοισ· θᾶττον αὔξεσθαι, κἂν ἐν ὕδατι κἂν ἐν γάλακτι πρότερον ἢ εἰσ τὴν γῆν κατατεθῆναι βραχῇ. Εὐθύδημοσ δ’ ἐν τῷ περὶ λαχάνων εἶδοσ σικυῶν εἶναι τοὺσ προσαγορευομένουσ δρακοντίασ. ὠνομάσθαι δὲ σικυούσ φησι Δημήτριοσ ὁ Ἰξίων ἐν πρώτῃ Ἐτυμολογουμένων ἀπὸ τοῦ σεύεσθαι καὶ κίειν ὁρμητικὸν γὰρ ὑπάρχειν. Ἡρακλείδησ δ’ ὁ Ταραντῖνοσ ἐν τῷ Συμποσίῳ ἡδύγαιον καλεῖ τὸν σικυόν. Διοκλῆσ δ’ ὁ Καρύστιοσ τὸν σικυόν φησι μετὰ σίων ἐν πρώτοισ λαμβανόμενον ἐνοχλεῖν φέρεσθαι γὰρ ἄνω καθάπερ τὴν ῥάφανον τελευταῖον δὲ λαμβανόμενον ἀλυπότερον εἶναι καὶ εὐπεπτότερον ἑφθὸν δὲ καὶ διουρητικὸν μετρίωσ ὑπάρχειν. "ὁ σικυὸσ ψυκτικὸσ ὑπάρχων δυσοικονόμητόσ ἐστι καὶ δυσυποβίβαστοσ, ἔτι δὲ φρικοποιὸσ καὶ γεννητικὸσ χολῆσ ἀφροδισίων τε ἐφεκτικόσ.