헬라어 문장 검색 - ΑτηενάΤηεΔειπ

(아테나이오스, The Deipnosophists, Book 14, book 14, chapter 57)

Χρύσιπποσ δὲ ὁ Τυανεὺσ ἐν τῷ ἐπιγραφομένῳ Ἀρτοκοπικῷ εἴδη πλακούντων καὶ γένη τάδε ἀναγράφει· "Τερεντῖνον, Κρασσιανόν, Τουτιανόν, Σαβελλικὸν κλοῦστρον, Ιοὐλιανόν, Ἀπικιανόν, Κανωπικά, περλούκιδον, Καππαδοκικόν, ἡδύβια, μαρυπτόν, πλίκιον, γουττᾶτον, Μοντιανὸν· "τοῦτον, φησί, μάξεισ ἐξ οἴνου σκληρόν· "εἰ δέ σοι τυρίον παρέσται, ἥμισυ μάξεισ ἐξ οἴνου καὶ ἥμισυ ἐκ τυροῦ· "ἡδονικώτερον γὰρ γίνεται. "κλοῦστρον Κυριανόν, κλοῦστρον γουττᾶτον, κλοῦστρον Φαβωνιανόν. μουστάκια ἐξ οἰνομέλιτοσ, μουστάκια σησαμᾶτα, κλοῦστρον πούριον, γωσλωανιον, Παυλινιανόν. ἐκ τυροῦ δέ, φησί, γίνεται πλακουντηρὰ τάδε· "ἔγχυτοσ, σκριβλίτησ, σουβίτυλλοσ. "γίνεται δὲ καὶ ἐξ ἄλικοσ σουβίτυλλοσ. "σπῖρα· "καὶ οὗτοσ ἐκ τυροῦ γίνεται· "λούκουντλοι, ἀργυροτρύφημα, λίβοσ, κίρκλοσ λιξόλασ, κλουστροπλακοῦσ. γίνεται δέ, φησί, καὶ ὀρυζίτησ πλακοῦσ. ὁ δὲ φθοῖσ οὕτω γίγνεται· "τυρὸν ἐκπιέσασ τρῖβε καὶ ἐμβαλὼν ἐσ κόσκινον χάλκεον διήθει, εἶτ’ ἐπίβαλε μέλι καὶ σελίγνεωσ ἡμίναν καὶ συμμάλαξον εἰσ ἕν. κάτιλλοσ δὲ ὀρνᾶτοσ ὁ λεγόμενοσ παρὰ Ῥωμαίοισ οὕτωσ γίγνεται· "θρίδακασ πλύνασ ξέσον καὶ ἐμβαλὼν οἶνον εἰσ θυίαν τρῖβε τὰσ θρίδακασ, εἶτα τὸν χυλὸν ἐκπιέσασ σελίγνιον συμφύρασον αὐτῷ καὶ συμπεσεῖν ἐάσασ μετ’ ὀλίγον τρῖψον εὐτόνωσ, προσβαλὼν ὀλίγον στέατοσ χοιρείου καὶ πέπερι, καὶ πάλιν τρίψασ ἕλκυσον λάγανον καὶ λειάνασ ἐκτεμὼν κατάτεμνε καὶ ἕψε εἰσ ἔλαιον θερμότατον εἰσ ἠθμὸν βαλὼν τὰ κατακεκομμένα. "ἄλλα πλακούντων γένη· "ὀστρακίτησ, ἀττανῖται, ἄμυλον, τυροκόσκινον. "τυρὸν ἐκπίεσασ καλῶσ θὲσ εἰσ ἄγγοσ, εἶτ’ ἄνω κόσκινον χαλκοῦν ἐπιθεὶσ δίαγε τὸν τυρόν. ὅταν δὲ μέλλῃσ προσφέρειν, βάλε μέλιτοσ αὔταρκεσ ἐπάνω. "ὑποτυρίδεσ δὲ οὕτωσ γίνονται· "εἰσ γάλα βαλὼν μέλι ἐκπίεσον καὶ βάλε εἰσ σκεῦοσ καὶ ἐά παγῆναι. "ἐὰν δέ σοι παρῇ κοσκίνια μικρά, ἐπίβαλε εἰσ αὐτὰ τὸ σκεῦοσ, καὶ ἐά ἐκρεῖν τὸν ὀρόν. καὶ ὅταν σοὶ δόξῃ πεπηγέναι, ἄρασ τὸ σκεῦοσ μετάβαλε εἰσ ἀργύρωμα, καὶ ἔσται ἡ ὄψισ ἄνωθεν, ἐὰν δὲ μὴ ᾖ κοσκίνια, φλαβιλλίοισ καινοῖσ χρῶ, ἐν οἷσ τὸ πῦρ ῥιπίζεται· "τὴν γὰρ αὐτὴν ποιεῖ χρείαν. "κοπτοπλακοῦσ. ἐν Κρήτῃ δέ, φησίν, πλακουντάριον ποιοῦσιν ὅπερ ὀνομάζουσι γάστριν. "γίνεται δὲ οὕτωσ · "κάρυα Θάσια καὶ Ποντικὰ καὶ ἀμύγδαλα, ἔτι δὲ μήκων, ἃ φρύξασ θεράπευσον καλῶσ καὶ εἰσ θυίαν καθαρὰν τρῖψον ἐπιμελῶσ· "συμμίξασ τε τὴν ὀπώραν μάλαξον μέλιτι ἡψημένῳ, προσβαλὼν πέπερι πλέον καὶ μάλαξον γίνεται δὲ μέλαν διὰ τὴν μήκωνα. "διαπλατύνασ ποίησον τετράγωνον. "εἶτα σήσαμον λευκὸν τρίψασ μάλαξον μέλιτι ἡψημένῳ καὶ ἕλκυσον λαγάνια δύο καὶ ἓν θὲσ ὑποκάτω καὶ τὸ ἄλλο ἐπάνω, ἵνα τὸ μέλαν εἰσ μέσον γένηται, εὖ ῥύθμισόν τε αὐτό.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 14, book 14, chapter 57

(아테나이오스, The Deipnosophists, Book 14, book 14, chapter 57)

상위

목록

SEARCH

MENU NAVIGATION