호흡부호 보기
강세부호 보기
장단부호 보기
작은 Iota 보기
모든 부호 보기
Τρύφων δέ φησι τὸ παλαιὸν πρὶν εἰσελθεῖν τοὺσ δαιτυμόνασ, ἐπὶ τῶν τραπεζῶν κεῖσθαι τὴν ἑκάστου μοῖραν, ὕστερον δὲ πολλά τε καὶ ποικίλα ἐπεισφέρεσθαι· διὸ καὶ ἐπιφορήματα κληθῆναι. Φιλύλλιοσ δ’ ἐν Φρεωρύχῳ φησὶν περὶ τῶν δευτέρων τραπεζῶν λέγων ἀμυγδάλια, καρύδι’, ἐπιφορήματα. καὶ Ἄρχιπποσ ἐν Ἡρακλεῖ καὶ Ἡρόδοτοσ ἐν α’ καὶ ἐπιδορπίσασθαι δ’ ἔλεγον τὸ ἐντραγεῖν καὶ ἐπιδειπνῆσαι. ἅπερ Ἄρχιπποσ ἐν Ἡρακλεῖ Γαμοῦντι ἐπιφορήματα καλεῖ διὰ τούτων ἰτρίοισ ἐπιφορήμασὶ τ’ ἄλλοισ γέμουσα. καὶ Ἡρόδοτοσ δὲ ἐν τῇ πρώτῃ·
"σιτίοισ δὲ ὀλίγοισι χρέονται, ἐπιφορήμασι δὲ πολλοῖσ. τέλοσ τί ἐστιν καὶ ἐλλιμένιον, ὡσ Ἀριστείδησ φησὶν ἐν, γ’ περὶ Παροιμιῶν. Διονύσιοσ δ’ ὁ τοῦ Τρύφωνοσ · "τὸ μὲν παλαιὸν πρὶν εἰσελθεῖν τοὺσ δαιτυμόνασ ἐπὶ τῶν τραπεζῶν κεῖσθαι τὴν ἑκάστου μοῖραν, ὕστερον δὲ πολλὰ καὶ ποικίλα ἐπιφέρεσθαι· "διὸ καὶ ἐπιφορήματα κληθῆναι. Φιλύλλιοσ δ’ ἐν Φρεωρύχῳ τὰ ἐπιφερόμενα μετὰ τὸ δειπνῆσαι λέγων ὧδε· ἀμυγδάλια, καρύδι’, ἐπιφορήματα.
Πλάτων δ’ ἐν Μενέλεῳ ἐπιτραπεζώματα αὐτὰ καλεῖ οἱο͂ν τὰ ἐπιτιθέμενα ταῖσ τραπέζαισ βρώματα, λέγων οὕτωσ· εἰπέ μοι, ὡσ ὀλίγα λοιπὰ τῶν ἐπιτραπεζωμάτων; β. ὁ γὰρ θεοῖσιν ἐχθρὸσ αὐτὰ κατέφαγεν. Ἀριστοτέλησ δ’ ἐν τῷ περὶ Μέθησ τὰ τραγήματά φησι λέγεσθαι ὑπὸ τῶν ἀρχαίων τρωγάλια· ὡσεὶ γὰρ ἐπιδορπισμὸν εἶναι. δείπνου δὲ λήγοντοσ γλυκὺ τρωγάλιον, καίπερ πεδ’ ἄφθονον βοράν.
ὄντωσ γὰρ κατὰ τὸν Εὐριπίδην ἀποβλέψαντα ἔστιν εἰσ τὰ παρακείμενα εἰπεῖν ὁρᾷσ τὸν εὐτράπεζον ὡσ ἡδὺσ βίοσ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기