헬라어 문장 검색 - Πλυταρ́Αρατυσ́43́

(플루타르코스, Aratus, chapter 43)

τοῦ δ’ Ἀντιγόνου πρὸσ προσιόντοσ ἤδη μετὰ τῆσ δυνάμεωσ ἦγε δὲ πεζοὺσ δισμυρίουσ Μακεδόνασ, ἱππεῖσ δὲ χιλίουσ καὶ τριακοσίουσ ἀπήντα μετὰ τῶν δημιουργῶν ὁ Ἄρατοσ αὐτῷ κατὰ θάλατταν εἰσ Πηγάσ, λαθὼν τοὺσ πολεμίουσ, οὐ πάνυ τι θαρρῶν τὸν Ἀντίγονον οὐδὲ πιστεύων τοῖσ Μακεδόσιν. ᾔδει γὰρ ηὐξημένον ἑαυτὸν ἐζ ὧν ἐκείνουσ κακῶσ ἐποίησε καὶ πρώτην εἰληφότα μεγίστην ὑπόθεσιν τῆσ πολιτείασ τὴν πρὸσ Ἀντίγονον τὸν παλαιὸν ἔχθραν. ἀλλὰ ὁρῶν ἀπαραίτητον ἐπικειμένην ἀνάγκην καὶ τὸν καιρόν, ᾧ δουλεύουσιν οἱ δοκοῦντεσ ἄρχειν, ἐχώρει πρὸσ τὸ δεινόν.

ὁ δὲ Ἀντίγονοσ, ὥσ τισ αὐτῷ προσιόντα τὸν Ἄρατον ἔφρασε, τοὺσ μὲν ἄλλουσ ἠσπάσατο μετρίωσ καὶ κοινῶσ, ἐκεῖνον δὲ καὶ περὶ τὴν πρώτην ἀπάντησιν ἐδέξατο τῇ τιμῇ περιττῶσ, καὶ τἆλλα πειρώμενοσ ἀνδρὸσ ἀγαθοῦ καὶ νοῦν ἔχοντοσ ἐνδοτέρω τῆσ χρείασ προσηγάγετο. καὶ γὰρ ἦν ὁ Ἄρατοσ οὐ μόνον ἐν πράγμασι μεγάλοισ ὠφέλιμοσ, ἀλλὰ καὶ σχολάζοντι βασιλεῖ συγγενέσθαι παρ’ ὁντινοῦν ἐπίχαρισ.

διό, καίπερ ὢν νέοσ ὁ Ἀντίγονοσ, ὡσ κατενόησε τὴν φύσιν τοῦ ἀνδρὸσ μηδὲν ἀργὸν εἰσ φιλίαν βασιλικὴν οὖσαν, οὐ μόνον Ἀχαιῶν, ἀλλὰ καὶ Μακεδόνων τῶν σὺν αὐτῷ πάντων μάλιστα χρώμενοσ ἐκείνῳ διετέλει· καὶ τὸ σημεῖον ἀπέβαινεν ὡσ ὁ θεὸσ ἐπὶ τῶν ἱερῶν ἔδειξε.

λέγεται γὰρ οὐ πρὸ πολλοῦ θύοντι τῷ Ἀράτῳ δύο χολὰσ ἐν ἥπατι φανῆναι μιᾷ πιμελῇ περιεχομένασ· καὶ τὸν μάντιν εἰπεῖν ὡσ ταχὺ πρὸσ τὰ ἔχθιστα καὶ πολεμιώτατα σύνεισιν εἰσ ἄκραν φιλίαν. τότε μὲν οὖν παρήνεγκε τὸ ῥηθέν, οὐδὲ ἄλλωσ πολὺ νέμων πίστεωσ ἱεροῖσ καὶ μαντεύμασιν, ἀλλὰ τῷ λογισμῷ χρώμενοσ, ἐπεὶ δὲ ὕστερον εὖ χωροῦντι τῷ πολέμῳ συναγαγὼν ὁ Ἀντίγονοσ ἑστίασιν ἐν Κορίνθῳ καὶ πολλοὺσ ὑποδεχόμενοσ τὸν Ἄρατον ἐπάνω κατέκλινεν ἑαυτοῦ, καὶ μετὰ μικρὸν αἰτήσασ περιβόλαιον ἠρώτησεν εἰ δοκεῖ κἀκείνῳ ψῦχοσ εἶναι, τοῦ δὲ καὶ πάνυ ῥιγοῦν φήσαντοσ, ἐκέλευσε προσχωρεῖν ἐγγυτέρω καὶ δάπιδοσ κομισθείσησ ἀμφοτέρουσ ὁμοῦ περιέβαλον οἱ παῖδεσ, τότε δὴ τὸν Ἄρατον ἀναμνησθέντα τῶν ἱερῶν ἐκείνων γέλωσ ἔλαβε, καὶ διηγεῖτο τῷ βασιλεῖ τὸ σημεῖον καὶ τὴν προαγόρευσιν. ἀλλὰ ταῦτα μὲν ἐπράχθη χρόνοισ ὕστερον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Aratus, chapter 43

(플루타르코스, Aratus, chapter 43)

상위

목록

SEARCH

MENU NAVIGATION