Ancient Greek Text

Athenaeus, The Deipnosophists, Book 14, book 14, chapter 69

(아테나이오스, The Deipnosophists, Book 14, book 14, chapter 69)

ἐπεὶ δὲ πολλάκισ ὑμῖν εἴρηται περί τε κρεῶν καὶ ὀρνίθων καὶ περιστεριδίων,4 ἔρχομαι κἀγὼ λέξων ὅσα ἐκ πολυαναγνωσίασ εὑρεῖν ἠδυνήθην παρὰ τὰ προειρημένα. περιστέριον οὕτωσ ἔστιν εὑρεῖν εἰρημένον παρὰ Μενάνδρῳ ἐν Παλλακῇ· Φασιανικόσ. ὁ λέγων, ὁμοίωσ Νικόστρατοσ Ἅβρᾳ· · ταῦτ’ ἀξιῶ· τοὐρνιθάριον,1 τὸ περιστέριον, τὸ γάστριον· Ἀναξανδρίδησ ἐν Ἀντέρωτι· περιστέρια γὰρ εἰσάγων καὶ στρουθία. Φρύνιχοσ Τραγῳδοῖσ · περιστέριον δ’ αὐτῷ τι λαβὲ τριωβόλου. "τά τε τῶν φασιανῶν, οὓσ τετάρουσ ὀνομάζουσιν οὓσ οὐ μόνον ἐκ Μηδίασ μετεπέμπετο,4 ἀλλὰ καὶ νομάδασ ὄρνιθασ ὑποβαλὼν ἐποίησε πλῆθοσ, ὥστε καὶ σιτεῖσθαι·

"τὸ γὰρ βρῶμα πολυτελὲσ ἀποφαίνουσιν. αὕτη ἡ τοῦ λαμπροτάτου βασιλέωσ φωνή, ὃσ οὐδὲ φασιανικοῦ ὄρνιθόσ ποτε γεύσασθαι ὡμολόγησεν, ἀλλ’ ὥσπερ τι κειμήλιον ἀνακείμενον εἶχε τούσδε τοὺσ ὄρνιθασ, εἰ δὲ ἑωράκει ὡσ ἡμῶν ἑκάστῳ εἷσ ἐστι παρακείμενοσ χωρὶσ τῶν ἤδη κατανηλωμένων, προσαναπεπληρώκει ἂν ταῖσ πολυθρυλήτοισ ἱστορίαισ τῶν Ὑπομνημάτων τούτων τῶν εἰκοσιτεσσάρων καὶ ἄλλην μίαν. Ἀριστοτέλησ δὲ ἢ Θεόφραστοσ ἐν τοῖσ Ὑπομνήμασι·

"τῶν φασιανῶν, φησίν, οὐ κατὰ λόγον ἡ ὑπεροχὴ τῶν ἀρρένων, ἀλλὰ πολλῷ μείζων.