Athenaeus, The Deipnosophists, Book 14, book 14, chapter 29

(아테나이오스, The Deipnosophists, Book 14, book 14, chapter 29)

Ἀριστόξενοσ δέ φησι τὴν πυρρίχην ἀπὸ Πυρρίχου Λάκωνοσ τὸ γένοσ τὴν προσηγορίαν λαβεῖν Λακωνικὸν δ’ εἶναι μέχρι καὶ νῦν ὄνομα τὸν Πύρριχον. ἐμφανίζει δ’ ἡ ὄρχησισ πολεμικὴ οὖσα ὡσ Λακεδαιμονίων τὸ εὑρ́ημα. πολεμικοὶ δ’ εἰσὶν οἱ Λάκωνεσ, ὧν καὶ οἱ υἱοὶ τὰ ἐμβατήρια μέλη ἀναλαμβάνουσιν ἅπερ καὶ ἐνόπλια καλεῖται, καὶ αὐτοὶ δ’ οἱ Λάκωνεσ ἐν τοῖσ πολέμοισ τὰ Τυρταίου ποιήματα ἀπομνημονεύοντεσ ἔνρυθμον κίνησιν ποιοῦνται. Φιλόχοροσ δέ φησιν κρατήσαντασ Λακεδαιμονίουσ Μεσσηνίων διὰ τὴν Τυρταίου στρατηγίαν ἐν ταῖσ στρατείαισ ἔθοσ ποιήσασθαι, ἂν δειπνοποιήσωνται καὶ παιωνίσωσιν, ᾄδειν καθ’ ἕνα τι Τυρταίου· κρίνειν δὲ τὸν πολέμαρχον καὶ ἆθλον διδόναι τῷ νικῶντι κρέασ, ἡ δὲ πυρρίχη παρὰ μὲν τοῖσ ἄλλοισ Ἕλλησιν οὐκ ἔτι παραμένει, καὶ ἐκλιπούσησ δὲ αὐτῆσ συμβέβηκε τοὺσ πολέμουσ καταλυθῆναι. παρὰ μόνοισ δὲ Λακεδαιμονίοισ διαμένει προγύμνασμα οὖσα τοῦ πολέμου·

ἐκμανθάνουσί τε πάντεσ ἐν τῇ Σπάρτῃ ἀπὸ πέντε ἐτῶν πυρριχίζειν. ἡ δὲ καθ’ ἡμᾶσ πυρρίχη Διονυσιακή τισ εἶναι δοκεῖ, ἐπιεικεστέρα οὖσα τῆσ ἀρχαίασ. φέρουσιν ὀρχοῦνταί τε τὰ περὶ τὸν Διόνυσον καὶ τοὺσ Ἰνδοὺσ ἔτι τε τὰ περὶ τὸν Πενθέα.

τακτέον δὲ ἐπὶ τῆσ πυρρίχησ τὰ κάλλιστα μέλη καὶ τοὺσ ὀρθίουσ ῥυθμούσ.

일치하는 문장이 없습니다.

SEARCH

MENU NAVIGATION