헬라어 문장 검색 - ΑτηενάΤηεΔειπ

(아테나이오스, The Deipnosophists, Book 14, book 14, chapter 37)

διαποροῦσι δ’ ἔνιοι ὅπωσ τῆσ μαγάδιδοσ οὔσησ κατὰ Ἀνακρέοντα ὀψὲ γάρ ποτε τὰ πολύχορδα ὀφθῆναι μνημονεύων αὐτῆσ ὁ Ἀνακρέων λέγει· ψάλλω δ’ εἴκοσι χορδαῖσι μάγαδιν ἔχων, ὦ Λεύκασπι. καὶ ὁ μὲν Ποσειδώνιὸσ φησιν τριῶν μελῳδιῶν αὐτὸν μνημονεύειν, Φρυγίου τε καὶ Δωρίου καὶ Λυδίου· ταύταισ γὰρ μόναισ τὸν Ἀνακρέοντα κεχρῆσθαι· ὧν ζ’ χορδαῖσ ἑκάστησ περαινομένησ εἰκότωσ φάναι ψάλλειν αὐτὸν κ’ χορδαῖσ, τῷ ἀρτίῳ χρησάμενον ἀριθμῷ τὴν μίαν ἀφελόντα. ἀγνοεῖ δ’ ὁ Ποσειδώνιοσ ὅτι ἀρχαῖόν ἐστιν ὄργανον ἡ μάγαδισ, σαφῶσ Πινδάρου λέγοντοσ τὸν Τέρπανδρον ἀντίφθογγον εὑρεῖν τῇ παρὰ Λυδοῖσ πηκτίδι τὸν βάρβιτον τὸν ῥα Τέρπανδρόσ ποθ’ ὁ Λέσβιοσ εὑρ͂ε πρῶτοσ ἐν δείπνοισι Λυδῶν ψαλμὸν ἀντίφθογγον ὑψηλᾶσ ἀκούων πηκτίδοσ. πηκτὶσ δὲ καὶ μάγαδισ ταὐτόν, καθά φησιν ὁ Ἀριστόξενοσ καὶ Μέναιχμοσ ὁ Σικυώνιοσ ἐν τοῖσ περὶ Τεχνιτῶν.

καὶ τὴν Σαπφὼ δέ φησιν οὗτοσ, ἥτισ ἐστὶν Ἀνακρέοντοσ πρεσβυτέρα, πρώτην χρήσασθαι τῇ πηκτίδι. ὅτι δὲ καὶ Τέρπανδροσ ἀρχαιότεροσ Ἀνακρέοντοσ δῆλον ἐκ τούτων τὰ Κάρνεια πρῶτοσ πάντων Τέρπανδροσ νικᾷ, ὡσ Ἑλλάνικοσ ἱστορεῖ ἔν τε τοῖσ ἐμμέτροισ Καρνεονίκαισ κἀν τοῖσ καταλογάδην . ἐγένετο δὲ ἡ θέσισ τῶν Καρνείων κατὰ τὴν ἕκτην καὶ εἰκοστὴν ὀλυμπιάδα, ὡσ Σωσίβιόσ φησιν ἐν τῷ περὶ Χρόνων. Ιἑρώνυμοσ δ’ ἐν τῷ περὶ Κιθαρῳδῶν, ὅπερ ἐστὶ πέμπτον τῶν περὶ Ποιητῶν, κατὰ Λυκοῦργον τὸν νομοθέτην τὸν Τέρπανδρόν φησι γενέσθαι, ὃσ ὑπὸ πάντων συμφώνωσ ἱστορεῖται μετὰ Ἰφίτου τοῦ Ἠλείου τὴν πρώτην ἀριθμηθεῖσαν τῶν Ὀλυμπίων θέσιν διαθεῖναι.

Εὐφορίων τε ἐν τῷ περὶ Ἰσθμίων τὰ πολύχορδά φησι τῶν ὀργάνων ὀνόμασι μόνον παρηλλάχθαι, παμπάλαιον δ’ αὐτῶν εἶναι τὴν χρῆσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 14, book 14, chapter 37

(아테나이오스, The Deipnosophists, Book 14, book 14, chapter 37)

상위

목록

SEARCH

MENU NAVIGATION