헬라어 텍스트

Polybius, Histories, book 5, chapter 100

(폴리비오스, Histories, book 5, chapter 100)

Ἐπὶ μὲν οὖν ἡμέρασ τρεῖσ τὰσ πρώτασ οὐδὲν ἠδύνατο προβιβάζειν τῶν ἔργων διὰ τὸ γενναίωσ καὶ παραβόλωσ ἀμύνεσθαι τοὺσ ἐκ τῆσ πόλεωσ. ἐπειδὴ δὲ διὰ τὴν συνέχειαν τῶν ἀκροβολισμῶν καὶ τὸ πλῆθοσ τῶν βελῶν οἱ προκινδυνεύοντεσ τῶν ἐκ τῆσ πόλεωσ οἱ μὲν ἔπεσον, οἱ δὲ κατετραυματίσθησαν, τότε βραχείασ ἐνδόσεωσ γενομένησ ἤρξαντο τῶν ὀρυγμάτων οἱ Μακεδόνεσ.

τῇ δὲ συνεχείᾳ, καίπερ ἀντιβαίνοντοσ τοῦ χωρίου, μόλισ ἐναταῖοι πρὸσ τὸ τεῖχοσ ἐξίκοντο.

μετὰ δὲ ταῦτα ποιούμενοι τὴν ἐργασίαν ἐκ διαδοχῆσ, ὥστε μήθ’ ἡμέρασ μήτε νυκτὸσ διαλείπειν, ἐν τρισὶν ἡμέραισ δύο πλέθρα τοῦ τείχουσ ὑπώρυξαν καὶ διεστύλωσαν.

τῶν δ’ ἐρεισμάτων οὐ δυναμένων ὑποφέρειν τὸ βάροσ, ἀλλ’ ἐνδόντων, πεσεῖν συνέβη τὸ τεῖχοσ πρὸ τοῦ πῦρ ἐμβαλεῖν τοὺσ Μακεδόνασ.

ἐνεργὸν δὲ ποιησαμένων τὴν ἀνακάθαρσιν τοῦ πτώματοσ, καὶ παρασκευασαμένων πρὸσ τὴν εἴσοδον καὶ μελλόντων ἤδη βιάζεσθαι, καταπλαγέντεσ παρέδοσαν οἱ Θηβαῖοι τὴν πόλιν.

ὁ δὲ Φίλιπποσ διὰ τῆσ πράξεωσ ταύτησ ἀσφαλισάμενοσ τὰ κατὰ τὴν Μαγνησίαν καὶ Θετταλίαν ἀφείλετο τὰσ μεγάλασ ὠφελείασ τῶν Αἰτωλῶν, ἀπεδείξατο δὲ καὶ ταῖσ αὑτοῦ δυνάμεσιν ὅτι δικαίωσ ἐπανείλετο τοὺσ περὶ τὸν Λεόντιον, ἐθελοκακήσαντασ πρότερον ἐν τῇ περὶ τοὺσ Παλαιεῖσ πολιορκίᾳ.

γενόμενοσ δὲ κύριοσ τῶν Θηβῶν τοὺσ μὲν ὑπάρχοντασ οἰκήτορασ ἐξηνδραποδίσατο, Μακεδόνασ δ’ εἰσοικίσασ Φιλίππου τὴν πόλιν ἀντὶ Θηβῶν κατωνόμασεν.

Ἤδη δ’ αὐτοῦ συντετελεσμένου τὰ κατὰ τὰσ Θήβασ, πάλιν ἧκον ὑπὲρ τῶν διαλύσεων παρά τε Χίων καὶ Ῥοδίων καὶ Βυζαντίων πρέσβεισ καὶ παρὰ Πτολεμαίου τοῦ βασιλέωσ·

οἷσ παραπλησίουσ ἀποκρίσεισ δοὺσ ταῖσ πρότερον, καὶ φήσασ οὐκ ἀλλότριοσ εἶναι διαλύσεωσ, ἔπεμψε κελεύσασ αὐτοὺσ πεῖραν λαμβάνειν καὶ τῶν Αἰτωλῶν.

αὐτὸσ δὲ τῆσ μὲν διαλύσεωσ ὠλιγώρει, τοῦ δὲ πράττειν τι τῶν ἑξῆσ ἀντείχετο.