Ancient Greek Text

Athenaeus, The Deipnosophists, Book 14, book 14, chapter 47

(아테나이오스, The Deipnosophists, Book 14, book 14, chapter 47)

Τρύφων δέ φησι τὸ παλαιὸν πρὶν εἰσελθεῖν τοὺσ δαιτυμόνασ, ἐπὶ τῶν τραπεζῶν κεῖσθαι τὴν ἑκάστου μοῖραν, ὕστερον δὲ πολλά τε καὶ ποικίλα ἐπεισφέρεσθαι· διὸ καὶ ἐπιφορήματα κληθῆναι. Φιλύλλιοσ δ’ ἐν Φρεωρύχῳ φησὶν περὶ τῶν δευτέρων τραπεζῶν λέγων ἀμυγδάλια, καρύδι’, ἐπιφορήματα. καὶ Ἄρχιπποσ ἐν Ἡρακλεῖ καὶ Ἡρόδοτοσ ἐν α’ καὶ ἐπιδορπίσασθαι δ’ ἔλεγον τὸ ἐντραγεῖν καὶ ἐπιδειπνῆσαι. ἅπερ Ἄρχιπποσ ἐν Ἡρακλεῖ Γαμοῦντι ἐπιφορήματα καλεῖ διὰ τούτων ἰτρίοισ ἐπιφορήμασὶ τ’ ἄλλοισ γέμουσα. καὶ Ἡρόδοτοσ δὲ ἐν τῇ πρώτῃ·

"σιτίοισ δὲ ὀλίγοισι χρέονται, ἐπιφορήμασι δὲ πολλοῖσ. τέλοσ τί ἐστιν καὶ ἐλλιμένιον, ὡσ Ἀριστείδησ φησὶν ἐν, γ’ περὶ Παροιμιῶν. Διονύσιοσ δ’ ὁ τοῦ Τρύφωνοσ · "τὸ μὲν παλαιὸν πρὶν εἰσελθεῖν τοὺσ δαιτυμόνασ ἐπὶ τῶν τραπεζῶν κεῖσθαι τὴν ἑκάστου μοῖραν, ὕστερον δὲ πολλὰ καὶ ποικίλα ἐπιφέρεσθαι· "διὸ καὶ ἐπιφορήματα κληθῆναι. Φιλύλλιοσ δ’ ἐν Φρεωρύχῳ τὰ ἐπιφερόμενα μετὰ τὸ δειπνῆσαι λέγων ὧδε· ἀμυγδάλια, καρύδι’, ἐπιφορήματα.

Πλάτων δ’ ἐν Μενέλεῳ ἐπιτραπεζώματα αὐτὰ καλεῖ οἱο͂ν τὰ ἐπιτιθέμενα ταῖσ τραπέζαισ βρώματα, λέγων οὕτωσ· εἰπέ μοι, ὡσ ὀλίγα λοιπὰ τῶν ἐπιτραπεζωμάτων; β. ὁ γὰρ θεοῖσιν ἐχθρὸσ αὐτὰ κατέφαγεν. Ἀριστοτέλησ δ’ ἐν τῷ περὶ Μέθησ τὰ τραγήματά φησι λέγεσθαι ὑπὸ τῶν ἀρχαίων τρωγάλια· ὡσεὶ γὰρ ἐπιδορπισμὸν εἶναι. δείπνου δὲ λήγοντοσ γλυκὺ τρωγάλιον, καίπερ πεδ’ ἄφθονον βοράν.

ὄντωσ γὰρ κατὰ τὸν Εὐριπίδην ἀποβλέψαντα ἔστιν εἰσ τὰ παρακείμενα εἰπεῖν ὁρᾷσ τὸν εὐτράπεζον ὡσ ἡδὺσ βίοσ.