Athenaeus, The Deipnosophists, Book 14, book 14, chapter 3

(아테나이오스, The Deipnosophists, Book 14, book 14, chapter 3)

Ἀναξανδρίδησ δ’ ἐν Γεροντομανίᾳ καὶ εὑρετὰσ τῶν γελοίων φησὶ γενέσθαι Ῥαδάμανθυν καὶ Παλαμήδην, λέγων οὕτωσ· καίτοι πολλοί γε πονοῦμεν. τὸ δ’ ἀσύμβολον εὑρ͂ε γελοῖα λέγειν Ῥαδάμανθυσ καὶ Παλαμήδησ. γελωτοποιῶν δὲ μέμνηται Ξενοφῶν μὲν ἐν τῷ Συμποσίῳ Φιλίππου, περὶ οὗ καὶ οὑτωσὶ λέγει· "Φίλιπποσ δ’ ὁ γελωτοποιὸσ κρούσασ τὴν θύραν εἶπε τῷ ὑπακούσαντι εἰσαγγεῖλαι ὅστισ τε εἰή καὶ διότι κατάγεσθαι βούλεται· "συνεσκευασμένοσ δὲ ἔφη παρεῖναι πάντα τἀπιτήδεια ὥστε δειπνεῖν τἀλλότρια. "καὶ τὸν παῖδα δ’ ἔφη πάνυ πιέζεσθαι διά τε τὸ φέρειν μηδὲν καὶ διὰ τὸ ἀνάριστον εἶναι. Ἱππόλοχοσ δ’ ὁ Μακεδὼν ἐν τῇ πρὸσ Λυγκέα Ἐπιστολῇ γελωτοποιῶν μέμνηται Μανδρογένουσ καὶ Στράτωνοσ τοῦ Ἀττικοῦ. πλῆθοσ δ’ ἦν Ἀθήνησι τῆσ σοφιστείασ· "ἀπὸ τῶν ξ# ἔρχομαι. ἐν δὲ τούτοισ ἦσαν Καλλιμέδων τε ὁ Κάραβοσ καὶ Δεινίασ , ἔτι τε Μνασιγείτων καὶ Μέναιχμοσ, ὥσ φησι Τηλεφάνησ ἐν τῷ περὶ τοῦ Ἄστεοσ. τοσαύτη δ’ αὐτῶν δόξα τῆσ ῥᾳθυμίασ ἐγένετο ὥστε καὶ Φίλιππον ἀκούσαντα τὸν Μακεδόνα πέμψαι αὐτοῖσ τάλαντον, ἵν’ ἐκγραφόμενοι τὰ γελοῖα πέμπωσιν αὐτῷ.

ὅτι δὲ ἦν περὶ τὰ γελοῖα ἐσπουδακὼσ ὁ βασιλεὺσ οὗτοσ μαρτυρεῖ Δημοσθένησ ὁ ῥήτωρ ἐν τοῖσ Φιλιππικοῖσ. φιλόγελωσ δὲ ἦν καὶ Δημήτριοσ ὁ Πολιορκητήσ, ὥσ φησι Φύλαρχοσ ἐν τῇ σ’ τῶν Ἱστοριῶν, ὅσ γε καὶ τὴν Λυσιμάχου αὐλὴν κωμικῆσ σκηνῆσ οὐδὲν διαφέρειν ἔλεγεν ἐξιέναι γὰρ ἀπ’ αὐτῆσ πάντασ δισυλλάβουσ· "ἀλλ’ ἡ παρ’ ἐμοὶ πόρνη σωφρονέστερον τῆσ παρ’ ἐκείνῳ Πηνελόπησ ζῇ.

일치하는 문장이 없습니다.

SEARCH

MENU NAVIGATION